អន្តរជាតិ
នយោបាយអន្តរជាតិ
ហុងកុង៖កំណែទម្រង់នីតិវិធីបោះឆ្នោតជាយុទ្ធសាស្ត្របញ្ចប់បាតុកម្មរបស់ក្រុងប៉េកាំង
×![]()
បញ្ហានយោបាយនៅទីក្រុងហុងកុងនៅតែជារឿងចម្រូងចម្រាសនិងពិបាកដោះស្រាយនៅឡើយ។ បាតុករគាំទ្រប្រជាធិបតេយ្យបានបន្តគំរាមធ្វើបាតុកម្មទាមទារសិទ្ធិបោះឆ្នោតពេញលេញ ពីរដ្ឋាភិបាលក្រុងប៉េកាំង ដោយពួកគេរំពឹងថាចលនាបាតុកម្មនឹងដាក់សម្ពាធអោយរដ្ឋាភិបាលចិនព្រមតាមការទាមទារ។ ឆ្លើយតបនឹងការបាតុកម្មនៅថ្ងៃពុធនេះរដ្ឋាភិបាលទឹកដីពាក់កណ្តាលស្វយ័តហុងកុងបានបើកវេទិការពិភាក្សាសាធារណមួយបង្ហាញពីជំហរក្នុងការរៀបចំកំណែទម្រង់នយោបាយ និងតម្រូវចិត្តប្រជាជនហុងកុងដែលចង់បានលទ្ធិប្រជាធិបតេយ្យពេញលេញ។ យ៉ាងណាក៏ដោយសកម្មភាពរបស់អាជ្ញាធរហុងកុងទំនងជាទទួលបានការណែនាំពីក្រុងប៉េកាំង ហើយគេមិនរំពឹងថាជំហរកែទម្រង់នយោបាយនិងផ្លាស់ប្តូរនីតិវិធីបោះឆ្នោតជ្រើសរើសមេដឹកនាំហុងកុង មានសញ្ញាវិជ្ជមាននោះឡើយ។ យ៉ាងច្រើនបំផុត គេអនុញ្ញាតអោយមនុស្សគ្រប់គ្នាអាចចូលរួមប្រកួតប្រជែងក្នុងការបោះឆ្នោតបាន ប៉ុន្តែអ្នកជ្រើសរើសគឺគណកម្មការបង្កើតនិងស្និទ្ធក្រុងប៉េកាំងឯណោះអ្នកមានអំណាចជ្រើសរើសបេក្ខជននោះ។ 
សូមស្តាប់ការបកស្រាយរបស់លោក សៅ ផលនិស្ស័យ ទាក់ទិននឹងបញ្ហានេះ៖
បញ្ហានយោបាយហុងកុងកើតមានឡើងក្រោយពេលដែលអាជ្ញាធរក្រុងប៉េកាំងប្រកាសពីការបោះឆ្នោតដំបូងបំផុតជាប្រវត្តិសាស្ត្រក្នុងទឹកដីហុងកុង បើកផ្លូវដល់ប្រជាជនតំបន់អាចបោះឆ្នោតដោយផ្ទាល់ដើម្បីជ្រើសរើសប្រមុខរដ្ឋាភិបាលតំបន់បាន។ប្រជាជននិងអ្នកគាំទ្រលទ្ធិប្រជាធិបតេយ្យនៅក្នុងទីក្រុងហុងកុងបង្ហាញការខកចិត្តដោយសារ បើទោះជាចិនបើកផ្លូវអោយមានការបោះឆ្នោតនៅហុងកុងជាសាកលនិងដោយផ្ទាល់ក៏ដោយ តែបើមើលអោយដឹតដល់ការបោះឆ្នោតគ្មានប្លែកអ្វីពីការជ្រើសរើសដោយក្រុងប៉េកាំងឡើយ។ យោងតាមការសម្រេចចិត្តរបស់រដ្ឋាភិបាលចិន ការបោះឆ្នោតអាចរៀបចំទៅបានដោយផ្ទាល់ ប៉ុន្តែអនុញ្ញាតអោយបេក្ខជនប្រហែល២ទៅ៣នាក់ប៉ុណ្ណោះអាចឈរឈ្មោះប្រកួតប្រជែងបាន។ ហើយអ្វីដែលធ្វើអោយប្រជាជនហុងកុងខកចិត្តនោះគឺ គណកម្មការមួយរបស់ក្រុងប៉េកាំងជាអ្នកជ្រើសរើសបេក្ខជននោះ មុននឹងដាក់ឈ្មោះពួកគេអោយប្រជាជនបោះឆ្នោតជ្រើសរើស។ ដោយសារយល់ថា ការផ្តល់សិទ្ធិបោះឆ្នោតតាមប្រជាធិបតេយ្យត្រឹមតែធ្វើអោយល្អមើលនិងប្រជាធិបតេយ្យក្លែងក្លាយនោះ សកម្មជនប្រជាធិបតេយ្យ សិស្ស និស្សិត ប្រជាជជនចាប់ផ្តើមចេញមុខតវ៉ា។
រយៈពេលយ៉ាងហោចណាស់ពីរខែដែលចលនាមហាបាតុកម្មកើតមានឡើងនៅក្នុងអតីតទឹកដីអាណានិគមអង់គ្លេស ហុងកុង។ ក្មេងៗរាប់ម៉ឺនភាគច្រើនជាសិស្សនិងនិស្សិត ប្រជជន និងសកម្មជនប្រជាធិបតេយ្យបានប្រមូលផ្តុំគ្នាតាមដងផ្លូវ ដើម្បីដាក់សម្ពាធលើរដ្ឋាភិបាលដោយរំពឹងថា ការបោះឆ្នោតឆ្នាំ ២០១៧ អាចធ្វើទៅបានដោយសេរី និងត្រឹមត្រូវតាមគោលការណ៍ប្រជាធិបតេយ្យនោះ។ ប៉ុន្តែអាជ្ញាធរហុងហុង ដែលស្ថិតក្រោមបញ្ជារបស់រដ្ឋាភិបាលកណ្តាលក្រុងប៉េកាំងបានព្យាយាមបោសសម្អាតចលនាបាតុកម្ម និងបន្តដាក់គំរាមលើជនណាដែលប្រឆាំងនឹងអាជ្ញាធរ ដោយយកលែសរក្សាសណ្តាប់ធ្នាប់សាធារណៈ និងទប់ស្កាត់ចលាចលនៅក្នុងតំបន់។ យ៉ាងណាក៏ដោយគេមើលឃើញថា ចលនាបាតុកម្មរបស់ប្រជាជនហុងកុងមានឥទ្ធិពលតិចតួចបំផុតលើការសម្រេចចិត្តរបស់ក្រុងប៉េកាំងចំពោះការបើកផ្លូវអោយមានការបោះឆ្នោត ដែលអាចនិយាយបានថាបាតុកម្មបដិវត្តន៍ឆ័ត្រនៅហុងកុងបរាជ័យក្នុងការទាមទារអោយក្រុងប៉េកាំងធ្វើសម្បទាននយោបាយ។
យ៉ាងណាក៏ដោយ ឆ្លើយតបនឹងការប្រឆាំង និងទាមទារសិទ្ធិបោះឆ្នោតពេញលេញ រដ្ឋាភិបាលចិន និងមេដឹកនាំទឹកដីពាក់កណ្តាលស្វយ័តហុងកុងបានសម្រេចប្រកាសរៀបចំវេទិការប្រឹក្សាសាធារណនៅថ្ងៃពុធនេះ ដោយអនុញ្ញាតអោយប្រជាជនហុងកុងបង្ហាញមតិយោបល់ចំពោះការបោះឆ្នោតនាពេលខាងមុខ។ មេដឹកនាំហុងកុងហៅការប្រឹក្សានេះថាជាការកំណែទម្រង់ផ្នែកនយោបាយ និងជាការធ្វើសម្បទានរបស់ក្រុងប៉េកាំងចំពោះការបោះឆ្នោតនាពេលខាងមុខ ប៉ុន្តែមេដឹកនាំហុងកុងក៏ព្រមានបាតុករ និងក្រុមគាំទ្រប្រជាធិបតយ្យជាស្រេចចំពោះការប៉ុនប៉ងបិទផ្លូវបាតុកម្មទៀត។ តាមពិតទៅវេទិកាជជែកពិភាក្សានេះ គឺជាវេទិកាលើកទីពីរហើយដែលរដ្ឋាភិបាលហុងកុងរៀបចំឡើង ដែលក្នុងនោះរដ្ឋាភិបាលតំបន់នឹងផ្តល់សំណើរនិងនិតិវិធីជារួមទាក់ទិនទៅនឹងការបោះឆ្នោតរើសមេដឹកនាំហុងកុងទៅសភាតំបន់ និងប្រជាជនដើម្បីអោយពួកគេបញ្ចេញមតិយោបល់។
គេយល់ថា វេទិការពិភាក្សានិងប្រឹក្សាដោយមានការចូលរួមពីប្រជាជននោះ ត្រឹមតែធ្វើអោយល្អមើលតែប៉ុណ្ណោះ ប៉ុន្តែចិនមិនព្រមអនុញ្ញាតអោយមានការបោះឆ្នោតដោយសេរី និងតាមប្រជាធិបតេយ្យពេញលេញឡើយ។
មេដឹកនាំក្រុមបាតុកម្ម បានព្រលយពាក្យថា បើបោះឆ្នោតរើសមេដឹកនាំមិនពេញលេញដដែល គេមិនគួរចំណាយលុយបោះឆ្នោតអោយខាតបង់ទេ ហើយមិនចាំបាច់បោះឆ្នោតប្រសើរជាង។ចំណែកសមាជិកសភាហុងកុងដែលទោរទន់ទៅលទ្ធិប្រជាធិបតេយ្យ បានសន្យាថា ពួកគេនឹងប្រើសិទ្ធិជំទាស់ទាត់ចោលរាល់សំណើររបស់អាជ្ញាធរហុងកុងដែលពាក់ព័ន្ធនីតិវធីបោះឆ្នោតដែលប្រាសចាកពីគោលការណ៍ប្រជាធិបតេយ្យ នេះមានន័យថាការបង្ហាញជាផ្លូវការពីសិទ្ធិបោះឆ្នោតនិងនីតិវិធីបោះឆ្នោតនឹងត្រូវពន្យារពេលសិន ហើយបន្តនីតិវិធីចាស់បោះឆ្នោតជ្រើសរើសដោយគណកម្មការបោះឆ្នោតសមាជិក១២០០នាក់ដដែល។
គ្មានអីចម្លែកឡើយ ដែលរដ្ឋាភិបាលក្រុងប៉េកាំងនិងរដ្ឋាភិបាលហុងកុងត្រូវរៀបចំការពិភាក្សាសាធារណនេះឡើង។ ក្រុងប៉េកាំងរំពឹងថា តិចឬច្រើនវាអាចជួយកាត់បន្ថយកំហឹងរបស់ប្រជាជនហុងកុងដែលតវ៉ារកការបោះឆ្នោតប្រជាធិបតេយ្យនោះ។ រដ្ឋាភិបាលក្រុងហុងកុងនឹងបន្តបង្កើតការពិភាក្សាបន្តបន្ទាប់ ទាក់ទិនីតិវិធីបោះឆ្នោតជ្រើសរើសមេដឹកនាំប្រចាំតំបន់ហុងកុងនៅឆ្នាំ២០១៧ ដោយផ្តល់ឳកាសអោយក្រុមបាតុករ និងអ្នកគាំទ្រប្រជាធិបតេយ្យបញ្ចេញមតិរបស់ខ្លួន។ យ៉ាងច្រើនគេអនុញ្ញាតអោយមានអ្នកចូលរួមសេរីប៉ុន្តែចុងក្រោយគេដឹងច្បាស់ថា រដ្ឋាភិបាលចិននឹងនៅតែមិនព្រមលះបង់ការសម្រេចចិត្តរបស់ខ្លួន ដោយបន្តទុកគណកម្មការជ្រើសរើសបេក្ខជនជាមុន។ បើចិនធ្វើសម្បទាននយោបាយទៅអោយក្រុមបាតុករគាំទ្រប្រជាធិបតេយ្យដោយអោយមានការបោះឆ្នោតដោយសេរី ឥទ្ធិពលចិនអាចនឹងបាត់បង់អស់ពីអតីតដែនដីអាណានិគមអង់គ្លេសនេះ។
ដោយឡែកអាជ្ញាធរហុងកុងបានព្រមានជាស្រេចហើយទៅកាន់មេដឹកនាំបាតុករ ដោយលោក Leung Chun Ying ប្រមុខរដ្ឋាភិបាលប្រចាំតំបន់បានលើកឡើងថា បើមានបាតុកម្មទៀតអាជ្ញាធរនឹងចាត់វិធានការ។ ដើមសប្តាហ៍នេះមេដឹកនាំបាតុកម្មជាង៣០នាក់ត្រូវបានអាជ្ញាធរកោះហៅអោយចូលខ្លួនមកបំភ្លឺ ហើយពួកគេសុទ្ធតែពាក់ព័ន្ធនឹងការរៀបចំការបាតុកម្មនៅកណ្តាលហុងកុងនិងកាន់កាប់ផ្លូវសំខាន់ៗថែមទៀត។ អាជ្ញាធរហុងកុងអាចនឹងប្រើប្រាស់វិធានការក្តៅដើម្បីបង្ខំកុំអោយបាតុករបន្តធ្វើបាតុកម្មប្រឆាំងរដ្ឋាភិបាល និងបើកទ្វាដ៏ចង្អៀតសម្រាប់ការចរចា។ មិនយូរមិនឆាប់បាតុករនឹងលះបង់ការទាមទារចង់បានរបស់ខ្លួន ព្រោះបើបន្តបាតុកម្មក៏មិនមានឥទ្ធិពលអ្វីដែលរដ្ឋាភិបាលក្រុងប៉េកាំងបន្ទន់ជំហរនិងធ្វើសម្បាទាននយោបាយដល់ប្រជាជនហុងកុងដែរ។
សូមស្តាប់ការបកស្រាយរបស់លោក សៅ ផលនិស្ស័យ ទាក់ទិននឹងបញ្ហានេះ៖
បញ្ហានយោបាយហុងកុងកើតមានឡើងក្រោយពេលដែលអាជ្ញាធរក្រុងប៉េកាំងប្រកាសពីការបោះឆ្នោតដំបូងបំផុតជាប្រវត្តិសាស្ត្រក្នុងទឹកដីហុងកុង បើកផ្លូវដល់ប្រជាជនតំបន់អាចបោះឆ្នោតដោយផ្ទាល់ដើម្បីជ្រើសរើសប្រមុខរដ្ឋាភិបាលតំបន់បាន។ប្រជាជននិងអ្នកគាំទ្រលទ្ធិប្រជាធិបតេយ្យនៅក្នុងទីក្រុងហុងកុងបង្ហាញការខកចិត្តដោយសារ បើទោះជាចិនបើកផ្លូវអោយមានការបោះឆ្នោតនៅហុងកុងជាសាកលនិងដោយផ្ទាល់ក៏ដោយ តែបើមើលអោយដឹតដល់ការបោះឆ្នោតគ្មានប្លែកអ្វីពីការជ្រើសរើសដោយក្រុងប៉េកាំងឡើយ។ យោងតាមការសម្រេចចិត្តរបស់រដ្ឋាភិបាលចិន ការបោះឆ្នោតអាចរៀបចំទៅបានដោយផ្ទាល់ ប៉ុន្តែអនុញ្ញាតអោយបេក្ខជនប្រហែល២ទៅ៣នាក់ប៉ុណ្ណោះអាចឈរឈ្មោះប្រកួតប្រជែងបាន។ ហើយអ្វីដែលធ្វើអោយប្រជាជនហុងកុងខកចិត្តនោះគឺ គណកម្មការមួយរបស់ក្រុងប៉េកាំងជាអ្នកជ្រើសរើសបេក្ខជននោះ មុននឹងដាក់ឈ្មោះពួកគេអោយប្រជាជនបោះឆ្នោតជ្រើសរើស។ ដោយសារយល់ថា ការផ្តល់សិទ្ធិបោះឆ្នោតតាមប្រជាធិបតេយ្យត្រឹមតែធ្វើអោយល្អមើលនិងប្រជាធិបតេយ្យក្លែងក្លាយនោះ សកម្មជនប្រជាធិបតេយ្យ សិស្ស និស្សិត ប្រជាជជនចាប់ផ្តើមចេញមុខតវ៉ា។
រយៈពេលយ៉ាងហោចណាស់ពីរខែដែលចលនាមហាបាតុកម្មកើតមានឡើងនៅក្នុងអតីតទឹកដីអាណានិគមអង់គ្លេស ហុងកុង។ ក្មេងៗរាប់ម៉ឺនភាគច្រើនជាសិស្សនិងនិស្សិត ប្រជជន និងសកម្មជនប្រជាធិបតេយ្យបានប្រមូលផ្តុំគ្នាតាមដងផ្លូវ ដើម្បីដាក់សម្ពាធលើរដ្ឋាភិបាលដោយរំពឹងថា ការបោះឆ្នោតឆ្នាំ ២០១៧ អាចធ្វើទៅបានដោយសេរី និងត្រឹមត្រូវតាមគោលការណ៍ប្រជាធិបតេយ្យនោះ។ ប៉ុន្តែអាជ្ញាធរហុងហុង ដែលស្ថិតក្រោមបញ្ជារបស់រដ្ឋាភិបាលកណ្តាលក្រុងប៉េកាំងបានព្យាយាមបោសសម្អាតចលនាបាតុកម្ម និងបន្តដាក់គំរាមលើជនណាដែលប្រឆាំងនឹងអាជ្ញាធរ ដោយយកលែសរក្សាសណ្តាប់ធ្នាប់សាធារណៈ និងទប់ស្កាត់ចលាចលនៅក្នុងតំបន់។ យ៉ាងណាក៏ដោយគេមើលឃើញថា ចលនាបាតុកម្មរបស់ប្រជាជនហុងកុងមានឥទ្ធិពលតិចតួចបំផុតលើការសម្រេចចិត្តរបស់ក្រុងប៉េកាំងចំពោះការបើកផ្លូវអោយមានការបោះឆ្នោត ដែលអាចនិយាយបានថាបាតុកម្មបដិវត្តន៍ឆ័ត្រនៅហុងកុងបរាជ័យក្នុងការទាមទារអោយក្រុងប៉េកាំងធ្វើសម្បទាននយោបាយ។
យ៉ាងណាក៏ដោយ ឆ្លើយតបនឹងការប្រឆាំង និងទាមទារសិទ្ធិបោះឆ្នោតពេញលេញ រដ្ឋាភិបាលចិន និងមេដឹកនាំទឹកដីពាក់កណ្តាលស្វយ័តហុងកុងបានសម្រេចប្រកាសរៀបចំវេទិការប្រឹក្សាសាធារណនៅថ្ងៃពុធនេះ ដោយអនុញ្ញាតអោយប្រជាជនហុងកុងបង្ហាញមតិយោបល់ចំពោះការបោះឆ្នោតនាពេលខាងមុខ។ មេដឹកនាំហុងកុងហៅការប្រឹក្សានេះថាជាការកំណែទម្រង់ផ្នែកនយោបាយ និងជាការធ្វើសម្បទានរបស់ក្រុងប៉េកាំងចំពោះការបោះឆ្នោតនាពេលខាងមុខ ប៉ុន្តែមេដឹកនាំហុងកុងក៏ព្រមានបាតុករ និងក្រុមគាំទ្រប្រជាធិបតយ្យជាស្រេចចំពោះការប៉ុនប៉ងបិទផ្លូវបាតុកម្មទៀត។ តាមពិតទៅវេទិកាជជែកពិភាក្សានេះ គឺជាវេទិកាលើកទីពីរហើយដែលរដ្ឋាភិបាលហុងកុងរៀបចំឡើង ដែលក្នុងនោះរដ្ឋាភិបាលតំបន់នឹងផ្តល់សំណើរនិងនិតិវិធីជារួមទាក់ទិនទៅនឹងការបោះឆ្នោតរើសមេដឹកនាំហុងកុងទៅសភាតំបន់ និងប្រជាជនដើម្បីអោយពួកគេបញ្ចេញមតិយោបល់។
គេយល់ថា វេទិការពិភាក្សានិងប្រឹក្សាដោយមានការចូលរួមពីប្រជាជននោះ ត្រឹមតែធ្វើអោយល្អមើលតែប៉ុណ្ណោះ ប៉ុន្តែចិនមិនព្រមអនុញ្ញាតអោយមានការបោះឆ្នោតដោយសេរី និងតាមប្រជាធិបតេយ្យពេញលេញឡើយ។
មេដឹកនាំក្រុមបាតុកម្ម បានព្រលយពាក្យថា បើបោះឆ្នោតរើសមេដឹកនាំមិនពេញលេញដដែល គេមិនគួរចំណាយលុយបោះឆ្នោតអោយខាតបង់ទេ ហើយមិនចាំបាច់បោះឆ្នោតប្រសើរជាង។ចំណែកសមាជិកសភាហុងកុងដែលទោរទន់ទៅលទ្ធិប្រជាធិបតេយ្យ បានសន្យាថា ពួកគេនឹងប្រើសិទ្ធិជំទាស់ទាត់ចោលរាល់សំណើររបស់អាជ្ញាធរហុងកុងដែលពាក់ព័ន្ធនីតិវធីបោះឆ្នោតដែលប្រាសចាកពីគោលការណ៍ប្រជាធិបតេយ្យ នេះមានន័យថាការបង្ហាញជាផ្លូវការពីសិទ្ធិបោះឆ្នោតនិងនីតិវិធីបោះឆ្នោតនឹងត្រូវពន្យារពេលសិន ហើយបន្តនីតិវិធីចាស់បោះឆ្នោតជ្រើសរើសដោយគណកម្មការបោះឆ្នោតសមាជិក១២០០នាក់ដដែល។
គ្មានអីចម្លែកឡើយ ដែលរដ្ឋាភិបាលក្រុងប៉េកាំងនិងរដ្ឋាភិបាលហុងកុងត្រូវរៀបចំការពិភាក្សាសាធារណនេះឡើង។ ក្រុងប៉េកាំងរំពឹងថា តិចឬច្រើនវាអាចជួយកាត់បន្ថយកំហឹងរបស់ប្រជាជនហុងកុងដែលតវ៉ារកការបោះឆ្នោតប្រជាធិបតេយ្យនោះ។ រដ្ឋាភិបាលក្រុងហុងកុងនឹងបន្តបង្កើតការពិភាក្សាបន្តបន្ទាប់ ទាក់ទិនីតិវិធីបោះឆ្នោតជ្រើសរើសមេដឹកនាំប្រចាំតំបន់ហុងកុងនៅឆ្នាំ២០១៧ ដោយផ្តល់ឳកាសអោយក្រុមបាតុករ និងអ្នកគាំទ្រប្រជាធិបតេយ្យបញ្ចេញមតិរបស់ខ្លួន។ យ៉ាងច្រើនគេអនុញ្ញាតអោយមានអ្នកចូលរួមសេរីប៉ុន្តែចុងក្រោយគេដឹងច្បាស់ថា រដ្ឋាភិបាលចិននឹងនៅតែមិនព្រមលះបង់ការសម្រេចចិត្តរបស់ខ្លួន ដោយបន្តទុកគណកម្មការជ្រើសរើសបេក្ខជនជាមុន។ បើចិនធ្វើសម្បទាននយោបាយទៅអោយក្រុមបាតុករគាំទ្រប្រជាធិបតេយ្យដោយអោយមានការបោះឆ្នោតដោយសេរី ឥទ្ធិពលចិនអាចនឹងបាត់បង់អស់ពីអតីតដែនដីអាណានិគមអង់គ្លេសនេះ។
ដោយឡែកអាជ្ញាធរហុងកុងបានព្រមានជាស្រេចហើយទៅកាន់មេដឹកនាំបាតុករ ដោយលោក Leung Chun Ying ប្រមុខរដ្ឋាភិបាលប្រចាំតំបន់បានលើកឡើងថា បើមានបាតុកម្មទៀតអាជ្ញាធរនឹងចាត់វិធានការ។ ដើមសប្តាហ៍នេះមេដឹកនាំបាតុកម្មជាង៣០នាក់ត្រូវបានអាជ្ញាធរកោះហៅអោយចូលខ្លួនមកបំភ្លឺ ហើយពួកគេសុទ្ធតែពាក់ព័ន្ធនឹងការរៀបចំការបាតុកម្មនៅកណ្តាលហុងកុងនិងកាន់កាប់ផ្លូវសំខាន់ៗថែមទៀត។ អាជ្ញាធរហុងកុងអាចនឹងប្រើប្រាស់វិធានការក្តៅដើម្បីបង្ខំកុំអោយបាតុករបន្តធ្វើបាតុកម្មប្រឆាំងរដ្ឋាភិបាល និងបើកទ្វាដ៏ចង្អៀតសម្រាប់ការចរចា។ មិនយូរមិនឆាប់បាតុករនឹងលះបង់ការទាមទារចង់បានរបស់ខ្លួន ព្រោះបើបន្តបាតុកម្មក៏មិនមានឥទ្ធិពលអ្វីដែលរដ្ឋាភិបាលក្រុងប៉េកាំងបន្ទន់ជំហរនិងធ្វើសម្បាទាននយោបាយដល់ប្រជាជនហុងកុងដែរ។
Tag:
ហុងកុង
បោះឆ្នោត
© រក្សាសិទ្ធិដោយ thmeythmey.com
