អន្តរជាតិ
នយោបាយអន្តរជាតិ
របបសឹកហាមក្រុមអាវក្រហមរលឹកខួបនៃការបង្ក្រាបរបស់រដ្ឋាភិបាលឆ្នាំ២០១០
×
ក្រុមប្រឹក្សាជាតិដើម្បីសន្តិភាពនិងសណ្តាប់ធ្នាប់ថៃបានដាក់បម្រាមលើគម្រោងរបស់ក្រុមអាវក្រហមនៅក្នុងការរៀបចំព្រឹត្តការណ៍នៃការរលឹកខួបថ្ងៃទី១០ខែមេសាដែលជាថ្ងៃនៃការប៉ះទង្គិចគ្នារវាងក្រុមបាតករអាវក្រហមនិងកម្លាំងរដ្ឋាភិបាល។សេចក្តីពង្រាងនេះធ្វើឡើងដើម្បីទប់ស្កាត់នូវការផ្ទុះនូវហិង្សាសារជាថ្មីដែលអាចប៉ះពាល់ដល់ដំណាក់កាលនៃការកែទម្រង់របស់រដ្ឋាភិបាល។
ម្សិលមិញនេះអ្នកនាំពាក្យរាជរដ្ឋាភិបាលថៃថ្លែងថាក្រុមប្រឹក្សាជាតិដើម្បីសន្តិភាពនិងសណ្តាប់បានហាមឃាត់ក្រុមអាវក្រហមលើគម្រោងរៀបចំនូវខួបប្រាំឆ្នាំរលឹកការប៉ះទង្គិចគ្នារវាងក្រុមអាវក្រហមនិងកងកម្លាំងរដ្ឋាភិបាល។
បើយោងតាមលោក Maj Gen Sansern សេចក្តីព្រមានរបស់ក្រុមប្រឹក្សាជាតិដើម្បីសន្តិភាពនិងសណ្តាប់បានធើ្វឡើងដើម្បីហាមឃាត់រាល់សកម្មភាពរបស់ក្រុមរណសិរ្សដើម្បីប្រឆាំងទៅនឹងរបបផ្តាច់ការដែលដឹកនាំដោយក្រុមអាវក្រុហមដែលឆ្លៀតឳកាសដែលមានចេតនាកេងចំនេញស្ថានភាពនិងដើម្បីញុះញង់ឲ្យមានហិង្សាសារជាថ្មី។
លោកបានបន្ថែមទៀតថាប្រសិនបើជម្លោះកើតឡើងសារជាថ្មីទៀតនោះវានឹងមានផលប៉ះពាល់ដល់ដំណើរការនៃការកែទម្រង់របស់រដ្ឋាភិបាលបច្ចុប្បន្ន។យ៉ាងណាមិញជំនួសការធ្វើខួបរលឹកជាលក្ខណៈទ្រង់ទ្រាយធំនេះក្រុមអាវក្រហមអាចធ្វើការគោរពវិញ្ញាណក្ខ័ន្ធជនរងគ្រោះដែលបានសា្លប់បានពោលគឺរាល់សកម្មភាពមិនត្រូវអោយជាប់ពាក់ពន្ធ័នឹងរឿងនយោបាយនោះទេ។
គួររម្លឹកផងដែរកាលពី២០១០មានការផ្ទុះការតវ៉ាទ្រង់ទ្រាយធំរយៈពេលវែងដែលបានដឹកនាំដោយក្រុមរណសិរ្សប្រឆាំងនឹងរបបផ្តាច់ការដែលត្រូវបានគេស្គាល់ថាជាក្រុមអាវក្រហមដើម្បីទាមទារឲ្យអតីតនាយករដ្ឋមន្ត្រីថៃលោកអាភីសិតវីចាជិវ៉ាចុះចេញពីតំណែង។យ៉ាងណាដោយការទាមទាររបស់ក្រុមបាតុករ បានទទួលការឆ្លើយតបមកវិញដោយការបង្ក្រាបយ៉ាងសាហាវដែលបានបណ្តាលឲ្យក្រុមបាតុករយ៉ាងហោចណាស់៨៦នាក់សា្លប់និង៨០០នាក់រងរបួស៕
© រក្សាសិទ្ធិដោយ thmeythmey.com