អន្តរជាតិ
អ្នកនេសាទអ៊ូហ្គាន់ដាសម្លាប់ក្រពើទម្ងន់មួយតោនដែលបានស៊ីប្រពន្ធរបស់គាត់
×![]()
អ្នកនេសាទម្នាក់នៅក្នុងប្រទេសអ៊ូហ្គាន់ដាបានតាមប្រមាញ់ និងសម្លាប់សត្វក្រពើដ៏ធំមួយ ទ្ងំន់ជាង ១ តោន បន្ទាប់ពីវាបានវាយប្រហារ និងស៊ីប្រពន្ធដែលកំពុងតែមានផ្ទៃពោះរបស់គាត់ខណៈដែលនាងកំពុងប្រមូលអុសនៅក្បែរមាត់នៃបឹង មួយក្នុងប្រទេសនេះ។ នេះបើយោងតាមកាសែត telegraph ។
កាលពីថ្ងៃអាទិត្យ ម្សិលមិញនេះ ប្រព័ន្ធផ្សព្វផ្សាយក្នុងប្រទេសអ៊ូហ្គាន់ដាបានផ្សាយថា ស្ត្រីមានផ្ទៃពោះប្រាំបីខែម្នាក់ ត្រូវបានក្រពើវាយប្រហារ និងបានលេបស្ត្រីរូបនោះ កាលពីពេលព្រឹកថ្ងៃអាទិត្យដដែលនោះ នៅក្បែរមាត់បឹងKyogaស្ថិតនៅភាគខាងកើតប្រទេសអ៊ូហ្គង់ដា។
អ្នកស្រុកបានរកឃើញស្បែកជើងរបស់នាង ម្រាមជើងម្រាមដៃនិងទូរសព្ទចល័តមួយគ្រឿង នៅកន្លែងដែលនាងត្រូវបានសត្វក្រពើវាយប្រហារនោះ។ ក្រោយពីដឹងថាប្រពន្ធត្រូវក្រពើស៊ីហើយនោះ លោកMubalakBatambuze អាយុ ៥៦ ឆ្នាំជាប្ដីរបស់នាងដែលជាអ្នកនេសាទផងនោះបានប្រើលំពែងនេសាទរបស់គាត់ ដើម្បីតាមដានក្រពើនោះ ហើយលោកក៏បានសម្លាប់វានៅក្នុងថ្ងៃតែមួយនោះផងដែរ។
ក្រោយពេលបុរសជាប្ដីបានសម្លាប់ក្រពើដ៏ធំមួយក្បាលនោះ អ្នកស្រុកបានចាត់លោកជាវីរបុរស ខណៈពេលដែលពួកគេជឿថាក្រពើមួយក្បាលនេះគឺបានសម្លាប់មនុស្ស ៦ នាក់រួចមកហើយ គិតទាំងស្ត្រីនិងកុមារ ចំនួន ៥ នាក់បន្ថែមទៀត ដែលរងរបួសធ្ងន់ធ្ងរ ពីការវាយប្រហារដោយសត្វក្រពើនេះ៕
© រក្សាសិទ្ធិដោយ thmeythmey.com
