អន្តរជាតិ
អ.ស.ប បង្កើតវេបសាយកត់ត្រាតំបន់ដែលយន្តហោះមិនត្រូវហោះហើរ
× ក្រោយមានការផ្ទុះឆេះយន្តហោះម៉ាឡេស៊ី ក្នុងខែកក្កដាឆ្នាំ២០១៤ នៅភាគខាងកើតអ៊ុយក្រែន សម្លាប់មនុស្ស២៩៨នាក់មក អង្គការសហប្រជាជាតិបានសម្រេចបង្កើតចេញវេបសាយមួយ ដើម្បីចុះបញ្ជីតំបន់ដែលយន្តហោះមិនត្រូវធ្វើដំណើរឆ្លងកាត់។ វេបសាយនេះគឺ http://www.icao.int/czir/Pages/default.aspx
អង្គការអន្តរជាតិផ្នែកអាកាសចរណ៍ស៊ីវិល (OIAC) បានបង្កើតវេបសាយនេះឡើង និងដាក់អោយដំណើរការ តាំងពីថ្ងៃ១០មេសា កន្លងទៅ។ បន្តិចម្តងៗ វេបសាយនេះកត់ត្រាឈ្មោះបណ្តាតំបន់ដែលរងការប៉ះពាល់ដោយសង្គ្រាម តំបន់ដែលមានគ្រោះថ្នាក់ ដែលយន្តហោះមិនត្រូវឆ្លងកាត់។ រាល់ព័ត៌មានរឺឯកសារក្នុងវេបសាយនេះ នឹងត្រូវចុះផ្សាយអោយគ្រប់គ្នាបានមើលឃើញ ជាពិសេសអ្នកធ្វើដំណើរ ដែលចង់ស្វែងរកព័ត៌មានទាក់ទងជើងហោះហើរយន្តហោះ និងក្រុមហ៊ុនអាកាសចរណ៍។
ប្រទេសចំនួន៤កំពុងស្ថិតក្នុងបញ្ជីដែលយន្តហោះមិនត្រូវឆ្ល្ងកាត់ គឺអេហ្ស៊ីប ស៊ូដង់ខាងត្បូង លីប៊ី និងអ៊ីរ៉ាក់។ បញ្ជីនេះនឹងកត់ត្រាបន្ថែមនូវទីកន្លែងផ្សេងៗទៀត ប្រហែលអាចមានតំបន់ជម្លោះអ៊ុយក្រែនដែរ។ ដោយឡែក ស៊ូដង់ខាងត្បូង និងអ៊ីរ៉ាក់បានតវ៉ាប្រឆាំងនឹងការចុះឈ្មោះខ្លួនក្នុងបញ្ជីនេះ៕
© រក្សាសិទ្ធិដោយ thmeythmey.com