សេដ្ឋកិច្ចអន្តរជាតិ
អន្តរជាតិ
រឿងរ៉ាវដ៏អស្ចារ្យ ៩ យ៉ាងដែលអ្នកមិនបានដឹងពីក្រុមហ៊ុន Apple
× កាលពីខែមុន ក្រុមហ៊ុន Apple បានប្រារព្ធខួបនៃការចេញផលិតផល Mac iPad iPod iPhone និង iTunes របស់ខ្លួន។ក្រុមហ៊ុនបច្ចេកវិទ្យាមួយនេះ បានឈានដល់កម្រិតដ៏អស្ចារ្យមួយ ក្នុងប្រវត្តិសាស្ត្ររបស់ខ្លួន ដោយអាចស្វែងរកប្រាក់ចំណូលបានយ៉ាងច្រើនបំផុត មិនធ្លាប់មានក្នុងប្រវត្តិក្រុមហ៊ុននៅសហរដ្ឋអាមេរិក។
ភាគហ៊ុនរបស់ក្រុមហ៊ុន Apple បានហក់ឡើងជាបន្តបន្ទាប់ដែលជាកំណត់ត្រាថ្មីមួយ នៅក្នុងត្រីមាសទី១ ដើមឆ្នាំសារពើពន្ធ ២០១៥ ។ ដោយសារតែភាពជោគជ័យទាងអស់នេះ ទើបធ្វើឲ្យក្រុមហ៊ុន Apple បានក្លាយជាក្រុមហ៊ុនដែលមានតម្លៃថ្លៃជាងគេបំផុតក្នុងពិភពលោក។
ខាងក្រោមនេះ គឺជារឿងរ៉ាវដ៏អស្ចារ្យ ៩ យ៉ាង ដែលអ្នកមិនដែលបានដឹងពីក្រុមហ៊ុន Apple ៖
ទី១៖ ក្រុមហ៊ុន Apple បានសាច់ប្រាក់សុទ្ធប្រមាណជាង ១៧៨ ពាន់លានដុល្លារនៅក្នុងដៃ ដែលអាចទិញក្រុមហ៊ុនបច្ចេកវិទ្យាល្បីៗចំនួន ១១ ដូចជា Twitter Box Pandora LinkedIn Yahoo AOL Groupon Zynga Shutterfly Yelp និង GoPro ដោយគ្រាន់តែចំណាយសាច់ប្រាក់តែ ៤៨ ពាន់លានដុល្លារតែប៉ុណ្ណោះ។
ទី២៖ ភាគហ៊ុនរបស់ក្រុមហ៊ុន Apple បានកើនឡើងជាង ៥៨ ពាន់លានដុល្លារក្នុងទីផ្សារភាគហ៊ុនរបស់ខ្លួន ក្នុងរយៈពេលតែមួយយប់ប៉ុណ្ណោះ។
ទី៣៖ តម្លៃភាគហ៊ុនតែមួយយប់របស់ក្រុមហ៊ុន Apple ជាង ៥៨ ពាន់លានដុល្លារនេះ គឺខ្ពស់ជាងតម្លៃភាគហ៊ុនរបស់ក្រុមហ៊ុន Ford ដែលមានតម្លៃតែ ៥៦,៦៦ ពាន់លានដុល្លារនោះ។
ទី៤៖ ក្នុងរយៈពេល ៩០ ថ្ងៃកន្លងទៅនេះ ក្រុមហ៊ុន Apple រកប្រាក់ចំណូលបានជាង ៧៤,៦ ពាន់លានដុល្លារពីការលក់ទូរសព្ទ iPhone មានន័យថា ក្នុងមួយវិនាទីក្រុមហ៊ុននេះ អាចលក់ទូរសព្ទ iPhone បានជាមធ្យម ១០ គ្រឿង ស្មើនឹងទឹកប្រាក់ ៩៥៩៤ ដុល្លារ។
ទី៥៖ ប្រសិនបើក្រុមហ៊ុន Apple បែងចែកសាច់ប្រាក់សុទ្ធរបស់ខ្លួនទាំង ១៧៨ ពាន់លានដុល្លារ ទៅឲ្យប្រជាជនអាមេរិកជាង ៣២០ លាននាក់នោះ គឺពួកគេម្នាក់នឹងទទួលបានប្រាក់សុទ្ធ ៥៥៦ ដុល្លារ។
ទី៦៖ ប្រាក់ចំណេញជាង ១៨ ពាន់លានដុល្លារក្នុងរយៈពេល ៩០ ថ្ងៃកន្លងទៅនេះ របស់ក្រុមហ៊ុននេះ អាចស្មើនឹងប្រាក់ចំណេញរបស់ក្រុមហ៊ុន ៤៣៥ ក្នុងរយៈពេល ៦ ឆ្នាំដែលបានចុះបញ្ជីនៅផ្សារហ៊ុន S&P 500 ។
ទី៧៖ អ្នកប្រហែលជាមិនអាចឃើញក្រុមហ៊ុនណា ដែលល្អដូចក្រុមហ៊ុន Apple ក្នុងមួយជីវិតរបស់អ្នក។
ទី៨៖ ក្រុមហ៊ុន Apple មិនអាចលក់ផលិតផលដែលមានតម្លៃទាបក្នុងទីផ្សារចិនបានទេ។
ទី៩៖ នាឡិកាដៃ Apple Watch អាចនឹងត្រូវគេចេញលក់ នៅខែមេសា ហើយប្រហែលជាមិនមែនចេញលក់តែនាឡិកានោះទេ៕
© រក្សាសិទ្ធិដោយ thmeythmey.com