ជាតិ
ពីនេះ ពីនោះ
តើពាក្យ «ស្រឡាញ់, ស្រលាញ់» មួយណាត្រឹមត្រូវ?
× ពន្យល់ពាក្យ
តើពាក្យ «ស្រឡាញ់, ស្រលាញ់» មួយណាត្រឹមត្រូវ?
មនុស្សមួយចំនួនបានប្រកែកគ្នាពីការសរសេរពាក្យទាំងពីរនេះ ខ្លះនិយាយថា ពាក្យនេះសរសរជាជើងតម្រួតគឺ «ស្រឡាញ់» ឯខ្លះទៀតបាននិយាយថា ត្រូវសរសេរជាពាក្យសម្រាយគឺ «ស្រលាញ់»។ នៅក្នុងវចនានុក្រមខ្មែរ របស់សម្តេចព្រះសង្ឃរាជ ជួន ណាត ពាក្យនេះគឺត្រឹមត្រូវទាំងពីរ អាចសរសេរជា «ស្រឡាញ់» ឬ «ស្រលាញ់» ក៏បានដែរ។ ពាក្យនេះជាកិរិយាសព្ទ មានន័យថា គាប់ចិត្ត, ពេញចិត្ត, កួចកាន់ចិត្តឬជាប់ចិត្ត ដោយស្នេហា, ដោយមេត្តា។ បច្ចុប្បន្នគេច្រើនសរសេរជាជើងតម្រួតជាងគឺ «ស្រឡាញ់»។ ឧទាហរណ៍៖ អ្នកប្រាជ្ញស្រឡាញ់ធម៌, មាតាបិតាស្រឡាញ់បុត្រ។ ល៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com