ជាតិ
បទយកការណ៍ / បទសម្ភាសន៍
សង្គមជាតិ
មិនមែនមានតែកម្ពុជាទេ ដែលមានការលួចថតរូបអាក្រាតក្នុងតំបន់ទេសចរណ៍ល្បីៗ
×![]()
៣សប្តាហ៍ចុងក្រោយនេះ កម្ពុជាបានជួបប្រទះករណីដែលទេសចរបរទេសលួចថតរូបអាក្រាតនៅក្នុងតំបន់អង្គរ។ ការណ៍នេះបានតម្រូវឲ្យអាជ្ញាធរអប្សរា បង្កើនការត្រូតពិនិត្យ និងការយាមល្បាតយ៉ាងតឹងរ៉ឹងជាងមុន។ អនុប្រធានទី១ នៃនាយកដ្ឋានផ្សព្វផ្សាយនៃអាជ្ញាធរអប្សរា លោក ឡុង កុសល បានថ្លែងប្រាប់សារព័ត៌មានថ្មីៗថា ករណីលួចថតរូបអាក្រាត ធ្លាប់បានកើតមានយូរហើយនៅបរទេស។ ហើយកម្ពុជាបានស្នើសុំកិច្ចសហការដើម្បីចែករំលែកព័ត៌មាន និងវិធានការការពារបញ្ហានេះ។ ខាងក្រោមគឺជាបទសម្ភាសន៍រវាងលោក លាង ដឺលុច និពន្ធនាយកសារព័ត៌មានថ្មីៗ ជាមួយលោក ឡុង កុសល អនុប្រធានទី១ នៃនាយកដ្ឋានផ្សព្វផ្សាយនៃអាជ្ញាធរអប្សរា អំពីវិធានការការពារការថតរូបអាក្រាតលើតំបន់អង្គរ។
លោក លាង ដឺលុច៖ ក្រោយពីមានការផ្សព្វផ្សាយរូបភាពប្រឌិតនៃនារីអាក្រាត(ខាងលើ) នៅលើរូបភាពតំបន់អង្គរដោយក្រុមWANIMAL ហេតុការណ៍ជាក់ស្តែង២ករណីដែលប្រព្រឹត្តិដោយក្រុមបុរសជនជាតិបារាំង និងស្ត្រីជនជាតិអាមេរិកដែលថតរូបអាក្រាត ត្រូវបានអាជ្ញាធរកម្ពុជាចាប់កាត់ទោសជាបន្តបន្ទាប់។ តើនេះគឺដោយសារតែអាជ្ញាធរអប្សរា បង្កើនវិធានការការពារមែនដែរឬទេ?
លោក ឡុង កុសល៖ ដំបូងខ្ញុំចង់បញ្ជាក់ថា តំបន់រមណីយដ្ឋានអង្គររបស់យើងធំធេងណាស់ គឺទំហំប្រមាណ៤០១គីឡូម៉ែត្រការេ។ ប្រសាទនីមួយៗក៏សុទ្ធតែមានទំហំធំៗ ដូចជា៣គីឡូម៉ែត្រ គុណនឹង៤គីឡូម៉ែត្រជាដើម។ ទាក់ទងនឹងបញ្ហាសុវត្ថិភាព ឬសន្តិសុខ អាជ្ញាធរអប្សរាមានភ្នាក់ងារចំនួន៣អង្គភាព រួមមានក្រុមការងារការពារផ្នែកវប្បធម៌ ផ្នែកសណ្តាប់ធ្នាប់ និងផ្នែកទេសចរណ៍។ ហើយយើងបានធ្វើការជិតស្និទ្ធជាមួយនគរបាលបេតិកភណ្ឌ និងនគរបាលទេសចរណ៍ផងដែរ។ ជាការពិត បន្ទាប់ពីមានព័ត៌មានអំពីការលួចថតរូបអាក្រាតនៅតំបន់អង្គរ យើងបានបង្កើនការត្រួតពិនិត្យ និងការពង្រឹងកិច្ចសហការណ៍រវាងភ្នាក់ពាក់ព័ន្ធទាំងអស់។
លោក លាង ដឺលុច៖ តើការលួចថតរូបអាក្រាតនៅក្នុងតំបន់ទេសចរណ៍ល្បីៗកម្រិតពិភពលោកយ៉ាងដូច្នេះ ធ្លាប់កើតមាននៅប្រទេសណាផ្សេងទៀតដែរឬទេ? ឬក៏ថាមានតែនៅកម្ពុជាមួយប៉ុណ្ណោះ?
លោក ឡុង កុសល៖ ហេតុការណ៍លួចថតរូបអាក្រាត គឺជារឿងថ្មីសម្រាប់កម្ពុជា។ ប៉ុន្តែវាមិនមែនជារឿងថ្មីសម្រាប់ប្រទេសមួយចំនួនក្នុងពិភពលោកដែលមានតំបន់ទេសចរណ៍ល្បីៗនោះឡើយ។ ក្រោយពីមានហេតុការណ៍នេះកើតឡើង យើងបានទាក់ទងធ្វើសហប្រតិបត្តិការជាមួយប្រទេសមួយចំនួនដើម្បីទទួលព័ត៌មាន និងចែករំលែកពិសោធន៍ដែលពាក់ព័ន្ធនឹងបញ្ហានេះ។ ខ្ញុំគ្រាន់តែអាចជម្រាបបានថា នៅប្រទេសខ្លះ ហេតុការណ៍ដូចនេះ បានកើតមានតាំងពី២០ឆ្នាំមុន ក៏មានដែរ។
លោក លាង ដឺលុច៖ លោក ឡុង កុសល លោកទើបតែមានប្រសាសន៍ អំពីការសហការចែករំលែកបទពិសោធន៍ពីប្រទេសដែលធ្លាប់កើតមានករណីលួចថតរូបអាក្រាតក្នុងតំបន់ទេសចរណ៍ល្បីៗរបស់ពួកគេ។ តើអ្វីខ្លះ ជាវិធានការការពារបញ្ហាទាំងនេះ ដែលអាជ្ញាធរអប្សរាបានទទួល?
លោក ឡុង កុសល៖ យើងពិតជាមានវិធានការតឹងតែងជាងមុន ហើយយើងកំពុងរៀបចំវិធានការទាំងនេះដែរ។ ខ្ញុំមិនអាចជម្រាបលោកបានទេ។ វាមានទាំងការពិភាក្សាផ្លូវច្បាប់ទៀតផង។
លោក លាង ដឺលុច៖ តើលោកអាចយល់បានទេ អំពីមូលហេតុដែលនាំអោយទេសចរបរទេស ឬក្រុមផលិតរូបភាព ចង់ផ្តិតយករូបភាពអាក្រាតជាមួយរមណីយដ្ឋានទេសចរណ៍ថ្នាក់ពិភពលោកយ៉ាងដូច្នេះ?
លោក ឡុង កុសល៖ តាមយោបល់ខ្ញុំផ្ទាល់ ខ្ញុំមិនបានមើលឃើញមូលហេតុអ្វីផ្សេង ក្រៅពីការធ្វើអាជីវកម្មលើភាពល្បីល្បាញ ឬភាពអស្ចារ្យនៃតំបន់ទេសចរណ៍ថ្នាក់ពិភពលោក ដែលជាកម្មវត្ថុនៃការលក់ដូររូបភាពរបស់ពួកគេនោះឡើយ៕
លោក លាង ដឺលុច៖ ក្រោយពីមានការផ្សព្វផ្សាយរូបភាពប្រឌិតនៃនារីអាក្រាត(ខាងលើ) នៅលើរូបភាពតំបន់អង្គរដោយក្រុមWANIMAL ហេតុការណ៍ជាក់ស្តែង២ករណីដែលប្រព្រឹត្តិដោយក្រុមបុរសជនជាតិបារាំង និងស្ត្រីជនជាតិអាមេរិកដែលថតរូបអាក្រាត ត្រូវបានអាជ្ញាធរកម្ពុជាចាប់កាត់ទោសជាបន្តបន្ទាប់។ តើនេះគឺដោយសារតែអាជ្ញាធរអប្សរា បង្កើនវិធានការការពារមែនដែរឬទេ?
លោក ឡុង កុសល៖ ដំបូងខ្ញុំចង់បញ្ជាក់ថា តំបន់រមណីយដ្ឋានអង្គររបស់យើងធំធេងណាស់ គឺទំហំប្រមាណ៤០១គីឡូម៉ែត្រការេ។ ប្រសាទនីមួយៗក៏សុទ្ធតែមានទំហំធំៗ ដូចជា៣គីឡូម៉ែត្រ គុណនឹង៤គីឡូម៉ែត្រជាដើម។ ទាក់ទងនឹងបញ្ហាសុវត្ថិភាព ឬសន្តិសុខ អាជ្ញាធរអប្សរាមានភ្នាក់ងារចំនួន៣អង្គភាព រួមមានក្រុមការងារការពារផ្នែកវប្បធម៌ ផ្នែកសណ្តាប់ធ្នាប់ និងផ្នែកទេសចរណ៍។ ហើយយើងបានធ្វើការជិតស្និទ្ធជាមួយនគរបាលបេតិកភណ្ឌ និងនគរបាលទេសចរណ៍ផងដែរ។ ជាការពិត បន្ទាប់ពីមានព័ត៌មានអំពីការលួចថតរូបអាក្រាតនៅតំបន់អង្គរ យើងបានបង្កើនការត្រួតពិនិត្យ និងការពង្រឹងកិច្ចសហការណ៍រវាងភ្នាក់ពាក់ព័ន្ធទាំងអស់។
លោក លាង ដឺលុច៖ តើការលួចថតរូបអាក្រាតនៅក្នុងតំបន់ទេសចរណ៍ល្បីៗកម្រិតពិភពលោកយ៉ាងដូច្នេះ ធ្លាប់កើតមាននៅប្រទេសណាផ្សេងទៀតដែរឬទេ? ឬក៏ថាមានតែនៅកម្ពុជាមួយប៉ុណ្ណោះ?
លោក ឡុង កុសល៖ ហេតុការណ៍លួចថតរូបអាក្រាត គឺជារឿងថ្មីសម្រាប់កម្ពុជា។ ប៉ុន្តែវាមិនមែនជារឿងថ្មីសម្រាប់ប្រទេសមួយចំនួនក្នុងពិភពលោកដែលមានតំបន់ទេសចរណ៍ល្បីៗនោះឡើយ។ ក្រោយពីមានហេតុការណ៍នេះកើតឡើង យើងបានទាក់ទងធ្វើសហប្រតិបត្តិការជាមួយប្រទេសមួយចំនួនដើម្បីទទួលព័ត៌មាន និងចែករំលែកពិសោធន៍ដែលពាក់ព័ន្ធនឹងបញ្ហានេះ។ ខ្ញុំគ្រាន់តែអាចជម្រាបបានថា នៅប្រទេសខ្លះ ហេតុការណ៍ដូចនេះ បានកើតមានតាំងពី២០ឆ្នាំមុន ក៏មានដែរ។
លោក លាង ដឺលុច៖ លោក ឡុង កុសល លោកទើបតែមានប្រសាសន៍ អំពីការសហការចែករំលែកបទពិសោធន៍ពីប្រទេសដែលធ្លាប់កើតមានករណីលួចថតរូបអាក្រាតក្នុងតំបន់ទេសចរណ៍ល្បីៗរបស់ពួកគេ។ តើអ្វីខ្លះ ជាវិធានការការពារបញ្ហាទាំងនេះ ដែលអាជ្ញាធរអប្សរាបានទទួល?
លោក ឡុង កុសល៖ យើងពិតជាមានវិធានការតឹងតែងជាងមុន ហើយយើងកំពុងរៀបចំវិធានការទាំងនេះដែរ។ ខ្ញុំមិនអាចជម្រាបលោកបានទេ។ វាមានទាំងការពិភាក្សាផ្លូវច្បាប់ទៀតផង។
លោក លាង ដឺលុច៖ តើលោកអាចយល់បានទេ អំពីមូលហេតុដែលនាំអោយទេសចរបរទេស ឬក្រុមផលិតរូបភាព ចង់ផ្តិតយករូបភាពអាក្រាតជាមួយរមណីយដ្ឋានទេសចរណ៍ថ្នាក់ពិភពលោកយ៉ាងដូច្នេះ?
លោក ឡុង កុសល៖ តាមយោបល់ខ្ញុំផ្ទាល់ ខ្ញុំមិនបានមើលឃើញមូលហេតុអ្វីផ្សេង ក្រៅពីការធ្វើអាជីវកម្មលើភាពល្បីល្បាញ ឬភាពអស្ចារ្យនៃតំបន់ទេសចរណ៍ថ្នាក់ពិភពលោក ដែលជាកម្មវត្ថុនៃការលក់ដូររូបភាពរបស់ពួកគេនោះឡើយ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
