អន្តរជាតិ
នយោបាយអន្តរជាតិ
មន្ត្រីជាន់ខ្ពស់UNត្រូវលុបឈ្មោះចេញពីកិច្ចប្រជុំដោយសារបៀតបៀនកេរ្ត៍ខ្មាស
ដោយ: ថ្មីៗ
លោករាជេនដ្រាប៉ាជូរិ (Rajendra Pachauri) មន្ត្រីជាន់ខ្ពស់អង្គការសហប្រជាជាតិទទួលបន្ទុកផ្នែកការផ្លាស់ប្តូរអាកាសធាតុត្រូវបានគេដកឈ្មោះចេញពីកិច្ចប្រជុំជាន់ខ្ពស់នៅក្នុងប្រទេសកេនយ៉ាក្រោយពីមានបណ្តឹងពីប៉ូលីសស៊ើបអង្កេតឥណ្ឌាពីបទបៀតបៀនកេរ្ត៍ខ្មាសលើស្ត្រីដែលជាអ្នកស្រាវជ្រាវនៅក្នុងប្រទេសឥណ្ឌា។
ក្រោយពីទទួលបានពាក្យបណ្តឹងពីប៉ូលីសស៊ើបអង្កេតឥណ្ឌាពីបទបៀតបៀនកេរ្ត៍ខ្មាសលោករាជេនដ្រា ប៉ាជូរិ (Rajendra Pachauri) មន្ត្រីជាន់ខ្ពស់អង្គការសហប្រជាជាតិទទួលបន្ទុកផ្នែកការផ្លាស់ប្តូរអាកាសធាតុត្រូវបានដកឈ្មោះចេញពីកិច្ចប្រជុំជាន់ខ្ពស់នៅក្នុងប្រទេសកេនយ៉ាន។
បើយោងតាមអ្នកនាំពាក្យនៃកិច្ចប្រជុំលោករាជេនដ្រាប៉ាជូរិដែលជាប្រធានក្នុងវាគ្មិនអន្តររដ្ឋាភិបាលលើប្រធានបទការប្រែប្រួលអាកាសធាតុដែលនឹងត្រូវប្រព្រឹត្តនៅក្នុងប្រទេសកេនយ៉ានោះត្រូវបានរងនូវការចោទប្រកាន់ពីបទបៀតបៀនកេរ្ត៍ខ្មាស់លើស្ត្រីម្នាក់ដែលជាអ្នកស្រាវជ្រាវនៅក្នុងវិទ្យាស្ថានថាមពលនិងធនធានដែលមានទីតាំងនៅក្នុងប្រទេសឥណ្ឌា។យ៉ាងណាមិញរឿងលម្អិតទាក់ទងនឹងការចោទប្រកាន់នេះមិនត្រូវបានបកស្រាយនោះទេ។
ដោយឡែកបញ្ហានេះមិនបានធ្វើអោយមានការរាំងស្ទះក្នុងកិច្ចប្រជុំជាន់ខ្ពស់នោះទេគណៈកម្មាធិការនៃកិច្ចប្រជុំស្តីការប្រែប្រួលអាកាសធាតុនៅក្នុងប្រទេសកេនយ៉ានឹងជ្រើសរើសប្រធានថ្មី។រីឯលោករាជេនដ្រា ត្រូវតែមានវត្តមាននៅក្នុងតុលាការរបស់ឥណ្ឌាដោយយោងទៅតាមដីកាកោះដើម្បីចូលបំភ្លឺពីការចោទប្រកាន់។
គួរបញ្ជាក់ផងដែរលោករាជេនដ្រាប៉ាជូរិគឺជាមន្ត្រីជាន់ខ្ពស់របស់អង្គការសហប្រជាជាតិដែលមានជំនាញផ្នែកប្រែប្រួលអាកាសធាតុដែលមានសំឡេងនៅក្នុងឆាកអន្តរជាតិហើយលោកធ្លាប់ធ្វើជាប្រធាននៃកិច្ចប្រជុំអន្តររដ្ឋាភិបាលលើការប្រែប្រួលអាកាសធាតុពីរអាណត្តិមកហើយ។យ៉ាងណាមិញដោយសារតែមានការចោទប្រកាន់ទៅលើបទបៀតបៀនកេរ្ត៍ខ្មាស់លោកត្រូវបានបាត់បង់ឳកាសក្នុងតំណែងអាណត្តិទីបីរបស់លោកដែលត្រូវប្រព្រឹត្តឡើងក្នុងប្រទេសកេនយ៉ា៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
