អន្តរជាតិ
នយោបាយអន្តរជាតិ
×![]()
លោកនាយករដ្ឋមន្ត្រីអូស្ត្រាលី តូនីអាប បត (Tony Abbott) បានច្រានចោលនូវការចោទ ប្រកាន់ដែលថាអូស្ត្រាលីបានធ្វើការគាបសង្កត់លើឥណ្ឌូនេស៊ីដោយការលើកឡើងពីការផ្តល់ជំនួយរបស់អូស្ត្រាលីទៅកាន់ឥណ្ឌូនេស៊ីជាមួយនឹងអ្នកទោសអូស្ត្រាលីពីនាក់ដែលបានជួញដូរគ្រឿងញៀនខុសច្បាប់ហើយត្រូវបានរដ្ឋាភិបាលឥណ្ឌូនេស៊ីកាត់ទោសប្រហារជិវិត។
រាយការណ៍ព័ត៌មានលម្អិតដោយ លោក រឿន ភារុន
ដោយមានការរិះគន់លើបញ្ហាអ្នកទោសអូស្ត្រាលីដែលត្រូវបានតុលាការឥណ្ឌូនេស៊ីកាត់ទោសប្រហារជិវិត លោកនាយករដ្ឋមន្ត្រីអូស្ត្រាលី តូនីអាប បត នៅថ្ងៃព្រហស្បតិ៍នេះបានថ្លែង ការណ៍ បដិសេធដែលចោទរដ្ឋាភិបាលអូស្ត្រាលីថា បានគាបសង្កត់លើឥណ្ឌូនេស៊ីដោយបាន លើកយកការផ្តល់ជំនួយរបស់អូស្ត្រាលីដើម្បីជាថ្នូរនៃការដោះដូរអ្នកទោសដែលកំពុងជាប់ឃុំឃាំងនៅក្នុងប្រទេសឥណ្ឌូនេស៊ី។
ក្រោយពីតុលាការឥណ្ឌូនេស៊ីបានសម្រេចកាត់ទោសប្រហារជិវិតអ្នកទោសជនជាតិបរទេសដែលបានជួញដូរគ្រឿងញៀន ដែលរួមមានទាំងអ្នកទោសជនជាតិអូស្ត្រាលីពីរនាក់ នៅក្នុង ប្រទេសឥណ្ឌូនេស៊ីនោះ លោកនាយករដ្ឋមន្ត្រីអូស្ត្រាលីបានចេញមុខធ្វើអ្នកតំណាងរបស់ អ្នកទោសទាំងពីរតាមរយៈចំណងការទូតដោយស្នើរសុំអោយមានការលើកលែងទោស។
ជាមួយគ្នានេះដែរលោក តូនីអាប បត បានលើកយកនូវទំនាក់ទំនងយ៉ាងជិតស្និទ្ធ និងស៊ីជម្រៅរវាងប្រទេសអូស្ត្រាលី និងឥណ្ឌូនេស៊ីតាមរយៈការផ្តល់ជំនួយជាច្រើនរបស់អូស្ត្រាលី ទៅកាន់ឥណ្ឌូនេស៊ីកន្លងមក ក្នុងនោះរួមមាន ទាំងជំនួយមនុស្សធម៌ និងជំនួយលើវិស័យ យោធាផងដែរ។ យ៉ាងណាមិញដោយសារតែបញ្ហានេះធ្វើអោយមានការរិះគន់ពីរដ្ឋាភិបាល ទីក្រុងចាកាតាទៅលើលោកនាយករដ្ឋមន្ត្រីអូស្ត្រាលីថាកំពុងតែធ្វើការគាបសង្កត់និងគំរាមកំហែងឥណ្ឌូនេស៊ីតាមរូបភាពនៃការផ្តល់ជំនួយដើម្បីថ្នូរនៃការសុំលើកលែងទោសអ្នកទោស របស់ខ្លួនដែលត្រូវបានកាត់ទោសប្រហារជិវិតដោយអនុលោមតាមច្បាប់កំពូលរបស់ឥណ្ឌូនេស៊ី។
បន្ថែមពីនេះអ្នកនាំពាក្យក្រសួងការបរទេសឥណ្ឌូនេស៊ីលោក Arrmanatha Nasir ក៏បានប្រតិកម្មជាមួយនឹងការលើកឡើងពីការផ្តល់ជំនួយរបស់នាយករដ្ឋមន្ត្រីអូស្ត្រាលី លោកសង្ឃឹមថាការលើកឡើងនេះមិនមានការឆ្លុះបញ្ចាំងពីមុខមាត់ពិតរបស់អូស្ត្រាលីនោះទេ។ អ្នកនាំពាក្យក៏បានបញ្ជាក់ថា ការគំរាមកំហែងនេះគឺមិនមែនជាភាសាការទូតនោះទេ ហើយក៏គ្មានការឆ្លើយតបណាមួយនឹងត្រូវធ្វើឡើងក្រោមការគំរាមកំហែងនេះដែរ។
ទោះបីជាយ៉ាងណាក៏ដោយបញ្ហានេះបានក្លាយទៅជាភាពតានតឹងរវាងចំណងការទូតប្រទេសទាំងពីរហើយឆ្លើយតបនឹងការចោទប្រកាន់នេះនាយករដ្ឋមន្ត្រីអូស្ត្រាលីបានបញ្ជាក់ថា លោកគ្រាន់តែចង់បង្ហាញអ្វីដែលប្រទេសទាំងពីរបានសម្រេចជាមួយគ្នាកន្លងមក ហើយ ការលើកឡើងពីការផ្តល់ជំនួយនោះក៏មិនមានជាការគំរាមកំហែងនោះដែរ។ ក៏ប៉ុន្តែអ្វីដែលជា ចំណុចសំខាន់នោះលោកនាយករដ្ឋមន្ត្រីបានលើកឡើងថា វាជាជម្រើសល្អប្រសិនបើអ្នក ទោសទាំងពីរនោះនឹងត្រូវបានលើកលែងទោសពីការកាត់ទោសប្រជិវិត។
គួរបញ្ជាក់ផងដែរ ចំណងការទូតរវាងអូស្ត្រាលី និងឥណ្ឌូនេស៊ីធា្លប់មានបញ្ហាជាមួយគ្នាម្តង រួចទៅក្រោយពីមានការរកឃើញថាអូស្ត្រាលីបានធ្វើចារកម្មនៅក្នុងប្រទេសឥណ្ឌូនេស៊ី កាលពីឆ្នាំ២០១៤ ហើយនៅពេលថ្មីៗនេះភាពតានតឹងនៃចំណងការទូតបានកំពុងតែចាប់ផ្តើម សារជាថ្មី ក្រោយពីមានការធ្វើអន្តរាគមន៍របស់លោកនាយរដ្ឋមន្ត្រីអូស្ត្រាលី តូនីអាប បត ទៅលើការកាត់ទោសប្រហារជីវិតជនជាតិអូស្ត្រាលីពីរនាក់ដោយតុលាការឥណ្ឌូនេស៊ី៕
រាយការណ៍ព័ត៌មានលម្អិតដោយ លោក រឿន ភារុន
ដោយមានការរិះគន់លើបញ្ហាអ្នកទោសអូស្ត្រាលីដែលត្រូវបានតុលាការឥណ្ឌូនេស៊ីកាត់ទោសប្រហារជិវិត លោកនាយករដ្ឋមន្ត្រីអូស្ត្រាលី តូនីអាប បត នៅថ្ងៃព្រហស្បតិ៍នេះបានថ្លែង ការណ៍ បដិសេធដែលចោទរដ្ឋាភិបាលអូស្ត្រាលីថា បានគាបសង្កត់លើឥណ្ឌូនេស៊ីដោយបាន លើកយកការផ្តល់ជំនួយរបស់អូស្ត្រាលីដើម្បីជាថ្នូរនៃការដោះដូរអ្នកទោសដែលកំពុងជាប់ឃុំឃាំងនៅក្នុងប្រទេសឥណ្ឌូនេស៊ី។
ក្រោយពីតុលាការឥណ្ឌូនេស៊ីបានសម្រេចកាត់ទោសប្រហារជិវិតអ្នកទោសជនជាតិបរទេសដែលបានជួញដូរគ្រឿងញៀន ដែលរួមមានទាំងអ្នកទោសជនជាតិអូស្ត្រាលីពីរនាក់ នៅក្នុង ប្រទេសឥណ្ឌូនេស៊ីនោះ លោកនាយករដ្ឋមន្ត្រីអូស្ត្រាលីបានចេញមុខធ្វើអ្នកតំណាងរបស់ អ្នកទោសទាំងពីរតាមរយៈចំណងការទូតដោយស្នើរសុំអោយមានការលើកលែងទោស។
ជាមួយគ្នានេះដែរលោក តូនីអាប បត បានលើកយកនូវទំនាក់ទំនងយ៉ាងជិតស្និទ្ធ និងស៊ីជម្រៅរវាងប្រទេសអូស្ត្រាលី និងឥណ្ឌូនេស៊ីតាមរយៈការផ្តល់ជំនួយជាច្រើនរបស់អូស្ត្រាលី ទៅកាន់ឥណ្ឌូនេស៊ីកន្លងមក ក្នុងនោះរួមមាន ទាំងជំនួយមនុស្សធម៌ និងជំនួយលើវិស័យ យោធាផងដែរ។ យ៉ាងណាមិញដោយសារតែបញ្ហានេះធ្វើអោយមានការរិះគន់ពីរដ្ឋាភិបាល ទីក្រុងចាកាតាទៅលើលោកនាយករដ្ឋមន្ត្រីអូស្ត្រាលីថាកំពុងតែធ្វើការគាបសង្កត់និងគំរាមកំហែងឥណ្ឌូនេស៊ីតាមរូបភាពនៃការផ្តល់ជំនួយដើម្បីថ្នូរនៃការសុំលើកលែងទោសអ្នកទោស របស់ខ្លួនដែលត្រូវបានកាត់ទោសប្រហារជិវិតដោយអនុលោមតាមច្បាប់កំពូលរបស់ឥណ្ឌូនេស៊ី។
បន្ថែមពីនេះអ្នកនាំពាក្យក្រសួងការបរទេសឥណ្ឌូនេស៊ីលោក Arrmanatha Nasir ក៏បានប្រតិកម្មជាមួយនឹងការលើកឡើងពីការផ្តល់ជំនួយរបស់នាយករដ្ឋមន្ត្រីអូស្ត្រាលី លោកសង្ឃឹមថាការលើកឡើងនេះមិនមានការឆ្លុះបញ្ចាំងពីមុខមាត់ពិតរបស់អូស្ត្រាលីនោះទេ។ អ្នកនាំពាក្យក៏បានបញ្ជាក់ថា ការគំរាមកំហែងនេះគឺមិនមែនជាភាសាការទូតនោះទេ ហើយក៏គ្មានការឆ្លើយតបណាមួយនឹងត្រូវធ្វើឡើងក្រោមការគំរាមកំហែងនេះដែរ។
ទោះបីជាយ៉ាងណាក៏ដោយបញ្ហានេះបានក្លាយទៅជាភាពតានតឹងរវាងចំណងការទូតប្រទេសទាំងពីរហើយឆ្លើយតបនឹងការចោទប្រកាន់នេះនាយករដ្ឋមន្ត្រីអូស្ត្រាលីបានបញ្ជាក់ថា លោកគ្រាន់តែចង់បង្ហាញអ្វីដែលប្រទេសទាំងពីរបានសម្រេចជាមួយគ្នាកន្លងមក ហើយ ការលើកឡើងពីការផ្តល់ជំនួយនោះក៏មិនមានជាការគំរាមកំហែងនោះដែរ។ ក៏ប៉ុន្តែអ្វីដែលជា ចំណុចសំខាន់នោះលោកនាយករដ្ឋមន្ត្រីបានលើកឡើងថា វាជាជម្រើសល្អប្រសិនបើអ្នក ទោសទាំងពីរនោះនឹងត្រូវបានលើកលែងទោសពីការកាត់ទោសប្រជិវិត។
គួរបញ្ជាក់ផងដែរ ចំណងការទូតរវាងអូស្ត្រាលី និងឥណ្ឌូនេស៊ីធា្លប់មានបញ្ហាជាមួយគ្នាម្តង រួចទៅក្រោយពីមានការរកឃើញថាអូស្ត្រាលីបានធ្វើចារកម្មនៅក្នុងប្រទេសឥណ្ឌូនេស៊ី កាលពីឆ្នាំ២០១៤ ហើយនៅពេលថ្មីៗនេះភាពតានតឹងនៃចំណងការទូតបានកំពុងតែចាប់ផ្តើម សារជាថ្មី ក្រោយពីមានការធ្វើអន្តរាគមន៍របស់លោកនាយរដ្ឋមន្ត្រីអូស្ត្រាលី តូនីអាប បត ទៅលើការកាត់ទោសប្រហារជីវិតជនជាតិអូស្ត្រាលីពីរនាក់ដោយតុលាការឥណ្ឌូនេស៊ី៕
© រក្សាសិទ្ធិដោយ thmeythmey.com
