ពីនេះ ពីនោះ
×![]()
ដោយ: ថ្មីៗ
មនុស្សគ្រប់គ្នាតែងតែចង់អភិវឌ្ឍខ្លួនឯង តាមរយៈការអភិវឌ្ឍន៍សមត្ថភាព ដើម្បីឲ្យមានការផ្លាស់ប្តូរជាវិជ្ជមាន ហើយអាចដឹកនាំជីវិតឆ្ពោះទៅរកភាពជោគជ័យ និងរស់នៅប្រកបដោយសុខដុមរមនា។ ប៉ុន្តែផ្ទុយមកវិញ មនុស្សភាគច្រើនបានត្រឹមតែចង់អភិវឌ្ឍន៍ខ្លួនឯង តែមិនបានដឹងពីគន្លឹះនៃការអភិវឌ្ឍខ្លួនឯងនោះទេ។ តើគន្លឹះនៃការអភិវឌ្ឍខ្លួនឯងមានអ្វីខ្លះ? ហើយត្រូវអនុវត្តន៍វា ដោយរបៀបណាទើបអាចជោគជ័យបាន?
១. ស្គាល់ខ្លួនឯង៖ អ្នកត្រូវតែស្វែងយល់និងដឹងពីខ្លួនឯងឲ្យបានច្បាស់ដូចជា ដឹងពីចំណង់ចំណូលចិត្ត ទេព្យកោសល្យ ចំណុចខ្លាំង-ខ្សោយរបស់ខ្លួនជាដើម។ ប្រសិនបើអ្នកដឹងចំណុចខ្សោយខ្លួនឯងច្បាស់ហើយ អ្នកត្រូវចាប់ផ្តើមពង្រឹងចំណុចខ្សោយនោះបន្តិចម្តងៗ រហូតឲ្យវាក្លាយជាចំណុចខ្លាំងរបស់អ្នកវិញ។
២. កំណត់គោលដៅជីវិត៖ ចាប់ផ្តើមកំណត់គោលដៅជីវិតរបស់ថា តើអ្នកចង់ធ្វើអ្វី? ធ្វើវាដើម្បីអ្វី? និងធ្វើវាដោយរបៀបណា ទើបអាចសម្រេចនូវគោលដៅនោះ? ហើយអ្នកចង់សម្រេចគោលដៅនោះក្នុងរយៈពេលប៉ុន្មានឆ្នាំទៀត? ការកំណត់គោលដៅនេះត្រូវតែផ្សារភ្ជាប់ទៅនឹងចំណង់ចំណូលចិត្ត ទេព្យកោសល្យ និងចំណុចខ្លាំងរបស់អ្នកជានិច្ច។
៣. រម្លឹកគោលដៅជីវិតប្រចាំថ្ងៃ៖ មិនមែនគ្រាន់តែស្គាល់ខ្លួនឯង និងកំណត់គោលដៅហើយ អ្នកពិតជាអាចសម្រេចគោលដៅនោះឡើយ។ អ្នកត្រូវតែរំលឹកខ្លួនឯងថា តើវាដើរដល់ណាហើយ? តើវាជួបនឹងឧបសគ្គអ្វីខ្លះ? ហើយដោះស្រាយវាដោយរបៀបណា? តើត្រូវដើរដល់ពេលណាទៀត ទើបដល់គោលដៅដែលអ្នកចង់បាន?
៤. គ្រប់គ្រងពេលវេលា៖ មានគន្លឹះបួនដែលអ្នកត្រូវដឹងពីរបៀបគ្រប់គ្រងនេះ៖ ទី១. តើការងារណាសំខាន់ ហើយវាបន្ទាន់ ទី២. តើការងារណាសំខាន់ ប៉ុន្តែវាមិនបន្ទាន់ ទី៣. តើការងារណាមិនសំខាន់ ប៉ុន្តែវាបន្ទាន់ និងទី៤. តើការងារណាមិនសំខាន់ ហើយក៏វាមិនបន្ទាន់ដែរ។ បន្ទាប់ដឹងពីគន្លឹះទាំងនេះហើយ អ្នកត្រូវចាប់ផ្តើមចាត់អាទិភាពការងារ និងផែនការនោះឲ្យបានច្បាស់ ថាតើការងារណាត្រូវធ្វើមុនគេ ការងារណាត្រូវធ្វើបន្ទាប់ និងការងារណាត្រូវទុកធ្វើក្រោយគេ។
៥. អានសៀវភៅជាប់ជាប្រចាំថ្ងៃ៖ ត្រូវមានទម្លាប់ស្រាវជ្រាវ និងអានសៀវភៅ ព្រោះវាជាផ្នែកមួយនៃការកម្សាន្ត និងធ្វើឲ្យអ្នកទទួលបាននូវចំណេះដឹងច្រើន យល់ដឹងពីសង្គម និងជួយលើកស្ទួយផ្នែកប្រាជ្ញាស្មារតីរបស់អ្នក។ ជាពិសេសជួយពង្រឹងសមត្ថភាពក្នុងការគិតពិចារណារបស់អ្នកឲ្យកាន់តែស៊ីជម្រៅ និងកាន់តែមានប្រសិទ្ធភាព។
៦. អនុវត្តតាមផែនការជានិច្ច៖ អ្នកត្រូវអនុវត្តន៍ទៅតាមផែនការដែលអ្នកបានកំណត់ពីមួយជំហានទៅមួយជំហាន ប្រកបដោយការតាំងចិត្ត និងមានភាពជឿជាក់លើខ្លួនឯង ថាអ្នកប្រាកដជាអាចធ្វើវាបានសម្រេច និងជោគជ័យក្នុងជីវិតរបស់អ្នក៕
១. ស្គាល់ខ្លួនឯង៖ អ្នកត្រូវតែស្វែងយល់និងដឹងពីខ្លួនឯងឲ្យបានច្បាស់ដូចជា ដឹងពីចំណង់ចំណូលចិត្ត ទេព្យកោសល្យ ចំណុចខ្លាំង-ខ្សោយរបស់ខ្លួនជាដើម។ ប្រសិនបើអ្នកដឹងចំណុចខ្សោយខ្លួនឯងច្បាស់ហើយ អ្នកត្រូវចាប់ផ្តើមពង្រឹងចំណុចខ្សោយនោះបន្តិចម្តងៗ រហូតឲ្យវាក្លាយជាចំណុចខ្លាំងរបស់អ្នកវិញ។
២. កំណត់គោលដៅជីវិត៖ ចាប់ផ្តើមកំណត់គោលដៅជីវិតរបស់ថា តើអ្នកចង់ធ្វើអ្វី? ធ្វើវាដើម្បីអ្វី? និងធ្វើវាដោយរបៀបណា ទើបអាចសម្រេចនូវគោលដៅនោះ? ហើយអ្នកចង់សម្រេចគោលដៅនោះក្នុងរយៈពេលប៉ុន្មានឆ្នាំទៀត? ការកំណត់គោលដៅនេះត្រូវតែផ្សារភ្ជាប់ទៅនឹងចំណង់ចំណូលចិត្ត ទេព្យកោសល្យ និងចំណុចខ្លាំងរបស់អ្នកជានិច្ច។
៣. រម្លឹកគោលដៅជីវិតប្រចាំថ្ងៃ៖ មិនមែនគ្រាន់តែស្គាល់ខ្លួនឯង និងកំណត់គោលដៅហើយ អ្នកពិតជាអាចសម្រេចគោលដៅនោះឡើយ។ អ្នកត្រូវតែរំលឹកខ្លួនឯងថា តើវាដើរដល់ណាហើយ? តើវាជួបនឹងឧបសគ្គអ្វីខ្លះ? ហើយដោះស្រាយវាដោយរបៀបណា? តើត្រូវដើរដល់ពេលណាទៀត ទើបដល់គោលដៅដែលអ្នកចង់បាន?
៤. គ្រប់គ្រងពេលវេលា៖ មានគន្លឹះបួនដែលអ្នកត្រូវដឹងពីរបៀបគ្រប់គ្រងនេះ៖ ទី១. តើការងារណាសំខាន់ ហើយវាបន្ទាន់ ទី២. តើការងារណាសំខាន់ ប៉ុន្តែវាមិនបន្ទាន់ ទី៣. តើការងារណាមិនសំខាន់ ប៉ុន្តែវាបន្ទាន់ និងទី៤. តើការងារណាមិនសំខាន់ ហើយក៏វាមិនបន្ទាន់ដែរ។ បន្ទាប់ដឹងពីគន្លឹះទាំងនេះហើយ អ្នកត្រូវចាប់ផ្តើមចាត់អាទិភាពការងារ និងផែនការនោះឲ្យបានច្បាស់ ថាតើការងារណាត្រូវធ្វើមុនគេ ការងារណាត្រូវធ្វើបន្ទាប់ និងការងារណាត្រូវទុកធ្វើក្រោយគេ។
៥. អានសៀវភៅជាប់ជាប្រចាំថ្ងៃ៖ ត្រូវមានទម្លាប់ស្រាវជ្រាវ និងអានសៀវភៅ ព្រោះវាជាផ្នែកមួយនៃការកម្សាន្ត និងធ្វើឲ្យអ្នកទទួលបាននូវចំណេះដឹងច្រើន យល់ដឹងពីសង្គម និងជួយលើកស្ទួយផ្នែកប្រាជ្ញាស្មារតីរបស់អ្នក។ ជាពិសេសជួយពង្រឹងសមត្ថភាពក្នុងការគិតពិចារណារបស់អ្នកឲ្យកាន់តែស៊ីជម្រៅ និងកាន់តែមានប្រសិទ្ធភាព។
៦. អនុវត្តតាមផែនការជានិច្ច៖ អ្នកត្រូវអនុវត្តន៍ទៅតាមផែនការដែលអ្នកបានកំណត់ពីមួយជំហានទៅមួយជំហាន ប្រកបដោយការតាំងចិត្ត និងមានភាពជឿជាក់លើខ្លួនឯង ថាអ្នកប្រាកដជាអាចធ្វើវាបានសម្រេច និងជោគជ័យក្នុងជីវិតរបស់អ្នក៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
