អន្តរជាតិ
នយោបាយអន្តរជាតិ
×![]()
កូរ៉េខាងត្បូងចោទប្រកាន់រដ្ឋាភិបាលថៃកំពុងតែអនុវត្តចាកឆ្ងាយពីការព្រមព្រៀងរវាងរដ្ឋាភិបាលទាំងពីរលើការវិនិយោគផ្លូវរថភ្លើង។ការសម្តែងការមិនពេញចិត្តនេះកើតឡើងក្រោយរដ្ឋាភិបាលថៃបានបន្តការវិនិយោគផ្លូវរថភ្លើងរបស់ខ្លួនជាមួយរដ្ឋាភិបាលចិន។
កាលពីទី០៥ធ្នូកន្លងទៅនេះលោកSuh Seung-hwanរដ្ឋមន្ត្រីទទួលបន្ទុកដីធ្លី ហេដ្ឋារចនាសម្ព័ន្ធនិងដឹកជញ្ជូនកូរ៉េខាងត្បូងបានសម្តែងការមិនចេញចំពោះសកម្មភាពរបស់រដ្ឋាភិបាលថៃដែលបានអនុវត្តចាកឆ្ងាយពីកិច្ចព្រមព្រៀងទ្វេភាគីដែលបានធ្វើអំឡុងដែលលោកនាយករដ្ឋមន្ត្រីថៃប្រាយុទ្ធចាន់អូចាបានអញ្ជើញចូលរួមក្នុងកិច្ចប្រជុំកំពូលអាស៊ាន-កូរ៉េកាលពីឆ្នាំ២០១៤ ។
នៅក្នុងរយៈពេលប៉ុន្មានខែចុងក្រោយនេះរដ្ឋាភិបាលថៃថ្មីបានចុះកិច្ចព្រមព្រៀងថ្មិជាមួយនិងរដ្ឋាភិបាលចិនដើម្បីវិនិយោគលើផ្លូវរថភ្លើងនៅក្នុងប្រទេសថៃដែលទំហំទឹកប្រាក់ប្រមាណជាង១០ពាន់លានដុល្លារសហរដ្ឋអាមេរិក។ការពង្រីកទំហំវិនិយោគនេះបានធ្វើរដ្ឋាភិបាលកូរ៉េខាងត្បូងមានការមិនពេញចិត្តឡើយ ព្រោះដោយសារការអនុវត្តនេះវាហាក់ដូចជាមិនគោរពទៅតាមការសន្យាដែលរដ្ឋាភិបាលថៃបានសន្យាចំពោះរដ្ឋាភិបាលកូរ៉េខាងត្បូងឡើយ។
យ៉ាងណាមិញឧបនាយករដ្ឋមន្ត្រីថៃលោក Pridiyathorn Devakula ពន្យល់ថាកិច្ចព្រមព្រៀងដែលរដ្ឋាភិបាលថៃបច្ចុប្បន្នបានធ្វើជាការអនុវត្តន៍កិច្ចព្រមព្រៀងដែលអតីតរដ្ឋាភិបាលបានចុះកន្លងមកតែប៉ុណ្ណោះដូច្នេះវាគឺជាកាតព្វកិច្ចដែលរដ្ឋាភិបាលថៃត្រូវធ្វើ។
បន្ថែមពីនេះលោក Pridiyathorn បានបញ្ជាក់ថាបច្ចុប្បន្នថៃកំពុងមានគម្រោងជាបន្ទាន់មួយក្នុងការអភិវឌ្ឍន៍ផ្លូវរថភ្លើងដើម្បីបង្កើននូវការដឹកជញ្ជូនទំនិញដែលមានចម្ងាយប្រមាណ៧០០គីឡូម៉ែត។ដូច្នេះគម្រោងនេះនឹងស្វាគមន៍ចំពោះការវិនិយោគរបស់កូរ៉េខាងត្បូង។
ដោយឡែករដ្ឋមន្ត្រីកូរ៉េខាងត្បូងនៅតែចង់វិនិយោគក្នុងគម្រោងដែលថៃនិងចិនបានចុះកិច្ចព្រមព្រៀងទោះបីជាថៃបានព្យាយាមពន្យល់យ៉ាងណាក៏ដោយ។យ៉ាងណាមិញប្រទេសទាំងពីរនឹងរៀបចំកិច្ចប្រជុំរដ្ឋមន្ត្រីម្តងទៀតដើម្បីពិភាក្សាលើបញ្ហានេះ។
គួរបញ្ជាក់ផងដែរស្របពេលនៃកើនឡើងលើការវិនិយោគរបស់ចិនលើវិស័យហេដ្ឋារចនាសម្ពន្ធ័របស់ថៃជាពិសេសនោះផ្លូវរថភ្លើងរដ្ឋាភិបាលថៃកំពុងតែប្រឈមជាមួយប្រទេសពីររួមមានជប៉ុននិងកូរ៉េខាងត្បូងដែលជាដៃគូវិនិយោគធំដែលមិនទាន់ទទួលបានគម្រោងវិនិយោគដូចដែលរដ្ឋាភិបាលថៃបានសន្យាជាមួយនៅឡើយទេ៕
© រក្សាសិទ្ធិដោយ thmeythmey.com
