ពីនេះ ពីនោះ
យុទ្ធសាស្ត្រដែលអ្នកគ្រប់គ្រងមិនត្រូវមើលរំលង!
× មិនមែនមានធនធានមនុស្ស ហិរញ្ញវត្ថុ វត្ថុធាតុដើម ឬសម្ភារ គឺអាចគ្រប់គ្រាន់សម្រាប់ធ្វើគម្រោងអ្វីមួយឲ្យជោគជ័យនោះទេ។ សើលពីនេះទៅទៀត អ្នកគ្រប់គ្រងឬប្រធានត្រូវតែរៀបចំយុទ្ធសាស្ត្រតាមដំណាក់កាលនីមួយៗរបស់វា។ ដើម្បីអនុវត្តន៍គម្រោងឲ្យជោគជ័យ ត្រូវឆ្លងកាត់ដំណាក់កាលអ្វីខ្លះ?
១. បង្កើតផែនការសកម្មភាព៖ប្រធានត្រូវបង្កើត និងរៀបចំផែនការជាយុទ្ធសាស្ត្រដែលអង្គភាពចង់ សម្រេចឲ្យបានក្នុងរយៈពេលជាក់លាក់ណាមួយ។ ការរៀបចំផែនការជាយុទ្ធសាស្ត្រនេះ គឺត្រូវបែងចែកផែនការសកម្មភាពណាត្រូវធ្វើមុន សកម្មភាពណាធ្វើក្រោយ ហើយត្រូវរៀបយុទ្ធសាស្ត្រការពារឬជៀសវាងនូវហានីភ័យនៅក្នុងដំណាក់កាលណាមួយដែលវាអាចកើតឡើង។
២. បែងចែកការងារ៖ប្រធានត្រូវរៀបចំបែងចែកធនធានមនុស្សក្នុងអង្គភាពទៅតាមបទពិសោធន៍ និងជំនាញនៃការងាររបស់បុគ្គលិកនីមួយៗឲ្យបានត្រូវតាមផែនការដែលបានកំណត់។
៣. ដឹកនាំក្រុម៖ប្រធានត្រូវជួយបណ្តុះបណ្តាល ត្រួសត្រាយផ្លូវ ជំរុញ និងលើកទឹកចិត្តដល់បុគ្គលិកក្រោមបង្គាប់ឲ្យខំធ្វើការទៅតាមផែនការឲ្យបានកាន់តែល្អប្រសើរ។
៤. ត្រួតពិនិត្យការងារ៖ប្រធានត្រូវត្រួតពិនិត្យលទ្ធផលការងាររបស់បុគ្គលិកក្រោមបង្គាប់ ដើម្បីឲ្យដឹងថាការអនុវត្តការងាររបស់បុគ្គលិកឆ្លើយតបទៅនឹងផែនការដែលបានដាក់ចេញឬអត់។ មួយវិញទៀត ត្រួតពិនិត្យដើម្បីស្វែងរកឲ្យឃើញនូវចំណុចខ្វះខាតនៃការអនុត្តការងារនោះ ដើម្បីរៀបចំយុទ្ធសាស្ត្រសម្រាប់បំពេញបន្ថែម៕
© រក្សាសិទ្ធិដោយ thmeythmey.com