ព័ត៍មានសុខភាព
×![]()
ដោយ: ថ្មីៗ
សិចមិនគ្រាន់តែគ្មានដែនកំណត់ដល់ការសប្បាយរីករាយតែប៉ុណ្ណោះទេ តែវាក៏មានអត្ថប្រយោជន៍មួយចំនួនដល់សុខភាពដែរ។ អ្នកប្រហែលជាធ្លាប់លឺរួចមកហើយអំពីអត្ថប្រយោជន៍របស់វាដូចជា ការរំលាយជាតិខ្លាញ់ ប៉ុន្តែតើអ្នកមានដឹងទេថាសិចមានប្រយោជន៍ចំពោះសុខភាពផ្លូវចិត្ត និងមនោសញ្ចេតនាដែរទេ? ខាងក្រោមនេះគឺជាអ្វីដែលឆ្លុះបញ្ចាំងពីប្រយោជន៍នៃការរួមភេទទាក់ទងនឹងសុខភាពផ្លូវចិត្ត និងមនោសញ្ចេតនាហើយ។
កាត់បន្ថយស្ត្រេស
ការសិក្សាបានអោយដឹងថា មានវិធីសាស្ត្របែបធម្មជាតិមួយចំនួនដែលអាចទៅសម្រួលដល់បញ្ហាស្ត្រេសបាន។ ការសិក្សាមួយបានរកឃើញថា អ្នកដែលរួមភេទជាទៀងទាត់រយៈពេលពីរសប្តាហ៍ ឃើញថាមានការថយចុះសម្ពាធឈាមដែលទាក់ទងនឹងស្ត្រេសច្រើន។ ក្រៅពីនេះ សិចក៏ជួយបញ្ចេញអ័រម៉ូនដូចជា Endorphin និងអុកស៊ីតូស៊ីនក្នុងខួរក្បាល សម្រាប់ជួយអោយអារម្មណ៍មានភាពកាន់តែធូរស្រាល និងបំបាត់ស្ត្រេសបាន។
បង្កើនការសប្បាយចិត្តនូវអ្វីៗដែលខ្លួនឯងមាន
ការរួមភេទ និងភាពស្និទ្ធស្នាលមានទំនាក់ទំនងគ្នាទៅនឹងការសប្បាយចិត្តនូវអ្វីៗដែលខ្លួនឯងមាន។ សិចធ្វើអោយមនុស្សមានអារម្មណ៍កាន់តែល្អចំពោះខ្លួនឯង និងបង្កើនទំនុកចិត្តខាងការងារលើគ្រែទៀតផង។
មានសកម្មភាពដូចគ្នានឹងថ្នាំប្រឆាំងការបាក់ទឹកចិត្តបែបធម្មជាតិ
សិចក៏ដើរតួនាទីដូចជាថ្នាំប្រឆាំងនឹងការបាក់ទឹកចិត្តដែរ ព្រោះវាធ្វើអោយបញ្ចេញអ័រម៉ូនដូចជាEndorphins ទៅក្នុងខួរក្បាលសម្រាប់ជួយកាត់បន្ថយស្ត្រេស និងការឈឺចាប់។
ជម្រុញអោយមានភាពស្និទ្ធស្នាលជាមួយដៃគូ
ការរួមភេទដែលមានមូលដ្ឋានមួយជាទៀងទាត់ អាចជម្រុញអោយអ្នកមានទំនាក់ទំនងជាមួយដៃគូកាន់តែជ្រាលជ្រៅ។ វាក៏បញ្ចេញអ័រម៉ូនអុកស៊ីតូស៊ីនដែលជាអ័រម៉ូននៃសេចក្តីស្រឡាញ់សម្រាប់ជួយអោយមនុស្សយើងចេះស្រឡាញ់គ្នា និងជឿជាក់គ្នាទៅវិញទៅមកដែរ។ កាលណាភាពស្និទ្ធស្នាលកាន់តែរីកចម្រើន នោះការរួមភេទក៏កាន់តែល្អដែរ។
ធ្វើអោយអារម្មណ៍ល្អ
អ័រម៉ូន Endorphins គឺជាអ័រម៉ូនដែលត្រូវបានគេស្គាល់ថាជួយអោយមនុស្សមានអារម្មណ៍ល្អ។ នៅពេលអ្នករួមភេទ អ័រម៉ូនមួយនេះនឹងត្រូវបញ្ចេញដោយខ្លួនឯង ដូច្នេះវានឹងជម្រុញអោយអ្នកមានអារម្មណ៍ល្អជាប់៕
ផ្តល់សិទ្ធិដោយគ្រូពេទ្យwww.health.com.kh
Tag:
សុខភាព
© រក្សាសិទ្ធិដោយ thmeythmey.com
