អន្តរជាតិ
នយោបាយអន្តរជាតិ
×![]()
រដ្ឋាភិបាលទីក្រុងព្យ៉ុងយ៉ាងបានប្រកាសថា គ្មានហេតុផលណាមួយដែលធ្វើអោយកូរ៉េខាងជើង ត្រូវព្រួយបារម្ភក្នុងការបញ្ជូនសំណុំរឿងសិទ្ធិមនុស្សរបស់ខ្លួន ទៅកាន់តុលាការព្រហ្មទណ្ឌអន្តរជាតិ(ICC) ពីបទឧក្រិដកម្មប្រឆាំងនឹងមនុស្សជាតិ ព្រោះកូរ៉េខាងខាងជើងមិនបានប្រព្រឹត្តអ្វីខុសនោះទេ។ ជាពិសេសនោះកូរ៉េខាងជើងមានបំណងចង់ចូលរួមប្រជុំជាមួយសហរដ្ឋអាមេរិកដើម្បីតទល់រឿងបញ្ហាសិទ្ធិមនុស្ស។
មានសំឡេង
រដ្ឋាភិបាលទីក្រុងព្យ៉ុងបានប្រកាសជំហររបស់ខ្លួន ដោយចង់តទល់ជាមួយសហរដ្ឋអាមេរិក ដើម្បីជជែកពីស្ថានភាពសិទ្ធិមនុស្សរវាងប្រទេសទាំងពីរកាលពីថ្ងៃម្សិលមិញនេះ។ បន្ថែមពីនេះកូរ៉េខាងជើងក៏បានបញ្ជាក់ថាគ្មានហេតុផលណាមួយដែលរដ្ឋាភិបាលកូរ៉េខាងជើង ត្រូវព្រួយបារម្ភពីការបញ្ជូនសំណុំរឿងដែលចោទថាកូរ៉េខាងជើងបានប្រព្រឹត្តបទឧក្រិដ្ឋកម្មប្រឆាំងនឹងមនុស្សជាតិ ព្រោះកូរ៉េខាងជើងមិនបានធ្វើអ្វីខុសនោះទេ។
ក្រោយពីរបាយការណ៍ស្តីពីសិទ្ធិមនុស្សរបស់កូរ៉េខាងជើង ត្រូវបានផ្សព្វផ្សាយដោយអ្នកអង្កេតការណ៍ពិសេសរបស់អង្គការសហប្រជាជាតិ មហាសន្និបាតបានធ្វើការបោះឆ្នោតសម្រេចលើសេចក្តីព្រាង នៃសេចក្តីសម្រេចដែលបានធ្វើឡើងដោយប្រទេសជប៉ុន និងសហភាពអឺរ៉ុប ដើម្បីបញ្ជូនសំណុំរឿងសិទ្ធិមនុស្សកូរ៉េខាងជើង ទៅកាន់ក្រុមប្រឹក្សាសន្តិសុខដើម្បីសម្រេចចុងក្រោយទើបបញ្ជូនទៅកាន់តុលាការព្រហ្មទណ្ឌអន្តរជាតិ។
ជាលទ្ធផលសំណុំរឿងដែលចោទកូរ៉េខាងជើងពីបទឧក្រិដ្ឋកម្មប្រឆាំងមនុស្សជាតិនោះមិនបានសម្រេចនោះទេព្រោះដោយសារមានការបោះឆ្នោតជំទាស់ពីសមាជិកអចិន្ត្រៃយ៍របស់ក្រុមប្រឹក្សាសន្តិសុខរួមមានចិននិងរុស្សី។
ទោះបីយ៉ាងណាក៏ដោយបញ្ហាសិទ្ធិមនុស្សនៅក្នុងប្រទេសកូរ៉េខាងជើងត្រូវបានក្លាយជាប្រធានបទដែលលើកយកទៅពិភាក្សានៅក្នុងសន្និសីទនានា។តួយ៉ាងថ្មីៗនេះកូរ៉េខាងត្បូងបានធ្វើសន្និសីទស្តីពីសិទ្ធិមនុស្សក្រោមរបបផ្តាច់ការរបស់មេដឹកនាំកូរ៉េខាងជើងនៅក្នុងទីក្រុងចាកាតា និងនៅថ្ងៃអង្គារប្រធានបទ បញ្ហាសិទ្ធិមនុស្សរបស់កូរ៉េខាងជើងក៏ត្រូវធ្វើឡើងនៅក្នុងទីក្រុងវ៉ាស៊ិនតោនដែរដោយក្រុមអ្នកវិភាគនៅក្នុងមជ្ឈមណ្ឌលយុទ្ធសាស្ត្រនិងសិក្សាអន្តរជាតិផងដែរ។
យ៉ាងណាមិញអគ្គរដ្ឋទូតកូរ៉េខាងជើង ប្រចាំអង្គការសហប្រជាជាតិ លោក ចាង អ៊ីលហ៊ុន (Jang Il Hun )បានប្រតិកម្មទៅនឹងការធ្វើសន្និសីទ ដើម្បីរិះគន់របបគ្រប់គ្រងទីក្រុងព្យុងយ៉ាងថាកូរ៉េខាងជើងមិនមានការព្រួយបារម្ភចំពោះការបញ្ជូនសំណុំរឿងសិទ្ធិមនុស្សទៅកាន់តុលាការព្រហ្មទណ្ឌអន្តរជាតិនោះទេ ព្រោះរដ្ឋាភិបាលកូរ៉េខាងជើងមិនបានប្រព្រឹត្តអ្វីនោះទេ។
បន្ថែមពីនេះលោកក៏បានស្នើទៅកាន់សហរដ្ឋអាមេរិក ដើម្បីសុំចូលរួមក្នុងសន្និសីទដែលធ្វើនៅក្នុងទីក្រុងវ៉ាស៊ីនតោន ដើម្បីធ្វើការតទល់ជាមួយនឹងសន្និសីទនោះ ប៉ុន្តែសហរដ្ឋអាមេរិកបានជំទាស់ដោយលើកឡើងថាសន្និសីទនេះមិនបានធ្វើឡើងដោយសហរដ្ឋអាមេរិកនោះទេ។
គួរបញ្ជាក់ផងដែរក្នុងរបបនៃការគ្រប់គ្រងរបស់រដ្ឋាភិបាលទីក្រុងព្យុងយ៉ាង អំពើប្រឆាំងមនុស្សជាតិជាច្រើនករណីបានកើតឡើង រួមមានភាពអត់ឃ្លានការសម្លាប់ក្នុងជំរុំ ការធ្វើទារុណកម្ម និងការសម្លាប់ជាលក្ខណៈសាធារណៈដែលអំពើទាំងនេះគឺជាអំពើដែលពិភពលោកធ្វើការថ្កោលទោស។ ដោយឡែកដោយសារតែមានការជំទាស់ពីចិននិងរុស្ស៊ី នៅក្នុងការសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ក្នុងការបញ្ជូនសំណុំរឿងនេះទៅកាន់តុលាការអន្តរជាតិទើបសំណុំរឿងកូរ៉េខាងជើងមិនត្រូវជំនុំជម្រះក្នុងតុលាការព្រហ្មទណ្ឌអន្តរជាតិនោះទេ៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
