ពីនេះ ពីនោះ
អន្តរជាតិ
បណ្ឌិតអេស្ប៉ាញ៖ បើចង់ក្លាយជាអ្នកមាន សូមកុំរៀនបន្តដល់ថ្នាក់អនុបណ្ឌិត
×![]()
ក្នុងសៀវភៅមួយក្បាល ដែលសរសេរដោយអ្នកនិពន្ធដែលបានបញ្ចប់ការសិក្សាថ្នាក់អនុបណ្ឌិតពីសាលាIE Business School ប្រទេសអេស្បាញ គឺអ្នកស្រី Mariana Zanetti បានរៀបរាប់ថា ការសិក្សាថ្នាក់អនុបណ្ឌិតគឺជាការខ្ជះខ្ជាយពេលវេលា និងលុយកាក់ ហើយអ្នកក៏មិនអាចក្លាយជាសេដ្ឋីបានដែរ។ នេះបើយោងតាមការផ្សាយរបស់ businessinsider ។
ប្រភពដដែលបានដកស្រង់សំដីអ្នកនិពន្ធសៀវភៅខាងលើថា រឿងដំបូងដែលអ្នកស្រីចង់បង្ហាញដល់អ្នកអានក្នុងសៀវភៅនេះ គឺការស្វែងរកទ្រព្យសម្បត្តិ ដើម្បីក្លាយជាអ្នកមាន ព្រោះថាបើអ្នកធ្វើការឲ្យគេគឺអ្នកមិនអាចក្លាយជាអ្នកមានបានទេ។
អ្នកស្រី Mariana បានឲ្យដឹងទៀតថា ប្រសិនបើអ្នកចង់ក្លាយជាអ្នកមាននៅពេលណាមមួយក្នុងជីវិតរបស់អ្នកនោះ គឺអ្នកនឹងត្រូវបង្កើតប្រភពចំណូលផ្សេងទៀត ជាជាងពឹងលើប្រាក់ខែរបស់អ្នក។នេះគឺជាការពិតជាក់ស្ដែងប្រសិនបើអ្នកលក់ពេលវេលារបស់អ្នកទៅឱ្យអ្នកដទៃអ្នកនឹងឈានដល់ចំនួនកំណត់មួយអ្នកក្នុងការបង្កើតចំណូល។
នៅក្នុងសៀវភៅរបស់លោក Robert Kiyosakiដែលមានចំណងជើងថា« Rich Dad, Poor Dad,»បានសរសេរថាអ្នកមានមិនធ្វើការដើម្បីលុយទេតែពួកគេយកទ្រព្យសម្បត្តិធ្វើការឲ្យពួកគេវិញ។ប្រសិនបើអ្នកចង់រៀនពីរបៀបធ្វើការដើម្បីបានលុយ ចូរអ្នកទៅសាលារៀន ហើយប្រសិនបើអ្នកចង់រៀនពីរបៀបធ្វើការដែលពិបាកអ្នកគួរតែទៅរៀនអនុបណ្ឌិត។
អំណះអំណាងមួយទៀតដែលបញ្ជាក់ថា អ្នកមិនគួររៀនបន្តក្រោយថ្នាក់បរិញ្ញាបត្រ ប្រសិនបើអ្នកចង់ក្លាយជាអ្នកមាននោះគឺថា មហាសេដ្ឋីជាច្រើននៅលើពិភពលោកក្នុងពេលបច្ចុប្បន្ននេះ គឺពួកគេរៀនមិនចប់ថ្នាក់បរិញ្ញបត្រផង ដូចជា លោក Mark Zuckerbergស្ថាបនិកហ្វេសប៊ុលោក Bill Gates ស្ថាបនិកក្រុមហ៊ុន Microsoft លោក Steve Jobs ស្ថាបនិកក្រុមហ៊ុន Apple លោកAmancio Ortega ម្ចាស់ផ្សារភាគហ៊ុន Zara–Inditexលោក Richard Branson ម្ចាស់ក្រុមហ៊ុនVirgin និងលោក Ingvar Kampradម្ចាស់ក្រុមហ៊ុន IKEA ជាដើម៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
