វត្តមានដ៏កម្ររបស់លោកនាយករដ្ឋមន្ត្រី និងភរិយា នៅក្នុងភោជនីយដ្ឋាន

ជាតិ

វត្តមានដ៏កម្ររបស់លោកនាយករដ្ឋមន្ត្រី និងភរិយា នៅក្នុងភោជនីយដ្ឋាន

05, Apr 2015 , 2:52 pm

រូបភាព

លោក ហ៊ុន សែន និងភរិយា ចូលពិសារអាហារនៅភោជនីយដ្ឋានជាមួយមន្ត្រីរបស់ខ្លួន។ រូបថត ហ្វេសប៊ុក លោក ខៀវ កាញារីទ្ធ

ដោយ: ថ្មីៗ

រដ្ឋមន្ត្រីក្រសួងព័ត៌មាន លោក ខៀវ កាញារីទ្ធ បានបង្ហោះរូបភាពដ៏កម្រមួយ ជាមួយនឹងវត្តមានរបស់លោកនាយករដ្ឋមន្ត្រី ហ៊ុន សែន និងភរិយា នាពេលស្រស់ស្រូបអាហារថ្ងៃត្រង់នៅភោជនីយដ្ឋានអាហារបែបជប៉ុន Kobe Restaurant។ បើតាមការសរសេរនៅគណនីហ្វេសប៊ុក ពិធីស្របស្រូបនេះត្រូវបានរៀបចំឡើងដោយភោជនីយដ្ឋានផ្ទាល់នៅមុនពិធីបុណ្យចូលឆ្នាំថ្មីប្រពៃណីជាតិ។

តាមរយៈរូបភាពដែលរដ្ឋមន្ត្រីក្រសួងព័ត៌មានបានបង្ហោះ លោក ហ៊ុន សែន និងភរិយា ស្ថិតក្នុងសម្លៀកបំពាក់ដូចនៅក្នុងពិធីសម្ពោធអាគារផ្គាម្លឹះគាំទ្រចិត្តសាស្ត្រសម្រាប់កុមារកំព្រា ពិការភ្នែក គ ថ្លង់នៃសាលាគ្រួសារថ្មី និងមណ្ឌលភ្នំពេញថ្មី កាលពីព្រឹកថ្ងៃទី៥ ខែមេសា ឆ្នាំ២០១៥ នេះ។

លោក ហ៊ុន សែន អង្គុយជាប់ជាមួយលោកស្រី ប៊ុន រ៉ានី ដែលជាភរិយា ហើយនៅខាងស្តាំលោក មានលោក ខៀវ កាញារីទ្ធ និងរដ្ឋមន្ត្រីក្រសួងអប់រំ យុវជន និងកីឡា លោក ហង់ ជួន ណារ៉ុន។ គេសង្កេតឃើញមានវត្តមានស្ត្រីជាថ្នាក់ដឹកនាំជាន់ខ្ពស់មួយចំនួនផងដែរ។

សូមបញ្ជាក់ថា លោក ហ៊ុន សែន បានប្រារព្ធខួបកំណើត៦៤ឆ្នាំរបស់ខ្លួនកាលពីថ្ងៃម្សិលមិញ។ តាមការអះអាងរបស់លោកនាយករដ្ឋមន្ត្រីកន្លងមក លោកមានថ្ងៃខួបកំណើតពីរ គឺថ្ងៃទី៤ ខែមេសា ឆ្នាំ១៩៥១ និងថ្ងៃទី៥ ខែសីហា ឆ្នាំ១៩៥២ (ដែលជាខួបកំណើតពិតប្រាកដ)៕

នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤

1 សប្តាហ៍

«មជ្ឈការ»មានន័យខុសពី«វិមជ្ឈការ»ដូចម្តេច?

5 ថ្ងៃ

អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ

1 សប្តាហ៍

«ប្រេសិត»មានន័យដូចម្តេច?

6 ថ្ងៃ

គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ

2 ថ្ងៃ

អត្ថបទពេញនិយមបន្ថែម