ជាតិ
ប្រមុខទូត កម្ពុជា-តួកគី បង្ហាញប្រឆាំងបណ្តាញក្រុមជ្រុលនិយម ISIS
× លោក ហោ ណាំហុង រដ្ឋមន្ត្រីក្រសួងការបរទេស និងកិច្ចប្រតិបត្តិការអន្តរជាតិ បានជួបពិភាក្សាជាមួយសមភាគីតួកគី លោក Mevlut Cavusoglu ដែលកំពុងបំពេញទស្សនកិច្ចនៅកម្ពុជា។ នាជំនួបនៅទីស្តីការក្រសួងការបរទេសកាលពីព្រឹកមិញ ប្រមុខការទូតនៃប្រទេសទាំងពីរ សុទ្ធបានបង្ហាញពីជំហរប្រឆាំងក្រុមបណ្តាញភេរវកម្មរដ្ឋឥស្លាម ISIS។
លោក Mevlut Cavusoglu រដ្ឋមន្ត្រីការបរទេសតួកគី បានលើកឡើងថា ក្រុមរដ្ឋឥស្លាម (ISIS) ដែលបោះមូលដ្ឋាននៅលើទឹកដីស៊ីរី និងអ៊ីរ៉ាក់ មិនមែនតំណាងឲ្យសាសនាឥស្លាមនោះឡើយ។ លោកបានស្នើឲ្យមានការរួមគ្នាលុបបំបាត់ក្រុមជ្រុលនិយមទាំងនោះ និងស្វែងយល់ពីឫសគល់នៃបណ្តាញដ៏ឃោរឃៅលើលោក។
ស្របពេលជាមួយគ្នា លោកឧបនាយករដ្ឋមន្ត្រី ហោ ណាំហុងរដ្ឋមន្ត្រីក្រសួងការបរទេសកម្ពុជា ក៏បានអះអាងថា កម្ពុជាក៏មិនគាំទ្រអំពើដ៏ឃោឃៅរបស់ក្រុម ISIS នោះដែរ។ បញ្ហានុយក្លេអ៊ែរអ៊ីរ៉ង់ មិនមែនជាប្រធានបទនៃជំនួបរវាងប្រមុខការទូតទាំងពីរនោះឡើយ៕
© រក្សាសិទ្ធិដោយ thmeythmey.com