ជាតិ
ពីនេះ ពីនោះ
សង្គមជាតិ
នៅក្នុងប្រទេសរំដួល មន្ត្រី«ស៊ី»លុយរដ្ឋ បម្រើការអោយឯកជន!
×
ជារឿងមិនគួរអោយជឿ។ ប៉ុន្តែវាជារឿងពិតកើតមានឡើងនៅក្នុងប្រទេសរំដួល។ នៅក្នុងប្រទេសរំដួល មន្ត្រីមានឈ្មោះបម្រើការនៅតាមក្រសួងមន្ទីនានារបស់រដ្ឋមែន ប៉ុន្តែ ពួកគេមួយចំនួនបែរជាទៅបំពេញការងារជូនក្រុមហ៊ុនឯកជន ឬបំពេញការងារជាលក្ខណៈឯកជនរបស់គេទៅវិញ។
មន្ត្រីខ្លះ ខ្លាចថ្នាក់លើស្តីបន្ទោស បានសម្រេចចិត្តយកការងារឯកជនរបស់ខ្លួន មកធ្វើនៅក្នុងការិយាល័យរបស់រដ្ឋ។ រីឯមន្ត្រីមានអំណាចខ្លះទៀត យកសម្ភារ ឬមន្ត្រីតូចតាចរបស់រដ្ឋទៅបម្រើការងារដើម្បីផលប្រយោជន៍ខ្លួនឯង តែមន្ត្រីតូចតាចទាំងនោះ «ស៊ី»ប្រាក់ខែរបស់រដ្ឋ។
នៅក្នុងប្រទេសរំដួលដដែល មន្ត្រីខ្លះទៀត មិនទៅធ្វើការតែម្តង។ តែមិនយកប្រាក់ខែទេ។ ប្រាក់ខែទាំងអស់រក្សាទុកជូនមន្ត្រីថ្នាក់លើ ក្នុងន័យ សូកប៉ាន់កុំអោយថ្នាក់លើស្តីបន្ទោស ឬដាក់ទណ្ឌកម្មរដ្ឋបាល។
សរុបសេចក្តីមក រដ្ឋាភិបាលនៃប្រទេសរំដួលចំណាយថវិកាច្រើន តែគ្មានទទួលបានផលិតភាពពីការងារឡើយ។ តើពេលណាទៅ ទើបមន្ត្រីរាជការនៃប្រទេសរំដួលផ្លាស់ប្តូរឥរិយាបទការងារ ឈប់បោករដ្ឋាភិបាលនៃប្រទេសរំដួលតទៅទៀត?
© រក្សាសិទ្ធិដោយ thmeythmey.com