ជាតិ
សង្គមជាតិ
×![]()
ដោយ: ខន ចំប៉ា
នៅក្នុងខែធ្នូឆ្នាំ២០១៤កន្លងទៅបទល្មើសបានកើតឡើងចំនួន២២៩ករណី។ នេះបើយោងតាមរបាយការណ៍របស់អគ្គស្នងការនគរបាលជាតិ ដែលបានផ្សព្វផ្សាយនៅក្នុងកិច្ចប្រជុំបូកសរុបការងារប្រចាំខែធ្នូ ឆ្នាំ២០១៤ និងលើកទិសដៅការងារខែមករាឆ្នាំ២០១៥ របស់អគ្គស្នងការនគរបាលជាតិកាលពីថ្ងៃទី០៦ខែមករាម្សិលមិញ។
បើតាមរបាយការណ៍ ក្នុងចំណោមបទល្មើសដែលបានកើតឡើងរួមមានបទល្មើសឧក្រិដ្ឋ ៦៨ និងបទល្មើសមជ្ឈឹម ១៦១ ក្នុងនោះបានបណ្តាលឲ្យមនុស្ស ចំនួន២៣នាក់ស្លាប់ របួស៧៣នាក់ រងគ្រោះ២២នាក់ បាត់ម៉ូតូ៤២គ្រឿង រថយន្ត២គ្រឿង និងសម្ភារៈផ្សេងមួយចំនួនទៀត។
អគ្គស្នងការនគរបាលជាតិ បានលើកទិសដៅ១៨ចំណុច ដើម្បីការពារសន្តិសុខ និងសុវត្ថិភាពជូនប្រជាពលរដ្ឋ សម្រាប់ខែមករានេះ ក្នុងនោះបន្តអនុវត្តបញ្ចប់ការងារសេសសល់ដែលបានកំណត់ក្នុងទិសដៅខែធ្នូ ឆ្នាំ២០១៤ និងប្រមូលផ្តុំការពារនៅថ្ងៃទិវាថ្ងៃ០៧មករា ខួបទី៣៦ ឆ្នាំ២០១៥នេះផងដែរ៕
© រក្សាសិទ្ធិដោយ thmeythmey.com
