ជាតិ
ពីនេះ ពីនោះ
ជីវិតរបស់លោកអ្នក គឺខ្លីណាស់ ដូច្នេះ កុំធ្វើអ្វីដែលនាំអោយជាតិឈឺចាប់!
×
មិនថា យុវជន ឬមនុស្សមានវ័យចំណាស់ ឬកណ្តាលទេ ពួកគេមួយចំនួនដឹងតែចង់កេងពីរដ្ឋ។ យុវជនខ្លះចង់ក្លាយខ្លួនជាមន្ត្រីរាជការដើម្បីរកប្រាក់អោយ«មានបាន»ដូចមន្ត្រីរដ្ឋពីមុនៗដែរ។ បានធ្វើជាមន្ត្រីរដ្ឋហើយ ពួកគេចរចា រកកន្លែងត្រូវប៉ាន់ទៀត។ ក្រៅពីចង់បានលុយកាក់ មាសប្រាក់ យុវជនទាំងនោះ ចង់បានអំណាច បើទោះបីជាខ្លួនគេមិនទាំងមានសមត្ថភាពគ្រប់គ្រាន់ដើម្បីដឹកនាំផង។
មនុស្សមានវ័យកណ្តាល និងវ័យចំណាស់មួយចំនួនប្រឹងធ្វើនយោបាយប្រឆាំងផង គាំទ្រផងក្នុងន័យប្រជាភិថុតិថា ដើម្បីជួយជាតិ។ តែតាមពិត អោយតែគេផ្តល់តំណែងអ្វីមួយ ទទួលយកលឿនដោយគ្មានការពិចារណា។ នេះគឺជាការធ្វើនយោបាយដើម្បីឆ្នាំងបាយ ឬធ្វើនយោបាយដើម្បីដូរបាយ។
គំនិតទាំងពីរខាងលើនេះ គឺជាកំហុសរបស់កូនខ្មែរ។ ចូរកុំចង់ក្លាយខ្លួនមន្ត្រីដើម្បីបំផ្លាញរដ្ឋ។ និយមន័យមន្ត្រី គឺជាបុគ្គលដែលត្រូវធ្វើការបម្រើរដ្ឋ និងរាស្ត្រ។ ចូរកុំធ្វើនយោបាយដើម្បីបំផ្លាញជាតិ។ អ្នកនយោបាយ គឺជាបុគ្គលដែលត្រូវដឹកនាំរដ្ឋ និងរាស្ត្រ ដូច្នេះ ពួកគេត្រូវធ្វើអ្វីៗដើម្បីជាតិ និងពលរដ្ឋរបស់ខ្លួន។
ជីវិតរបស់លោកអ្នក គឺខ្លីណាស់ ដូច្នេះ កុំធ្វើអ្វីដែលនាំអោយជាតិឈឺចាប់! Your life is short, thus do not harm your country.
ចូរកុំសួរថា តើជាតិមានអ្វីផ្តល់អោយអ្នក តែអ្នកវិញទេដែលត្រូវតែចោទជាសំណួរថា តើ«ខ្ញុំត្រូវធ្វើអ្វី ឬត្រូវផ្តល់អ្វីជូនរដ្ឋក្នុងនាមជាពលរដ្ឋដែលស្រឡាញ់ជាតិ»៕
© រក្សាសិទ្ធិដោយ thmeythmey.com