កីឡាជាតិ
ជាតិ
ជម្រុះ World Cup៖ វឌ្ឍនាកា ជាកីឡាករបម្រុងតែម្នាក់គត់ដែលរកបានពីរគ្រាប់នៅជើងទីមួយ
×![]()
មានការស៊ុតបាល់បញ្ចូលទីចំនួន១៦គ្រាប់ក្នុង៦ប្រកួតនាជំនួបវគ្គជម្រុះបឋមប្រចាំតំបន់អាស៊ី ជើងទីមួយក្នុងដំណើរឆ្ពោះទៅកាន់ព្រឹត្តិការណ៍ World Cup ឆ្នាំ២០១៨នៅក្នុងប្រទេសរុស្ស៊ី។ ក្នុងចំណោមកីឡាករបីរូប ដែលស៊ុតបាល់បញ្ចូលទីចំនួន២គ្រាប់ មានតែខ្សែបម្រើកម្ពុជា ចាន់ វឌ្ឍនាកា តែម្នាក់គត់ដែលជាកីឡាករបម្រុង។
នាជំនួបនៅលើទីលានកងយោធពលខេមរភូមិន្ទ កាលពីរសៀលថ្ងៃព្រហស្បតិ៍ ទី១២ ខែមិនា ចាន់ វឌ្ឍនាកា បានស៊ុតបាល់បញ្ចូលទីចំនួន២គ្រាប់សម្រាប់កម្ពុជា បន្ទាប់ពីរូបគេចូល
លេងជំនួស សុះ ស៊ូហាណា នៅក្នុងនាទី ទី៥៥ ។ ៩នាទីក្រោយមក ខ្សែបម្រើក្លិបបឹងកេតអង្គររូបនេះ រកបានគ្រាប់បាល់ដំបូង និងបន្តរកបានមួយគ្រាប់ទៀត នារយៈពេល១៧នាទីបន្ទាប់។
វឌ្ឍនាកា អាយុ២១ឆ្នាំ គឺជាកីឡាករបម្រុងតែម្នាក់គត់ដែលស៊ុតបាល់បញ្ចូលទីចំនួន២គ្រាប់ ខណៈកីឡាករបម្រុងផ្សេងទៀតដែលរកបានមួយគ្រាប់រួមមាន កីឡាករយ៉េមែន Ala Al Sasi ក្នុងជ័យម្នះ ៣-១ លើប៉ាគីស្ថាន និងកីឡាករទីម័រខាងកើត Jairo Neto ក្នុងជ័យជម្នះ ៤-១ លើម៉ុងហ្គោលី។
ក្រៅពីចាន់ វឌ្ឍនាកា កីឡាករពីររូបទៀតដែលបានស៊ុតបាល់បញ្ចូលទីចំនួន២គ្រាប់ឲ្យក្រុមជម្រើសជាតិរៀងៗខ្លួន ដែលក្នុងនោះមាន កីឡាករទីម័រខាងកើត Chiquito DO CARMO រកគ្រាប់បាល់បញ្ចូលទីនៅនាទី ទី៤ និងទី៧ លើក្រុមម៉ុងហ្គោលី មុននឹងត្រូវបានផ្លាស់ប្តូរចេញនៅនាទី៦៧ និងកីឡាករឥណ្ឌា Sunil Chetri ដែលលេងពេញម៉ោងដើម្បីនាំជ័យជម្នះ ២-០ លើក្រុមភ្ញៀវណេប៉ាល់។
ការរកបានពីរគ្រាប់របស់ ចាន់ វឌ្ឍនាកា នាំឲ្យរូបគេក្លាយជាកីឡាករទី៧ដែលរកគ្រាប់បាល់បញ្ចូលទីឲ្យក្រុមជម្រើសជាតិកម្ពុជានៅក្នុងការប្រកួតជម្រុះបឋមព្រឹត្តិការណ៍ World Cup និងជាកីឡាករទីបីដែលរកបានគ្រាប់បាល់បញ្ចូលទី២គ្រាប់ក្នុងមួយប្រកួត បន្ទាប់ពី សំអែល ណាសា និងគួច សុគម្ភៈ។
បច្ចុប្បន្ន សំអែល ណាសា នៅតែស្ថិតជាកីឡាករមានគ្រាប់បាល់បញ្ចូលទីច្រើនជាងគេក្នុងការប្រកួតជម្រុះ World Cup សម្រាប់ក្រុមកម្ពុជា តាមរយៈការសម្រេចបាន៣គ្រាប់។ ចាន់ វឌ្ឍនាកា មានចំនួន២គ្រាប់ស្មើ ហុក សុចិត្រា ជា មករា គួច សុគម្ភៈ និង ឃួន ឡាបូរ៉ាវី ដែលបានតែតបាល់បញ្ចូលទីចុងក្រោយនាំឲ្យកម្ពុជាឈ្នះម៉ាកាវ ៣-០ កាលពីថ្ងៃព្រហស្បតិ៍។ ឈិន ឈឿន ក៏មានមួយគ្រាប់ផងដែរនៅក្នុងដៃ៕
នាជំនួបនៅលើទីលានកងយោធពលខេមរភូមិន្ទ កាលពីរសៀលថ្ងៃព្រហស្បតិ៍ ទី១២ ខែមិនា ចាន់ វឌ្ឍនាកា បានស៊ុតបាល់បញ្ចូលទីចំនួន២គ្រាប់សម្រាប់កម្ពុជា បន្ទាប់ពីរូបគេចូល
លេងជំនួស សុះ ស៊ូហាណា នៅក្នុងនាទី ទី៥៥ ។ ៩នាទីក្រោយមក ខ្សែបម្រើក្លិបបឹងកេតអង្គររូបនេះ រកបានគ្រាប់បាល់ដំបូង និងបន្តរកបានមួយគ្រាប់ទៀត នារយៈពេល១៧នាទីបន្ទាប់។វឌ្ឍនាកា អាយុ២១ឆ្នាំ គឺជាកីឡាករបម្រុងតែម្នាក់គត់ដែលស៊ុតបាល់បញ្ចូលទីចំនួន២គ្រាប់ ខណៈកីឡាករបម្រុងផ្សេងទៀតដែលរកបានមួយគ្រាប់រួមមាន កីឡាករយ៉េមែន Ala Al Sasi ក្នុងជ័យម្នះ ៣-១ លើប៉ាគីស្ថាន និងកីឡាករទីម័រខាងកើត Jairo Neto ក្នុងជ័យជម្នះ ៤-១ លើម៉ុងហ្គោលី។
ក្រៅពីចាន់ វឌ្ឍនាកា កីឡាករពីររូបទៀតដែលបានស៊ុតបាល់បញ្ចូលទីចំនួន២គ្រាប់ឲ្យក្រុមជម្រើសជាតិរៀងៗខ្លួន ដែលក្នុងនោះមាន កីឡាករទីម័រខាងកើត Chiquito DO CARMO រកគ្រាប់បាល់បញ្ចូលទីនៅនាទី ទី៤ និងទី៧ លើក្រុមម៉ុងហ្គោលី មុននឹងត្រូវបានផ្លាស់ប្តូរចេញនៅនាទី៦៧ និងកីឡាករឥណ្ឌា Sunil Chetri ដែលលេងពេញម៉ោងដើម្បីនាំជ័យជម្នះ ២-០ លើក្រុមភ្ញៀវណេប៉ាល់។
ការរកបានពីរគ្រាប់របស់ ចាន់ វឌ្ឍនាកា នាំឲ្យរូបគេក្លាយជាកីឡាករទី៧ដែលរកគ្រាប់បាល់បញ្ចូលទីឲ្យក្រុមជម្រើសជាតិកម្ពុជានៅក្នុងការប្រកួតជម្រុះបឋមព្រឹត្តិការណ៍ World Cup និងជាកីឡាករទីបីដែលរកបានគ្រាប់បាល់បញ្ចូលទី២គ្រាប់ក្នុងមួយប្រកួត បន្ទាប់ពី សំអែល ណាសា និងគួច សុគម្ភៈ។
បច្ចុប្បន្ន សំអែល ណាសា នៅតែស្ថិតជាកីឡាករមានគ្រាប់បាល់បញ្ចូលទីច្រើនជាងគេក្នុងការប្រកួតជម្រុះ World Cup សម្រាប់ក្រុមកម្ពុជា តាមរយៈការសម្រេចបាន៣គ្រាប់។ ចាន់ វឌ្ឍនាកា មានចំនួន២គ្រាប់ស្មើ ហុក សុចិត្រា ជា មករា គួច សុគម្ភៈ និង ឃួន ឡាបូរ៉ាវី ដែលបានតែតបាល់បញ្ចូលទីចុងក្រោយនាំឲ្យកម្ពុជាឈ្នះម៉ាកាវ ៣-០ កាលពីថ្ងៃព្រហស្បតិ៍។ ឈិន ឈឿន ក៏មានមួយគ្រាប់ផងដែរនៅក្នុងដៃ៕
© រក្សាសិទ្ធិដោយ thmeythmey.com
