អន្តរជាតិ
នយោបាយអន្តរជាតិ
សារព័ត៌មានទូទាំងពិភពលោកកាន់ទុក្ខការវាយប្រហារទស្សនាវដ្តី Charlie Hebdo
×
ក្រោយពីព្រឹតិ្តការណ៍នៃការបាញ់សម្លាប់អ្នកសារព័ត៌មានរបស់ទស្សនាវដ្តី Charlie Hebdo នៅក្នុងទីក្រុងប៉ារីសប្រទេសបារាំងកាលពីថ្ងៃម្សិលមិញនេះមិនត្រឹមតែមានការថ្កោសទោសពីសំណាក់មេដឹកនាំកំពូលរបស់ពិភពលោកនោះទេតែវាបានប្រែក្លាយជាចំណងជើងធំនៅក្នុងទំព័រមុខររបស់សារព័ត៌មានធំៗរបស់ពិភពលោកក្នុងការចុះផ្សាយជាបន្តបន្ទាប់។
ក្នុងនោះCNN ដែលជាសារព័ត៌មានពិភពលោករបស់សហអាមេរិកបានចុះផ្សាយនិងដាក់គម្របមុខពត៌មានអំពីការប្រមូលផ្តុំគ្នារបស់ប្រជាជនបារាំងរាប់ពាន់នាក់ដើម្បីប្រឆាំងទៅនឹង សកម្មភាពសម្លាប់ដ៏ឃោរឃៅនេះនិងការបង្ហាញឈ្មោះនិងរូបថតរបស់ជនសង្ស័យដែលប្រព្រឹត្តនៅក្នុងករណីបាញ់សម្លាប់នៅក្នុងទីក្រុងប៉ារីស។
ជាមួយគ្នានេះផងដែរLe Monde ដែលសារព័ត៌មានរបស់បារាំងតែម្តងបានផ្សាយផ្ទាល់ពីព្រឹត្តិការណ៍នេះផងដែរ។ក្នុងនោះ Le Monde ចុះផ្សាយជនសង្ស័យម្នាក់បានចូលខ្លួនសារភាពនិងពីរនាក់ទៀតត្រូវបានចាប់ខ្លួន។
ចំណែកឯសារព័ត៌មានBBCឯនោះវិញដែលជាសារព័ត៌មានពិភពលោករបស់ចក្រភពអង់គ្លេស ក៏បានចុះផ្សាយលើទំព័រមុខលើគេផងដែរអំពីប្រតិបត្តិរបស់ប៉ូលីសលើការវែកមុខខ្មាំងកាំភ្លើងដែលបានបាញ់សម្លាប់អ្នកសារព័ត៌មាន ។
សម្រាប់ABC ដែលជាសារព័ត៌មានអូស្ត្រាលីវិញបានចុះផ្សាយនូវជនសង្ស័យទាំងបីដោយបានកំណត់ពីអត្តសញ្ញាណជននីមួយ។ក្នុងចំណោមជនសង្ស័យទាំងបីមានម្នាក់ឈ្មោះ Cherif Kouachi ធា្លប់ត្រូវបានកាត់ទោសជាប់គុក៣ឆ្នាំកាលពីឆ្នាំ២០០៨បទភេរវកម្មនៅក្នុងទីក្រុងប៉ារីសរួចម្តងទៅហើយ។
រីឯRT ដែលជាសារពត៌មានធំរបស់រុស្ស៊ីក៏បានផ្សាយផ្ទាល់ពីព្រឹត្តការណ៍នៃការបាញ់សម្លាប់អ្នកសារព័ត៌មានរបស់ ទស្សនាវដ្តី Charlie Hebdo។ក្នងនោះសារព័ត៌មានបានចុះផ្សាយថាជនសង្ស័យដែលឈ្មោះ Hamyd Mourad ចូលខ្លួននៅប៉ុស្ត៍ប៉ូលីសបានសារភាពថា ខ្លួនមិនបានចូលរួមក្នុងការបាញ់សម្លាប់នោះទេ។
ចំណែកALJAZEERA ដែលជាសារព័ត៌តំណាងតំបន់អារ៉ាប់ក៏បានដាក់ចំណងជើងលើដែរ។ក្នងនោះសារព័ត៌មានបាននិយាយថាមានតែជនសង្ស័យតែពីរនាក់ដែលជាបងប្អូននិងគ្នានោះទេដែលត្រូវបានចាប់ខ្លួននៅក្នុងការបាញ់ប្រហារនេះ។ជនសង្ស័យទាំងពីរនោះត្រូវបានកំណត់ដូចជា Said Kouachiដែលមានអាយុ៣២និងម្នាក់ទៀតCherifKouachiដែលត្រូវជាបងប្រុសមានអាយុ៣៤ដែលអ្នកទាំងត្រូវបានជឿជាក់ថាជាជនគ្មានទីលំនៅច្បាស់លាស់នៅទេ។
ដោយឡែកសម្រាប់The Japan Times ដែលជាសារព័ត៌មានធំរបស់ជប៉ុនបានចុះផ្សាយជាប្រធានបទនោះគឺបានផ្តោតលើខ្មាន់កាំភ្លើងដែលធ្វើការវាយប្រហារលើហេតុការណ៍នេះធ្វើសកម្មភាពដូចជាកងទានហានដែលទទួលបានការហ្វឹកហាត់ច្បាស់លាស់។
The Strait Time ដែលជាសារព័ត៌មានធំរបស់សិង្ហបុរី ក៏បានចុះផ្សាយពីការចាប់ខ្លួនជនសង្ស័យពីរនាក់និងម្នាក់ទៀតបានចូលសារភាពខ្លួននៅបុស្ត៍ប៉ូលីសដែលបានធ្វើការវាយប្រហារលើហេតុការណ៍នេះ។ក្នុងនោះសារព័ត៌មាននេះបង្ហាញថាជនសង្ស័យពីរនាក់ដែលបានចាប់ខ្លួនគឺជាបងប្អូននិងគ្នាដែលមានម្នាក់អាយុ៣២ឆ្នាំនិងម្នាក់ទៀតអាយុ៣៤ឆ្នាំ។រីឯជនសង្ស័យម្នាក់ទៀតដែលមានអាយុ១៨ឆ្នាំនោះបានចូលសារភាពដោយសារតែឈ្មោះរបស់គេត្រូវបានផ្សព្វផ្សាយនៅតាមប្រពន្ធ័ផ្សព្វផ្សាយសង្គម។
គួរបញ្ជាក់ផងដែរព្រឹត្តិការណ៍នៃការបាញ់ប្រហារអ្នកសារព័ត៌មានរបស់ទស្សនាវដ្តី Charlie Hebdo នៅក្នុងទីក្រុងប៉ារីសប្រទេសបារាំងបានសម្លាប់ប្រជាជន១២នាក់ក្នុងនោះមានមន្ត្រីប៉ូលីសពីរនាក់និងអ្នកសារព័ត៌មាន១០នាក់៕
© រក្សាសិទ្ធិដោយ thmeythmey.com