ពីនេះ ពីនោះ
×![]()
ដោយ: ថ្មីៗ
ការប្រើពាក្យពេចន៍ កាយវិការ និងទឹកមុខ សុទ្ធតែបង្ហាញពីអត្ថន័យរបស់វា។ ដើម្បីបញ្ជាក់ថា អ្នកជាមនុស្សដែលមានឥទ្ធិពលក្នុងការប្រើពាក្យពេចន៍ គឺត្រូវចៀសវាងប្រើពាក្យមិនដាច់ស្រេច ពាក្យមិនប្រកដប្រជា និងពាក្យមិនទៀងទាត់ជាដើម។ តើគួរប្រើពាក្យពេចន៍ឬភាសាបែបណាវិញ?
ពាក្យពេចន៍ប្រកដប្រជា ទៀងទាត់ ច្បាស់លាស់ ដែលអ្នកគួរប្រើមានដូចជា៖
ទី១ ប្តូរពីឃ្លា «ខ្ញុំគិតថាគួរតែ...» ទៅជាឃ្លា «ខ្ញុំត្រូវតែ...»។
ទី២ ប្តូរពីឃ្លា «យើងអាចពិភាក្សា» ទៅជាឃ្លា «យើងចាប់ផ្តើមពិភាក្សា»។
ទី៣ ប្តូរពីឃ្លា «ខ្ញុំគួរតែកែខ្លួនឲ្យក្លាយជាសិស្សល្អ» ទៅជាឃ្លា «ខ្ញុំត្រូវកែខ្លួនដើម្បីក្លាយជាសិស្សល្អ»។
ទី៤ ប្តូរពីឃ្លា «ខ្ញុំគួរព្យាយាមអភិវឌ្ឍន៍ខ្លួនឲ្យបានល្អ» ទៅជាឃ្លា «ខ្ញុំត្រូវអភិវឌ្ឍន៍ខ្លួនឲ្យបានល្អ»។
ទី៥ ប្តូរពីឃ្លា «ខ្ញុំប្រហែលជាចង់ពិចារណាលើ...» ទៅជាឃ្លា «ខ្ញុំត្រូវពិចារណាលើ...»។ ល៕
© រក្សាសិទ្ធិដោយ thmeythmey.com
