អន្តរជាតិ
វៀតណាម៖ ក្មេងប្រុសម្នាក់ត្រូវខ្លែងអូសទាញទៅលើអាកាសរួចធ្លាក់មកវិញស្លាប់ភ្លាមៗ
×![]()
ក្មេងប្រុសវៀតណាមអាយុ ៥ឆ្នាំម្នាក់ បានស្លាប់នៅក្នុងហេតុការណ៍ដ៏រន្ធត់មួយ គឺនៅពេលដែលកុមាររូបនោះ លេងបង្ហោះខ្លែងដ៏ធំមួយ ហើយត្រូវខ្លែងអូសទាញទៅលើអាកាសកម្ពស់ជិត ២០ ម៉ែត្រ ដោយបាននាំយកក្មេងប្រុសនោះទៅជាមួយផងដែរ ហើយក្មេងនោះក៏បានធ្លាក់មកដល់ដីវិញ ធ្វើឲ្យស្លាប់ភ្លាមៗ ។ នេះបើយោងតាមកាសែត new york daily news ។
ប្រភពដដែលបានឲ្យដឹងថា ហេតុការណ៍នៃការស្លាប់កុមារា Van Minh Dat រស់នៅក្នុងតំបន់ Dong Dieuទីក្រុងហូជីមិញនេះ ត្រូវបានគេបង្ហោះនៅក្នុងខ្សែវីដេអូមួយដែលត្រូវបានគេចែកចាយនៅក្នុងបណ្ដាញសង្គម។
កាសែតក្នុងស្រុកវៀតណាមបានផ្សាយថា ក្មេងប្រុសម្នាក់នេះ បានយកខ្សែខ្លែងដ៏ធំសម្បើមដែលមានទង់ជាតិនៃប្រទេសវៀតណាមខាងជើង មកចងនឹងជើងរបស់គេ។ ប៉ុន្តែដោយសារតែខ្លែងមានទំហំធំ ទើបធ្វើឲ្យខ្យល់កួចវាឡើងទៅលើបាន ហើយក្មេងនោះក៏ត្រូវខ្យល់កួចទៅជាមួយខ្លែងផងដែរ ដោយសារតែជើងរបស់គេនៅជាប់ជាមួយខ្សែ។
នៅក្នុងពេលកើតហេតុ គ្មាននរណាម្នាក់បានឃើញក្មេងនោះ ត្រូវខ្យល់កួចទៅលើអាកាសនោះទេ តែពួកគេបានឃើញក្មេងនោះនៅពេលខ្លែងកួចឡើងដល់កម្ពស់ជិត ២០ ម៉ែត្រទៅហើយ។ ក្រោយពេលឃើញក្មេងនោះនៅលើអាកាស មនុស្សម្នាបានព្យាយាមតាមចាប់នៅពេលក្មេងនោះធ្លាក់មកលើដី ប៉ុន្តែអ្វីៗបានយឺតពេលទៅហើយ។ពួកគេបានបញ្ជូនកុមារទៅមន្ទីរពេទ្យប៉ុន្តែក្មេងនោះបានស្លាប់ដោយសារគេរបួសធ្ងន់ធ្ងរពេក។
សូមបញ្ជាក់ថា ខ្លែងដ៏ធំនេះត្រូវបានរៀបចំដើម្បីសម្រាប់បង្ហោះនៅក្នុងពិធីបុណ្យខ្លែងមួយនៅទីក្រុងមាត់សមុទ្រVung Tau ដែលជាផ្នែកមួយនៃទីក្រុងហូជីមិញ៕
ប្រភពដដែលបានឲ្យដឹងថា ហេតុការណ៍នៃការស្លាប់កុមារា Van Minh Dat រស់នៅក្នុងតំបន់ Dong Dieuទីក្រុងហូជីមិញនេះ ត្រូវបានគេបង្ហោះនៅក្នុងខ្សែវីដេអូមួយដែលត្រូវបានគេចែកចាយនៅក្នុងបណ្ដាញសង្គម។
កាសែតក្នុងស្រុកវៀតណាមបានផ្សាយថា ក្មេងប្រុសម្នាក់នេះ បានយកខ្សែខ្លែងដ៏ធំសម្បើមដែលមានទង់ជាតិនៃប្រទេសវៀតណាមខាងជើង មកចងនឹងជើងរបស់គេ។ ប៉ុន្តែដោយសារតែខ្លែងមានទំហំធំ ទើបធ្វើឲ្យខ្យល់កួចវាឡើងទៅលើបាន ហើយក្មេងនោះក៏ត្រូវខ្យល់កួចទៅជាមួយខ្លែងផងដែរ ដោយសារតែជើងរបស់គេនៅជាប់ជាមួយខ្សែ។
នៅក្នុងពេលកើតហេតុ គ្មាននរណាម្នាក់បានឃើញក្មេងនោះ ត្រូវខ្យល់កួចទៅលើអាកាសនោះទេ តែពួកគេបានឃើញក្មេងនោះនៅពេលខ្លែងកួចឡើងដល់កម្ពស់ជិត ២០ ម៉ែត្រទៅហើយ។ ក្រោយពេលឃើញក្មេងនោះនៅលើអាកាស មនុស្សម្នាបានព្យាយាមតាមចាប់នៅពេលក្មេងនោះធ្លាក់មកលើដី ប៉ុន្តែអ្វីៗបានយឺតពេលទៅហើយ។ពួកគេបានបញ្ជូនកុមារទៅមន្ទីរពេទ្យប៉ុន្តែក្មេងនោះបានស្លាប់ដោយសារគេរបួសធ្ងន់ធ្ងរពេក។
សូមបញ្ជាក់ថា ខ្លែងដ៏ធំនេះត្រូវបានរៀបចំដើម្បីសម្រាប់បង្ហោះនៅក្នុងពិធីបុណ្យខ្លែងមួយនៅទីក្រុងមាត់សមុទ្រVung Tau ដែលជាផ្នែកមួយនៃទីក្រុងហូជីមិញ៕
© រក្សាសិទ្ធិដោយ thmeythmey.com
