ជាតិ
លោក ម៉ម សូណង់ដូ បំភ្លឺរឿងបុគ្គលិកធ្វើកូដកម្មក្នុងមន្ទីរការងាររាជធានីភ្នំពេញ
× ភ្នំពេញ៖ នៅថ្ងៃទី១៦ មីនានេះ លោក ម៉ម សូណង់ដូ ប្រធានវិទ្យុសំបុកឃ្មុំ និងជាប្រធានសមាគមអ្នកប្រជាធិបតេយ្យ មន្ទីរការងារ និងបណ្ដុះបណ្ដាលវិជ្ជាជីវៈ នឹងកោះហៅភាគីវិវាទនៃស្ថានីយវិទ្យុសំបុកឃ្មុំ ឲ្យចូលតុចរចាដើម្បីផ្សះផ្សារវិវាទ។ នេះបើតាមលោក អាត់ ធន់ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា។
នាយកវិទ្យុសំបុកឃ្មុំ អេហ្វ.អិម ១០៥ មេហ្គាហឺតស៍ លោក ម៉ម សូណង់ដូ និងបុគ្គលិកមួយចំនួនទៀត ដែលមានវិវាទជាមួយគ្នារឿងប្រាក់ខែ និងប្រាក់អតីតភាពការងារ កំពុងចូលខ្លួនដោះស្រាយ នៅមន្ទីរការងារ និងបណ្តុះបណ្តាលវិជ្ជាជីវៈរាជធានីភ្នំពេញ។
សម្ព័ន្ធសហជីពប្រជាធិបតេយ្យកម្មករកាត់ដេរកម្ពុជាដែល លោក ម៉ម សូណង់ដូ អះអាងថា ជាអ្នកជំរុញឲ្យបុគ្គលិកវិទ្យុសំបុកឃ្មុំធ្វើកូដកម្មនោះ បានឲ្យដឹងថា ការចូលបំភ្លឺរកដោះស្រាយ នេះ ដើម្បីឈានទៅបញ្ចប់វិវាទ។ ប៉ុន្តែប្រសិនបើការផ្សះផ្សាយមិនបានបញ្ចប់នោះទេ លោក អាត់ ធន់ បានលើកឡើងថា វិវាទនេះនឹងបន្តទៅក្រុមប្រឹក្សាអាជ្ញាកណ្តាល។
លោកបញ្ជាក់ថា៖ «បើមិនអាចបញ្ចប់ត្រឹមនេះទេ យើងនឹងទៅក្រុមប្រឹក្សាអាជ្ញាកណ្តាល។ ប៉ុន្តែយើងនឹងជំរុញការផ្សះផ្សារ ដើម្បីបញ្ចប់វិវាទនេះ»។
គួររម្លឹកថា បុគ្គលិកស្ថានីយវិទ្យុសំបុកឃ្មុំជាង ១០នាក់ បាននាំគ្នាធ្វើកូដកម្មទាមទារឲ្យលោក ម៉ម សុណង់ដូ អនុវត្តច្បាប់ការងារ និងបើកប្រាក់ខែសម្រាប់ខែកុម្ភៈ។ បុគ្គលិកទាំងនោះ បានឈរលើកបដាតវ៉ានៅខាងមុខស្នាក់ការវិទ្យុសំបុកឃ្មុំ កាលពីថ្ងៃទី១២ មីនា ហើយអំឡុងពេលធ្វើកូដកម្មនោះ ពួកគេបានចោទប្រកាន់ប្រធានវិទ្យុថា បានបញ្ឈប់បុគ្គលិក ២នាក់ពីការងារផងដែរ។
© រក្សាសិទ្ធិដោយ thmeythmey.com