ជាតិ
កំណាព្យ៖ជូនពរទិវាសិទ្ធិនារី ៨ មីនា ២០១៥
×
ជូនពរទិវាសិទ្ធិនារី ៨ មីនា ២០១៥
(បទពាក្យប្រាំពីរ)
៨ មីនា ជាដុំពេជ្រ មិនត្រូវបំភ្លេចត្រូវរំលឹក
រួមគ្នាអបអរឲ្យសន្ធឹក យើងត្រូវតែនឹកឃើញថ្ងៃសិទ្ធិ។
៨ មីនា ថ្លាបរិសុទ្ធ ថ្ងៃដែលឆ្លងផុតពីជំរឹត
រំលោភបំពានផ្ដាច់ជីវិត រឿងនារីពិតជួបទុក្ខភ័យ។
ដូច្នេះពលរដ្ឋ ទាំងតូចធំ មូលមីជួបជុំ ថ្ងៃប្រាំបី
ជូនពរនារី លើលោកីយ៍ ពិសេសស្ត្រី ក្នុងកម្ពុជា។
សូមជូនពរជ័យសិរីមង្គល សុខសាន្ដបានដល់ស្ត្រីរាល់គ្នា
អាយុ វណ្ណ: សុខ ពាលា បរទេសកម្ពុជាញាតិទាំងឡាយ ។
សូមជូនពរជ័យដល់នារី ជួបតែរមណីសុខសប្បាយ
កិត្តិស័ព្ទស្ត្រីល្បីសុសសាយ សាងជាតិកុំឆ្ងាយកុំប្រេះស្រាំ។
សូមជូនពរជ័យថ្ងៃទិវា ៨ មីនា ២០១៥
មនុស្សក្នុងលោកកត់ចំណាំ ចងចាំលើកស្ទួយសិទ្ធិស្ត្រី។
អវសាន្ដកាព្យាជាចុងក្រោយ សូមជូនពរឲ្យមានសួស្តី
គ្រប់អស់ជនជាតិនៃស្ត្រី ជួបសុខសេរីឥតក្រឡាស់។
ទាំងពលរដ្ឋខ្មែរស្រែចម្ការ អ្នកក្រុងអ្នកផ្សារទាំងក្មេងចាស់
សូមបានសុខសាន្តជាស្រឡះ ប្រាស់ចាករោគភ័យក្តីមន្ទិល៕
និពន្ធដោយ៖វិឆ័យ សុភី
© រក្សាសិទ្ធិដោយ thmeythmey.com