ជាតិ
ការច្រណែនអ្នកដទៃ គឺជាការសម្លាប់ខ្លួនឯង
× មនុស្សឃើញគេមានសេចក្ដីសុខមានយសជាដើម ហើយ ក៏ច្រណែននឹងអ្នកដទៃមកអំពីក្នុងចិត្តរបស់គេមិនមានមេត្តាគឺសេចក្ដីរាប់អាន មិនមានមុទិតាគឺសេចក្ដីត្រេកអរតាមនៅពេលដែលអ្នកដទៃមានសេចក្ដីសុខ។ គួរពិចារណាតាមព្រះពុទ្ធដីកាថា អ្នកណាៗ ក៏ធ្លាប់ជាមាតាបិតា ជាញាតិ របស់ខ្លួនដែរ ក្នុងសសង្សាវដ្ដកន្លងមកអស់កាលដ៏យូរអង្វែងរាប់ជាតិប្រមាណមិនបាន ។ ដូច្នេះហើយ បើយើងច្រណែនស្អប់ខ្ពើមនឹងអ្នកដទៃ ហាក់ដូចជាស្អប់ច្រណែននឹងមាតាបិតាបង្កើត បងប្អូនបង្កើតរបស់ខ្លួនដូច្នោះ ។
សូមមេត្តាពិចារណានូវទោស កំហុសនៃសេចក្ដីច្រណែនមានច្រើនណាស់ ដូចជា៖
សេចក្ដីច្រណែន អាចនាំឲ្យបែបបាក់ញាតិមិត្ត
សេចក្ដីច្រណែន អាចធ្វើឲ្យខ្លួនសាងកម្មពៀរវេរាដ៏ច្រើន
សេចក្ដីច្រណែន អាចធ្វើឲ្យខ្លួនវិកលចរិត (ឆ្កួត)
សេចក្ដីច្រណែន អាចធ្វើឲ្យខ្លួនអស់សតិបញ្ញា
សេចក្ដីច្រណែន អាចធ្វើឲ្យខ្លួនចេះរមិលគុណអ្នកដទៃ
សេចក្ដីច្រណែន អាចធ្វើឲ្យខ្លួនចេះនិយាយញុះញង់
សេចក្ដីច្រណែន អាចធ្វើឲ្យខ្លួនសម្លាប់គ្នានឹងសម្លាប់ខ្លួនឯងបាន
សេចក្ដីច្រណែន អាចធ្វើឲ្យខ្លួនស្អប់មនុស្សល្អ
សេចក្ដីច្រណែន អាចធ្វើឲ្យខ្លួនអស់ញាតិមិត្ត
សេចក្ដីច្រណែន អាចធ្វើឲ្យខ្លួនអស់កិត្តិយស
សេចក្ដីច្រណែន មិនអាចធ្វើឲ្យខ្លួនញញឹមបានទេ
សេចក្ដីច្រណែន អាចធ្វើឲ្យខ្លួនទៅកាន់អបាយភូមិ
សេចក្ដីច្រណែន អាចធ្វើឲ្យខ្លួនកើតក្នុងត្រកូលថោកទាប
សេចក្ដីច្រណែន អ្នកដទៃជាចំនុចខ្សោយរបស់ខ្លួន
សេចក្ដីច្រណែន គឺជា អកុសលប្រចាំជីវិត
សេចក្ដីច្រណែន ធ្វើឲ្យវិនាសចាកសីលគុណជាដើម
សេចក្ដីច្រណែន មិនអាចឃើញសច្ចធម៌បាន ៕
ដកស្រង់ចេញពីសៀវភៅ មេត្តាចិត្ត រៀបរៀងដោយធម្មាចារ្យ កែវ វិមុត្ត
ពីគេហទំព័រ ៥០០០ ឆ្នាំ
© រក្សាសិទ្ធិដោយ thmeythmey.com