មនុស្ស១១នាក់ស្លាប់៣០នាក់របួសក្នុងគ្រោះថ្នាក់ចរាចរណ៍ម្សិលមិញ

ជាតិ

មនុស្ស១១នាក់ស្លាប់៣០នាក់របួសក្នុងគ្រោះថ្នាក់ចរាចរណ៍ម្សិលមិញ

16, Feb 2015 , 10:19 am

រូបភាព

ដោយ: ថ្មីៗ

មនុស្សចំនួន១១នាក់បានស្លាប់ និង៣០នាក់របួសធ្ងន់និងស្រាល នៅក្នុងហេតុការណ៍គ្រោះថ្នាក់ចរាចរណ៍ដែលបានកើតឡើងចំនួន១៩លើកនៅទូទាំងប្រទេសកម្ពុជា កាលពីថ្ងៃទី១៦ខែកុម្ភៈម្សិលមិញ។ នេះបើយោងតាមរបាយការណ៍ពីនាយកដ្ឋានសណ្តាប់ធ្នាប់នៃអគ្គស្នងការនគរបាលជាតិ។

របាយការណ៍ដដែលបានឱ្យដឹងទៀតថា ក្នុងគ្រោះថ្នាក់ចរាចរណ៍ដែលបានកើតឡើងទាំង១៩លើកនោះ បានបណ្តាលឲ្យខូចខាតយានយន្តចំនួន៣៧គ្រឿង ក្នុងនោះមានម៉ូតូចំនួន២០គ្រឿង រថយន្តធុនតូច៦គ្រឿង រថយន្តធុនធំ១១គ្រឿង និងអ្នកថ្មើរជើង២នាក់។

មូលហេតុដែលនាំឲ្យកើតមានគ្រោះថ្នាក់ចរាចរណ៍ គឺបណ្តាលមកពីការបើកបរហួសល្បឿនចំនួន៦លើក ប្រជែងគ្រោះថ្នាក់៤លើក មិនគោរពសិទ្ធ២លើក មិនប្រកាន់ស្តាំ២លើក ស្រវឹង២លើក កត្តាយានយន្ត២លើក ជិះម៉ូតូឆ្លងផ្លូវ១លើក ក្នុងនោះអ្នកគ្រោះថ្នាក់ជិះម៉ូតូមិនពាក់មួកសុវត្ថិភាពចំនួន២៦នាក់។
ដោយឡែកយានយន្តដែលទទួលរងការផាកពិន័យនៅអង្គភាពមានចំនួន១៣៨គ្រឿង និងម៉ូតូចំនួន១,៤០៣គ្រឿង៕

ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ

4 ថ្ងៃ

ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...

5 ថ្ងៃ

តើពាក្យងារជា «សម្តេច» មានន័យដូចម្តេច?

2 ថ្ងៃ

គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ

1 សប្តាហ៍

តើពាក្យ «ដុតដៃដុតជើង» មានន័យដូចម្តេច?

7 ថ្ងៃ

អត្ថបទពេញនិយមបន្ថែម