ជាតិ
សង្គមជាតិ
តើយុវជនអាចចូលរួមប្រយុទ្ធប្រឆាំងអំពើពុករលួយតាមរបៀបណាខ្លះ?
×![]()
យុវជន មានតូនាទីយ៉ាងសំខាន់ ក្នុងការចូលរួមចំណែក ប្រយុទ្ធប្រឆាំងអំពើពុករលួយ។ ហើយការប្រយុទ្ធប្រឆាំងអំពើពុករលួយនេះ អាចធ្វើទៅបានតាមរបៀបផ្សេងៗពីគ្នា ដួចជា៖ ការចាប់ផ្តើមចេញពីខ្លួនឯង ហ៊ានរាយការណ៍អំពីអំពើពុករលួយ ផ្សព្វផ្សាយ និងចែករំលែកដល់អ្នកដទៃជាដើម។
ជានិស្សិតនៃវិទ្យាស្ថាន ភាសាបរទេស (IFL) លោក ចាន់ ភីតធ័រ បានមានប្រសាសន៍ថា ក្នុងនាមជាយុវជន គេអាចចូលរួមចំណែកប្រយុទ្ធប្រឆាំងអំពើពុករលួយតាមរយៈ ការចែករំលែកព័ត៌មានអំពីអំពើពុករលួយតាមបណ្តាញសង្គម ការចូលរួមសិក្ខាសាលា ស្តីពីអំពើពុករលួយ ដើម្បីបង្កើនចំណេះដឹងដល់ខ្លួនឯងផ្ទាល់ ការបង្កើតជាខ្សែវីឌីអូអប់រំខ្លីអំពីអំពើពុករលួយ ការរៀបចំគម្រោងផ្សេងៗជាដើម។ ភីតធ័របន្តថា គេក៏អាចចូលរួមសកម្មភាពជាមួយ អង្គការតម្លាភាពកម្ពុជា ដើម្បីប្រយុទ្ធប្រឆាំងអំពើពុករលួយ លើកស្ទួយសុចរិតភាព តម្លាភាព និងការទទួលខុសត្រូវបានដែរ។
លោក ចាន់ ភីតធ័របានរម្លឹកពីពិសោធន៍របស់ខ្លួនយ៉ាងដូច្នេះថា៖«អ្វីដែលខ្ញុំធ្លាប់ធ្វើកន្លងមកនោះ គឺថា រូបខ្ញុំបានចូលរួមកម្មវិធីអ្នកដឹកនាំវ័យក្មេងរបស់អង្គការតម្លាភាពកម្ពុជា ហើយនាពេលប្ចុប្បន្ននេះខ្ញុំកំពុងរៀបចំ បង្កើតជាខ្សែវីឌីអូអប់រំខ្លីអំពីអំពើពុករលួយ ដើម្បីជាការផ្ញើសារ និងជាការក្រើនរំលឹកមូយដល់ប្រជាពលរដ្ឋទូទៅ ជាពិសេសជាយុវជនផងដែរ»។
ចំណែកឯកញ្ញា ស៊ីម លីដា ជានិស្សិតនៃសាកលវិទ្យាល័យភូមិន្ទភ្នំពេញវិញ កញ្ញាបានមានប្រសាសន៍ដោយខ្លីថា មុននឹងយើងអាចចូលរួមចំណែកក្នុងប្រយុទ្ធប្រឆាំងអំពើពុករលួយ យើងត្រូវយល់ពីអត្ថន័យនៃអំពើពុករលួយឲច្បាស់ជាមុនសិន ពីព្រោះ សម្រាប់កញ្ញា អំពើពុករលួយមានអត្ថន័យទូលំទូលាយណាស់ ហើយការឲ្យនិយមន័យទៅលើពាក្យនេះផ្សេងៗពីគ្នា អាស្រ័យទៅលើបុគ្គលម្នាក់ៗ ។ ទោះយ៉ាងណាក៏ដោយ ចំពោះលីដា គេមិនត្រូវអនុញ្ញាតឲ្យមានអំពើពុករលួយជាដាច់ខាត នៅក្នុងសង្គមនីតិរដ្ឋមួយ។
លោក នួន សុចិន្តា និស្សិតនៃវិទ្យាស្ថានបច្ចេកវិទ្យាកម្ពុជាបានមានប្រសាសន៍ថា ការចូលរួមប្រយុទ្ធប្រឆាំងអំពើពុករលួយ បង្ហាញអំពីការប្រឆាំងអំពើអយុត្តិធម៌ និងកាត់បន្ថយគម្លាតរវាងអ្នកមាន និងអ្នកក្រ។ សុចិន្តាបន្តយ៉ាងដូច្នេះថា៖«យើងជាយុវជន យើងត្រូវហ៊ានហ៊ានរាយការណ៍អំពើពុករលួយទៅដល់អង្គភាពប្រឆាំងអំពើពុករលួយ(ACU) ដោយ ទូរសព្ទទៅកាន់លេខ ១២៨២ ឬ សរសេរសំបុត្រ ដាក់ក្នុងប្រអប់ស របស់អង្គភាពប្រឆាំងអំពើពុករលួយដែលនៅតាមដងផ្លូវនានា។ ហើយយើងក៏អាចទំនាក់ទំនងដោយផ្ទាល់ដើម្បីពិគ្រោះយោបល់ផ្នែកច្បាប់ ដោយឥតគិតថ្លៃជាមួយ អង្គការតម្លាភាពកម្ពុជា ដោយ ទូរសព្ទទៅកាន់លេខ ១២៩២ ឬ ៧៧៧៧»។ សុចិន្តាក៏បានបញ្ជាក់ថែមទៀត យុវជនក៏អាច អាចចែករំលែកព័ត៌មានអំពីអំពើពុករលួយតាមបណ្តាញសង្គម និងបង្ហាញពីផលប៉ះពាល់នៃអំពើពុករលួយដល់អ្នកនៅជុំវិញខ្លូន។
កញ្ញា គីម កុសុមា ជានិស្សិតនៃសាកលវិទ្យាល័យជាតិគ្រប់គ្រង បានមានប្រសាសន៍ថា យុវជនមានសក្តានុពលយ៉ាងខ្លាំងក្លានៅក្នុងការចូលរួមប្រយុទ្ធប្រឆាំងអំពើពុករលួយនៅពេលបច្ចុប្បន្ន និងអនាគត។ យុវជនអាចចាប់ផ្តើម ចូលរួមប្រយុទ្ធប្រឆាំងអំពើពុករលួយ តាមរយៈការរៀន អំពីផលប៉ះពាល់នៃអំពើពុករលួយដល់សង្គមរបស់ពួកគេ និងខ្លួនរបស់គេផ្ទាល់ផងដែរ ដើម្បីអប់រំខ្លួនរបស់គេឲ្យរស់នៅពោរពេញដោយ តម្លាភាព និងសុចរិតភាព និងជំរុញអោយយុវជនចូលរួមក្នុងការងារសង្គម យ៉ាងសកម្ម និងភាពក្លាហាន។ កញ្ញាជឿជាក់ថា ប្រសិនបើប្រជាពលរដ្ឋទាំងអស់គ្នា ចាប់ផ្តើមប្រយុទ្ធប្រឆាំងអំពើពុករលួយពីពេលឥឡួវនេះតទៅដូច្នេះនៅពេលអនាគត ប្រទេសកម្ពុជានឹងក្លាយជាប្រទេសដែលមាន ភាពល្អស្អាត ប្រជាពលរដ្ឋគោរពច្បាប់ និងមានភាពភ្លឺថ្លា ត្រចះត្រចង់៕
ជានិស្សិតនៃវិទ្យាស្ថាន ភាសាបរទេស (IFL) លោក ចាន់ ភីតធ័រ បានមានប្រសាសន៍ថា ក្នុងនាមជាយុវជន គេអាចចូលរួមចំណែកប្រយុទ្ធប្រឆាំងអំពើពុករលួយតាមរយៈ ការចែករំលែកព័ត៌មានអំពីអំពើពុករលួយតាមបណ្តាញសង្គម ការចូលរួមសិក្ខាសាលា ស្តីពីអំពើពុករលួយ ដើម្បីបង្កើនចំណេះដឹងដល់ខ្លួនឯងផ្ទាល់ ការបង្កើតជាខ្សែវីឌីអូអប់រំខ្លីអំពីអំពើពុករលួយ ការរៀបចំគម្រោងផ្សេងៗជាដើម។ ភីតធ័របន្តថា គេក៏អាចចូលរួមសកម្មភាពជាមួយ អង្គការតម្លាភាពកម្ពុជា ដើម្បីប្រយុទ្ធប្រឆាំងអំពើពុករលួយ លើកស្ទួយសុចរិតភាព តម្លាភាព និងការទទួលខុសត្រូវបានដែរ។
លោក ចាន់ ភីតធ័របានរម្លឹកពីពិសោធន៍របស់ខ្លួនយ៉ាងដូច្នេះថា៖«អ្វីដែលខ្ញុំធ្លាប់ធ្វើកន្លងមកនោះ គឺថា រូបខ្ញុំបានចូលរួមកម្មវិធីអ្នកដឹកនាំវ័យក្មេងរបស់អង្គការតម្លាភាពកម្ពុជា ហើយនាពេលប្ចុប្បន្ននេះខ្ញុំកំពុងរៀបចំ បង្កើតជាខ្សែវីឌីអូអប់រំខ្លីអំពីអំពើពុករលួយ ដើម្បីជាការផ្ញើសារ និងជាការក្រើនរំលឹកមូយដល់ប្រជាពលរដ្ឋទូទៅ ជាពិសេសជាយុវជនផងដែរ»។
ចំណែកឯកញ្ញា ស៊ីម លីដា ជានិស្សិតនៃសាកលវិទ្យាល័យភូមិន្ទភ្នំពេញវិញ កញ្ញាបានមានប្រសាសន៍ដោយខ្លីថា មុននឹងយើងអាចចូលរួមចំណែកក្នុងប្រយុទ្ធប្រឆាំងអំពើពុករលួយ យើងត្រូវយល់ពីអត្ថន័យនៃអំពើពុករលួយឲច្បាស់ជាមុនសិន ពីព្រោះ សម្រាប់កញ្ញា អំពើពុករលួយមានអត្ថន័យទូលំទូលាយណាស់ ហើយការឲ្យនិយមន័យទៅលើពាក្យនេះផ្សេងៗពីគ្នា អាស្រ័យទៅលើបុគ្គលម្នាក់ៗ ។ ទោះយ៉ាងណាក៏ដោយ ចំពោះលីដា គេមិនត្រូវអនុញ្ញាតឲ្យមានអំពើពុករលួយជាដាច់ខាត នៅក្នុងសង្គមនីតិរដ្ឋមួយ។
លោក នួន សុចិន្តា និស្សិតនៃវិទ្យាស្ថានបច្ចេកវិទ្យាកម្ពុជាបានមានប្រសាសន៍ថា ការចូលរួមប្រយុទ្ធប្រឆាំងអំពើពុករលួយ បង្ហាញអំពីការប្រឆាំងអំពើអយុត្តិធម៌ និងកាត់បន្ថយគម្លាតរវាងអ្នកមាន និងអ្នកក្រ។ សុចិន្តាបន្តយ៉ាងដូច្នេះថា៖«យើងជាយុវជន យើងត្រូវហ៊ានហ៊ានរាយការណ៍អំពើពុករលួយទៅដល់អង្គភាពប្រឆាំងអំពើពុករលួយ(ACU) ដោយ ទូរសព្ទទៅកាន់លេខ ១២៨២ ឬ សរសេរសំបុត្រ ដាក់ក្នុងប្រអប់ស របស់អង្គភាពប្រឆាំងអំពើពុករលួយដែលនៅតាមដងផ្លូវនានា។ ហើយយើងក៏អាចទំនាក់ទំនងដោយផ្ទាល់ដើម្បីពិគ្រោះយោបល់ផ្នែកច្បាប់ ដោយឥតគិតថ្លៃជាមួយ អង្គការតម្លាភាពកម្ពុជា ដោយ ទូរសព្ទទៅកាន់លេខ ១២៩២ ឬ ៧៧៧៧»។ សុចិន្តាក៏បានបញ្ជាក់ថែមទៀត យុវជនក៏អាច អាចចែករំលែកព័ត៌មានអំពីអំពើពុករលួយតាមបណ្តាញសង្គម និងបង្ហាញពីផលប៉ះពាល់នៃអំពើពុករលួយដល់អ្នកនៅជុំវិញខ្លូន។
កញ្ញា គីម កុសុមា ជានិស្សិតនៃសាកលវិទ្យាល័យជាតិគ្រប់គ្រង បានមានប្រសាសន៍ថា យុវជនមានសក្តានុពលយ៉ាងខ្លាំងក្លានៅក្នុងការចូលរួមប្រយុទ្ធប្រឆាំងអំពើពុករលួយនៅពេលបច្ចុប្បន្ន និងអនាគត។ យុវជនអាចចាប់ផ្តើម ចូលរួមប្រយុទ្ធប្រឆាំងអំពើពុករលួយ តាមរយៈការរៀន អំពីផលប៉ះពាល់នៃអំពើពុករលួយដល់សង្គមរបស់ពួកគេ និងខ្លួនរបស់គេផ្ទាល់ផងដែរ ដើម្បីអប់រំខ្លួនរបស់គេឲ្យរស់នៅពោរពេញដោយ តម្លាភាព និងសុចរិតភាព និងជំរុញអោយយុវជនចូលរួមក្នុងការងារសង្គម យ៉ាងសកម្ម និងភាពក្លាហាន។ កញ្ញាជឿជាក់ថា ប្រសិនបើប្រជាពលរដ្ឋទាំងអស់គ្នា ចាប់ផ្តើមប្រយុទ្ធប្រឆាំងអំពើពុករលួយពីពេលឥឡួវនេះតទៅដូច្នេះនៅពេលអនាគត ប្រទេសកម្ពុជានឹងក្លាយជាប្រទេសដែលមាន ភាពល្អស្អាត ប្រជាពលរដ្ឋគោរពច្បាប់ និងមានភាពភ្លឺថ្លា ត្រចះត្រចង់៕
© រក្សាសិទ្ធិដោយ thmeythmey.com
