ជាតិ
សង្គមជាតិ
គ្រោះថ្នាក់ចរាចរណ៍ធ្លាក់ចុះ១ករណីនៅថ្ងៃឆ្លងឆ្នាំសកល ២០១៥
× នៅក្នុងថ្ងៃបុណ្យឆ្លងឆ្នាំសកល ២០១៤ ចូល ២០១៥ គ្រោះថ្នាក់ចរាចរណ៍បានកើតឡើងទូ ទាំងប្រទេសសរុបចំនួន ១៩ករណី ហើយបណ្តាលឲ្យមនុស្សបាត់បង់ជីវិតចំនួន ៨នាក់។ បើប្រៀបធៀបនឹងឆ្នាំមុន ករណីនេះមានការថយចុះ ១លើក។ នេះបើយោងតាមការផ្សាយ របស់អគ្គស្នងការដ្ឋាននគរបាលជាតិ។
អគ្គស្នងការដ្ឋាននគរបាលជាតិ បានផ្សាយថា គ្រោះថ្នាក់ចរាចរណ៍ទូទាំងចំនួន ១៩ករណី នោះ បណ្តាលឲ្យមានមនុស្សបាត់បង់ជីវិតចំនួន ០៨នាក់ ក្នុងនោះមានអ្នករងរបួសធ្ងន់ ១៤នាក់ និងរបួសស្រាល ១០នាក់ ហើយអ្នកថ្មើរជើងរងគ្រោះចំនួន ០២នាក់ និងអ្នកមិនពាក់មួកសុវត្ថិភាពចំនួនន ២៨នាក់។
គ្រោះថ្នាក់នោះ បណ្តាលឲ្យខូចខាតម៉ូតូចំនួន ២១គ្រឿង រថយន្តធន់តូច ០៦គ្រឿង រថយន្តធន់ធំ ០១គ្រឿង។ ករណីគ្រោះថ្នាក់ចរាចរណ៍ទាំងនោះកើតឡើងដោយសារ ការបើកបរហួសល្បឿន ០៩លើក ស្រវឹង ០៤លើក មិនគោរពច្បាប់បើកបរ និងកត្តាផ្លូវថ្នល់៕
© រក្សាសិទ្ធិដោយ thmeythmey.com