ពីនេះ ពីនោះ
តើពាក្យ «កំពុង, កំពង់» ប្រើខុសគ្នាដូចម្តេច?
×
មនុស្សមួយចំនួននៅតែច្រឡំចំពោះពាក្យទាំងពីរនេះ ដោយមិនដឹងថាពាក្យណាមួយប្រើក្នុងន័យមួយណាឡើយ។ បើនៅក្នុងវចនានុក្រមខ្មែរ របស់សម្តេចព្រះសង្ឃរាជ ជួន ណាត ពាក្យ «កំពុង, កំពង់» ប្រើក្នុងន័យខុសគ្នាដូចជា៖
១. ពាក្យ «កំពុង» មានន័យថា ដែលពេញកំពូក កណ្តាលឡើងមិនរាបស្មើ។ ឧទាហរណ៍៖ ពេញកំពុង, ថ្ពាស់កំពុង ជាដើម។ មួយទៀត មានន័យថា កាលក្នុង, កាលដែលជាប់នៅក្នុងរវាង។ ឧ
ទាហរណ៍៖ កំពុងធ្វើការ, កំពុងស៊ី, កំពុងនិយាយ...។
២. ពាក្យ «កំពង់» មានន័យថា ទីកន្លែងនៅមាត់ទឹកដែលជនានុជនចុះឡើង ឬចតទូកជាដើម។ ឧទាហរណ៍៖ កំពង់ទូក, កំពង់កប៉ាល់, កំពង់ទឹក។ ល៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com