ព័ត៍មានសុខភាព
សុខភាព៖ ប្រពន្ធខ្ញុំលែងចាប់អារម្មណ៍រឿងលើគ្រែ តើខ្ញុំគួរធ្វើដូចម្តេច?
×
ខ្ញុំ និងភរិយាខ្ញុំរៀបការជាមួយគ្នាបាន ១២ឆ្នាំហើយ ព្រមទាំងរីករាយនឹងជីវិតផ្លូវភេទយ៉ាងល្អទៀតផង។ ប៉ុន្តែក្រោយមកទៀត ដោយសារតែមានបញ្ហាស្ត្រេស និងអតុល្យភាពរបស់អ័រម៉ូន ចំណង់ផ្លូវភេទនាងបែរជាថយចុះទៅវិញ។ ទោះបីជានាងប្រើថ្នាំព្យាបាលហើយក៏ដោយ ក៏ខ្ញុំចង់ដឹងថាតើខ្ញុំអាចជួយខាងផ្លូវចិត្តអ្វីខ្លះដល់នាងបានដើម្បីដោះស្រាយនឹងបញ្ហាខ្សោយចំណង់ផ្លូវភេទនេះ។ តើខ្ញុំអាចធ្វើអ្វីបានទៅ?
ស្ត្រីជាច្រើនដែលមានបញ្ហាខ្សោយចំណង់ផ្លូវភេទតែងតែបណ្តាលមកពីហេតុផលជាច្រើនដូចជា ស្ត្រេស និងអតុល្យភាពអ័រម៉ូន។ រឿងនេះមិនគ្រាន់តែប៉ះពាល់ដល់ស្ត្រីប៉ុណ្ណោះទេ តែចំណងស្នេហានាងក៏អញ្ចឹងដែរ ហើយនាងច្រើនតែបន្ទោសខ្លួនឯងដោយសារតែអសមត្ថភាពខាងផ្លូវភេទ។ ស្ថិតក្នុងស្ថានភាពបែបនេះ ត្រូវតែមានការដោះស្រាយ ហើយដៃគូក៏ត្រូវតែគាំទ្រ, យល់ដឹង និងចេះអត់ធ្មត់។ ចាប់តាំងពីអ្នកទាំងពីរដឹងអំពីបញ្ហានេះ ហើយចង់ដោះស្រាយវាមក មានន័យថាអ្នកបានជ្រើសរើសផ្លូវមួយដែលត្រឹមត្រូវរួចទៅហើយ។
រ៉ាឆេល ហឺចម៉ែន (Rachel Hercman) អ្នកជំនាញខាងព្យាបាលចិត្តសាស្ត្រ និយាយថា “សម្រាប់ស្ត្រីភាគច្រើន អារម្មណ៍នៃការបរាជ័យខាងផ្លូវភេទមានឥទ្ធិពលខ្លាំងក្លាណាស់ ហើយវាធ្វើអោយនាងសួរខ្លួនឯងថា តើនាងគឺជាមនុស្សធម្មតាដូចដៃគូនាងដែរឬក៏អត់។ ស្ត្រីខ្លះប្រហែលជាបង្ហាញតាមរយៈការខឹង និងពេលខ្លះចែករំលែករឿងនេះជាមួយដៃគូ។ ស្ត្រីខ្លះទៀតប្រហែលជាអាចព្យាបាលខាងផ្លូវកាយ និងចិត្តបានឡើងវិញ ព្រោះតែការគិតអំពីបញ្ហាផ្លូវភេទធ្វើអោយនាងនឹកឃើញការបរាជ័យរបស់នាង។
ចូរអោយនាងដឹងថាអ្នកពិតជាស្រឡាញ់នាងមែនទៅ។ ចូរអោយនាងដឹងថានាងនៅតែជាមនុស្សមានភាពទាក់ទាញ និងសិចស៊ីដដែល។ ចូររំលឹកប្រាប់នាងថា អ្នកគឺជាស្នេហាស្មោះស្ម័គ្ររបស់នាង មិនមែនតែរាងកាយមួយមុខនោះទេ។
ចូរថែរក្សាអោយបាននូវការរីករាយនឹងសកម្មភាពទាក់ទងគ្នា, ការណាត់ជួបគ្នានៅពេលយប់, ថ្ងៃឈប់សម្រាក ហើយបើសិនជាអ្នកមិនបានចេញទៅណាច្រើនទេនោះ ឥឡូវអ្នកក៏អាចមានពេលវេលាល្អៗមួយដើម្បីសាកល្បងបន្ថែមរស់ជាតិសប្បាយៗដល់ស្នេហាបានដែរ។
ចូរលើកទឹកចិត្តនាងអោយទៅពិគ្រោះជាមួយគ្រូពេទ្យអំពីការខ្សោយចំណង់ផ្លូវភេទទៅ។ អ្នកប្រហែលជាអាចផ្តល់នូវណាត់ជួបរបស់នាងជាមួយគ្រូពេទ្យបានបើសិនជានាងត្រូវការការគាំទ្រពីអ្នក។
អ្នកអាចជួយផ្តល់នូវការគាំទ្រ និងយល់ថា វាមិនខុសគ្នានឹងការខ្សោយចំណង់ផ្លូវភេទរបស់បុរសទេ ដោយវាអាចមានជាការយល់ច្រឡំ, រស់នៅដាច់ដោយឡែកពីគេ និងគ្មានគោលបំណងអ្វីទាំងអស់។ ដូច្នេះនរណាក៏អាចកើតជាអញ្ចឹងដែរ៕
© រក្សាសិទ្ធិដោយ thmeythmey.com