អន្តរជាតិ
នយោបាយអន្តរជាតិ
×![]()
រាជរដ្ឋាភិបាលថៃបានអនុម័តទៅលើសេចក្តីព្រាងច្បាប់ថ្មីដោយបានបញ្ញត្តិពីការសុំទាននៅតាមផ្លូវជាពិសេសនៅក្នុងទីក្រុងសំខាន់និងតំបន់ទេសចរណ៍របស់ថៃត្រូវចាត់ទុកជាបទល្មើស។ច្បាប់ថ្មីនេះត្រូវបានធ្វើឡើងក្នុងគោលដើម្បីកាត់បន្ថយសកម្មភាពសុំទាននៅក្នុងទីក្រុងនិងជួយបណ្តុះបណ្តាលអ្នកសុំទានទាំងនោះដើម្បីអាចមានសមត្ថភាពនិងជំនាញដើម្បីរកការងារមួយត្រឹមត្រូវ។
កាលពីព្រឹកមិញលោកនាយករដ្ឋមន្ត្រីរដ្ឋប្រហារថៃប្រាយុទ្ធចាន់អូចាបានយល់ស្របចំពោះសេចក្តីព្រាងច្បាប់ថ្មីស្តីពីការគ្រប់អ្នកសុំទានដែលបានចាត់ទុកសកម្មភាពនៃការសុំទាននៅតាមដងផ្លូវជាបទល្មើស។ច្បាប់ថ្មីនេះនឹងត្រូវនិរាករណ៍ច្បាប់ចាស់ដែលមានបញ្ញត្តិស្រដៀងគ្នាហើយបានអនុម័តតាំងពីឆ្នាំ១៩៤១មកម្ល៉េះ។
លោក Sansern Kaewkamnerd អ្នកនាំពាក្យរដ្ឋាភិបាលថៃបានបញ្ជាក់ថាច្បាប់ថ្មីដែលទើបតែអនុម័តដោយរដ្ឋាភិបាលធ្វើឡើងក្នុងគោលបំណងដោយដើម្បីកាត់បន្ថយការសុំទាននិងគ្រប់គ្រងទៅលើអ្នកសុំទានទាំងនោះតាមរយៈការបណ្តុះបណ្តាលឲ្យមានជំនាញមួយដើម្បីបង្កើតមុខរបរ។ដោយឡែកសម្រាប់អ្នកមិនអាចធ្វើការបណ្តុះបណ្តាញជំនាញបានរួមមានកុមារមនុស្សចាស់ជរានិងជនពិការត្រូវបញ្ជូនទៅកាន់មជ្ឈមណ្ឌលគាំទ្រសុខមាលភាព។
បើយោងតាមសេចក្តីព្រាងច្បាប់នេះដែរអំពើដែលត្រូវបានចាត់ទុកថាជាការសុំទានមានដូចជាការសុំប្រាក់អ្នកដទៃតាមរយៈការនិយាយសរសេរ ឬកាយវិការនិងការសម្តែងធ្វើឲ្យអ្នកដទៃអាណិតផងដែរ។ដោយឡែកសម្រាប់ការសុំប្រាក់ពីសមាជិកគ្រួសារនិងកិច្ចការមនុស្សធម៌មិនត្រូវបានចាត់ទុកជាការសុំទាននោះទេ។មួយវិញសម្រាប់ការប្រគុំតន្ត្រីនៅតាមសាធារណៈដើម្បីសុំប្រាក់ពីអ្នកដំណើរក៏មិនត្រូវបានចាត់ទុកជាការសុំទានដែរ ប្រសិនជនទាំងនោះបានផ្តល់ដំណឹងទៅកាន់អាជ្ញាធរ និងបានអនុវត្តទៅតាមការណែនាំ។
អ្វីដែលគួរចាប់អារម្មណ៍នោះគឺច្បាប់នេះនឹងដាក់ទណ្ឌកម្មជនទាំងឡាយណាដែលជម្រុញឲ្យមានការសុំទានអ្នកសុំទានទាំងឡាយណាដែលបានរត់គេចពីកន្លែងបណ្តុះបណ្តាលជំនាញជនទាំងឡាយដែលប្រគុំតន្ត្រីសុំប្រាក់តាមសាធារណៈដោយគ្មានការអនុញ្ញាតនិងជនទាំងឡាយណាដែលបង្ខិតបង្ខំអ្នកដទៃសុំទានដើម្បីផលប្រយោជន៍ខ្លួនឯង៕
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
