ជាតិ
ពីនេះ ពីនោះ
នៅក្នុងប្រទេសរំដួល អ្នកតាំងខ្លួនជាអ្នកស្នេហាជាតិមានច្រើន តែ…
×
ដើរទៅទីណា កន្លែងណា ក៏លឺតែមន្ត្រី អ្នកជំនួញ បុគ្គលិកអង្គការ បុគ្គលិកក្រុមហ៊ុន និស្សិត អ្នកនយោបាយ តាំងខ្លួនជាមនុស្សស្មោះត្រង់ ស្នេហាជាតិដែរ។ ប្រសិនបើមនុស្សនិយាយទាំងអស់ ជាអ្នកស្មោះត្រង់ ស្នេហាជាតិមែននោះ មិនដឹងជាប្រទេសរំដួលរីកចម្រើនប៉ុណ្ណោះនោះទេ។ ប៉ុន្តែ តាមការពិនិត្យជាក់ស្តែង អ្នកតាំងខ្លួនជាអ្នកស្នេហាជាតិ ស្មោះត្រង់នោះ និយាយតែមាត់ប៉ុណ្ណោះ។ ពេលមានប្រលោះ ពួកគេបូមទាំងអស់គ្នា។
មន្ត្រីខ្លះនៅបន្តពុករលួយ និស្សិតនៅបន្តបើកចាក់ អ្នកជំនួញនៅបន្តមិនចង់បង់ពន្ធជូនរដ្ឋ បុគ្គលិកអង្គការខ្លះធ្វើការគ្មានតម្លាភាព អ្នកនយោបាយបន្តធ្វើនយោបាយដើម្បីដូរបាយ។ល។
ទាំងអស់នេះហើយ គឺជាអ្នកស្នេហាជាតិនៅក្នុងប្រទេសរំដួល។ នៅក្នុងប្រទេសផ្សេងក្រៅពីប្រទេសរំដួល អ្នកស្នេហាជាតិ គឺស្នេហាជាតិពិតប្រាកដ មិនស្នេហាជាតិនៅលើបបូរមាត់ទេ។ ពួកគេធ្វើអ្វីៗ គឺដើម្បីជាតិ មុនគិតប្រយោជន៍ផ្ទាល់ខ្លួន៕
© រក្សាសិទ្ធិដោយ thmeythmey.com