ពីនេះ ពីនោះ
កំណាព្យ៖ មនុស្សតូច ខូចតាមយ៉ាង
× កំណាព្យ
មនុស្សតូច ខូចតាមយ៉ាង
(បទពាក្យ៨)
-មនុស្សតូចខ្លះត្រូវ រួញខ្លួនក្រញ៉ង់ មិនអាចតម្រង់ឲ្យងើបងើយក
មនុស្សតូចខ្លះទៀតមិនខ្ចីអង្វរ ខំប្រឹងធ្វើស តស៊ូដល់ស្លាប់។
-មនុស្សតូចខ្លះទៀតពូកែអែបអប ចេះធ្វើរណបខ្លបខ្លួនចំណាប់
ដើម្បីខ្លួនរស់ខ្ពស់មានគេស្ដាប់ ហ៊ានកាប់សម្លាប់ប្រល័យមិត្ដខ្លួន។
-មនុស្សតូចខូចកោងតាមតោងដោយយ៉ាង ចូលកៀនអែបខាងសាងលាក់បំពួន
អត់ស្គាល់ញាតិមិត្តឆ្ងាយជិតក្បែរខ្លួន ស៊ីរស់តែខ្លួនពួនរស់ម្នាក់ឯង។
-មនុស្សតូចខ្លះទៀតឆ្លៀតខំយកចិត្ត មនុស្សធំដែលស្និទ្ធផ្តេកផ្តិតឥតក្រែង
ឲ្យតែបានស៊ីខំស៊ូកខំសែង យកចិត្តសម្ញែងសម្តែងឱនក្រាប។
-មនុស្សតូចខ្លះទៀតចោរម្សៀតគ្មានបទ បានស៊ីស៊ីម៉ត់អត់មានគិតបាប
គិតបុណ្យគិតទានខំតែព្រួសសាប សាងតែរឿងបាប សាបតែរឿងបាន៕
និពន្ធដោយ៖វិឆ័យសុភី
© រក្សាសិទ្ធិដោយ thmeythmey.com