ខ្មែរក្រហម
ជាតិ
សង្គមជាតិ
ស្វែងយល់រដ្ឋធម្មនុញ្ញរបបខ្មែរក្រហម
× ចាប់ពីថ្ងៃទី១៥-¬¬¬១៩ ខែធ្នូ ឆ្នាំ១៩៧៥ សេចក្តីព្រាងរដ្ឋធម្មនុញ្ញមួយត្រូវបានអនុម័តដែលមានសមាជិកចូលរួមចំនួន ១០០០នាក់ ក្នុងមហាសន្និបាតជាតិនៅទីក្រុងភ្នំពេញ ហើយបានប្រកាសដាក់ឲ្យប្រើប្រាស់ចាប់ពីថ្ងៃទី១៥ ខែមករា ឆ្នាំ១៩៧៦ ។
ប្រទេសកម្ពុជាត្រូវប្តូរឈ្មោះជា«កម្ពុជាប្រជាធិបតេយ្យ»។ រដ្ឋធម្មនុញ្ញបានបង្កើតសភាតំណាងប្រជាជនចំនួន ២៥០អាសនៈ ដែលក្នុងនោះតំណាងឲ្យវណ្ណៈកសិករ ១៥០រូប តំណាងឲ្យវណ្ណៈកម្មករពលករ ៥០រូប និងតំណាងឲ្យកងទ័ពបដិវត្តន៍កម្ពុជា ៥០រូប។
រដ្ឋសភាបានបើកសម័យប្រជុំតែម្តងគត់នៅខែមេសា ១៩៧។
ចម្រៀងជាតិ៖ ចម្រៀងជាតិឈ្មោះថា «១៧ មេសាមហាជោគជ័យ» និពន្ធដោយប៉ុលពត។
ទង់ជាតិ (មាត្រាទី១៦)៖ ទង់ជាតិពណ៌ក្រហមមានរូបប្រាសាទអង្គរវត្តកំពូលបីពណ៌លឿងនៅកណ្តាល។ ផ្ទៃទង់ជាតិពណ៌ក្រហមជានិមិត្តរូបនៃចលនាបដិវត្តន៍ការប្រយុទ្ធមោះមុត អង់អាចក្លាហានក្នុងការរំដោះជាតិការពារជាតិ និងកសាងជាតិកម្ពុជា។ ប្រាសាទកំពូលបីពណ៌លឿងជានិមិត្តរូបនៃប្រពៃណីជាតិ និងប្រជាជនកម្ពុជាដែលជាអ្នកការពារ និងស្ថាបនាប្រទេសឲ្យថ្កុំថ្កើងរុងរឿង។
សញ្ញាជាតិ (មាត្រាទី១៧)៖ប្រព័ន្ធស្រែ និងប្រឡាយទឹកជានិមិត្តរូបនៃកសិកម្មជឿនលឿន រោងចក្រជានិមិត្តរូបនៃឧស្សាហកម្មមានកម្រងកួរស្រូវរាងជាស្នែងក្របីព័ទ្ធពីក្រៅ ហើយមានអក្សរ«កម្ពុជាប្រជាធិបតេយ្យ»នៅពីក្រោម៕
ប្រភព៖ សៀវភៅសិក្សាសង្គមថ្នាក់ទី៩
© រក្សាសិទ្ធិដោយ thmeythmey.com