ពីនេះ ពីនោះ
×![]()
ដោយ: ថ្មីៗ
មនុស្សម្នាក់ៗតែងតែប្រាថ្នាចង់ទទួលបានភាពជោគជ័យក្នុងជីវិតរបស់ពួកគេ។ ប៉ុន្តែពួកគេ ខ្លះបានត្រឹមតែចង់ និងខ្លះទៀតបានខិតខំធ្វើការដែរ នៅតែមិនទទូលបានជោគជ័យ។ តើគួរធ្វើបែបណា ទើបទទួលបានជោគជ័យក្នុងជីវិត?
១. ស្គាល់ខ្លួនឯង៖ ជាមនុស្សដឹងពីចំណង់ចំណូលចិត្ត ទេព្យកោសល្យ ចំណុចខ្លាំង-ខ្សោយ និងគោលដៅជីវិតខ្លួនឯងច្បាស់។
២. រម្លឹកគោលដៅជីវិតប្រចាំថ្ងៃ៖ មិនមែនគ្រាន់តែស្គាល់ខ្លួនឯង និងកំណត់គោលដៅហើយ អ្នកពិតជាអាចទទួលបានជោគជ័យ ឬសម្រេចគោលដៅនោះឡើយ។ ប្រសិនណាបើអ្នកមិនរំលឹកពីគោលដៅនោះទេ វាប្រាកដជាមិនអាចដើរដល់ឡើយ។ ដូច្នេះ អ្នកគួររំលឹកខ្លួនឯងថា តើវាដើរដល់ណាហើយ? តើវាជួបនឹងឧបសគ្គអ្វីខ្លះ? ហើយដោះស្រាយវាដោយរបៀបណា? តើត្រូវដើរដល់ពេលណាទៀត ទើបដល់គោលដៅនោះ?
៣. គ្រប់គ្រងពេលវេលា៖ មានទម្លាប់ធ្វើផែនការសម្រាប់ថ្ងៃស្អែក និងចំណាយពេលពិនិត្យមើលការអនុវត្តរបស់ខ្លួន ហើយរៀបផែនការសម្រាប់ថ្ងៃបន្ទាប់ទៀត។ រាល់ម៉ោងត្រូវសួរខ្លួនឯងថា «តើពេលវេលាដែលខ្ញុំចំណាយមានប្រយោជន៍ដែរឬទេ សម្រាប់ការសម្រេចនូវគោលបំណងក្នុងជីវិតរបស់ខ្ញុំ»។
៤. ទំនាក់ទំនង៖ ជាមនុស្សដែលចូលចិត្តរាប់រក និងសេពគប់មនុស្សដទៃទៀត ដោយមិនមានគំនិតប្រកាន់វណ្ណៈ រើសអើង និងមើលងាយពួកគេឡើយ
៥. ភាពជាអ្នកដឹកនាំ៖ ជាមនុស្សមានគំនិតច្នៃប្រឌិត និងចេញមុខធ្វើការងារក្នុងក្រុមយ៉ាងសកម្មជាងសមាជិកដទៃ ហើយចូលចិត្តលើកទឹកចិត្ត ជាជាងស្តីបន្ទោស ឬច្រណែនគ្នាជាមួយនឹងសមាជិកក្រុម។
៦. រៀនសូត្រ និងបង្រៀនអ្នកដទៃ៖ ជាមនុស្សចូលចិត្តរៀនសូត្រពីមនុស្សដែលជោគជ័យក្នុងជីវិត ហើយចែករំលែកបទពិសោធន៍ និងបង្រៀនអ្នកដទៃឲ្យទទួលជោគជ័យដូចខ្លួនឯងដែរ។
៧. ការអនុវត្ត៖ ត្រូវអនុវត្តន៍នូវអ្វីដែលជាគោលបំណង់របស់អ្នក ដោយមានទំនុកចិត្តលើខ្លួនឯងក្នុងការអនុវត្តវាឲ្យទទួលបានជោគជ័យ៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
