ជាតិ
ពីនេះ ពីនោះ
ខុង ជឺ៖ ទន់ភ្លន់ តែដាច់ខាត អាចបង្ក្រាបពួកឧក្រិដ្ឋជន
× ដកស្រង់ចេញពីសៀវភៅ ខុង ជឺ ដែលប្រែសម្រួលដោយលោក គឹម ចាន់ណា និងបោះពុម្ពផ្សាយដោយគ្រឹះស្ថានបោះពុម្ពផ្សាយ Mind Books ។
ជឺលូ ធ្វើដំណើរទៅទទួលតំណែងជាចៅហ្វាយស្រុកភូ។ មុននឹងចេញទៅ គាត់ក៏សុំការណែនាំពី ខុង ជឺ ក្នុងយុទ្ធសាស្ត្រនៃការគ្រប់គ្រង។
ខុង ជឺ សួរថា «តើស្ថានភាពស្រុកភូនោះយ៉ាងម៉េចដែរ?»
ជឺ លូ ឆ្លើយថា « មនុស្សនៅទីនោះសម្បួរទៅដោយជើងខ្លាំង ចូលចិត្តយកឈ្នះយកចាញ់ ពិបាកគ្រប់គ្រងណាស់»។
ខុង ជឺ ពោលថា៖«យើងប្រាប់ឯងឲ្យដឹង ការឱនលំទោន មានសុជីវធម៌ អាចធ្វើឲ្យមនុស្សឃោរឃៅព្រមចុះញ៉ម។ ការប្រកាន់សុចរិតទៀងត្រង់ អាចធ្វើឲ្យមនុស្សដែលចូលចិត្តយក ព្រមចុះញ៉ម។ ការមានមេត្តាករុណា គិតថ្លឹងថ្លែងដល់ចិត្តអ្នកដទៃ អាចគ្រប់គ្រងចិត្តអ្នករឹងត្អឹងបាន។ ភាពទន់ភ្លន់តែដាច់ខាត អាចបង្ក្រាបពួកជនឧក្រិដ្ឋផ្សេងៗបាន។ បើឯងធ្វើបានដូចសម្តីយើង យើងជឿថា ស្រុកភូ មិនពិបាកគ្រប់គ្រងឡើយ»៕
© រក្សាសិទ្ធិដោយ thmeythmey.com