ពីនេះ ពីនោះ
តើពាក្យ «រស, រស់» ប្រើខុសគ្នាដូចម្តេច?
× មនុស្សមួយចំនួនសរសេរពាក្យនេះច្រឡំគ្នា មិនដឹងថាពាក្យមួយណាប្រើក្នុងន័យណាមួយឡើយ។ បើតាមវចនានុក្រមខ្មែរ របស់សម្តេចព្រះសង្ឃរាជ ជួន ណាត បានបញ្ជាក់ថា ពាក្យទាំងពីរនេះប្រើក្នុងន័យផ្សេងពីគ្នា។
១. ពាក្យ «រស» ជានាម មានន័យថា សម្ផស្សប្លែកៗដែលប៉ះពាល់ជិវ្ហាបសាទ ដឹងថា ប្រៃ, ជូរ, ចត់, ល្វីង, ផ្អែមជាដើម។ ឧទាហរណ៍៖ រសប្រៃ, រសជូរ, រសផ្អែម, អាហារមានរសឆ្ងាញ់។
២. ពាក្យ «រស់» ជាកិរិយាសព្ទ មានន័យថា មានជីវិតនៅ, មិនទាន់ស្លាប់។ ឧទាហរណ៍៖ បុគ្គលរស់នៅមួយរយឆ្នាំ, រស់នៅឥតអំពើ ទុកស្មើដូចស្លាប់ទៅហើយ, រស់រានមានជីវិត។ ល៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com