ជាតិ
សង្គមជាតិ
ក្រសួងការងារនឹងជជែកបញ្ហាកម្មករក្នុងទិវាពលកម្មអន្តរជាតិ ១ ឧសភា
×
ក្រសួងការងារ និងបណ្តុះបណ្តាលវិជ្ជាជីវៈ នឹងរៀបចំកម្មវិធីអបអរសាទរខួបអនុស្សារីយ៍លើកទី១២៩ នៃទិវាពលកម្មអន្តជាតិ ដែលនឹងប្រព្រឹត្តទៅនៅថ្ងៃទី ១ ខែឧសភា ឆ្នាំ២០១។ ក្នុងកម្មវិធីនេះ ក្រសួងគ្រោងនឹងលើកយកបញ្ហាប្រឈមរបស់កម្មករមកពិភាក្សាផងដែរ។
កម្មវិធីអបអរសាទរខួបអនុស្សាវរីយ៍លើកទី១២៩ នៃទិវាពលកម្មអន្តរជាតិនេះ នឹងធ្វើឡើង នៅទីស្តីការក្រសួងការងារ និងបណ្តុះបណ្តាលវិជ្ជាជីវៈក្រោមប្រធានបទ «សាមគ្គីភាព ផលិតភាព និងការងារ» ដែលនឹងពិក្សា ក្នុងការស្វែងរកដំណោះស្រាយរួមគ្នាលើបញ្ហាកង្វល់ ឬសំណូមពរជាអាទិភាពរបស់កម្មករនិយោជិក និងនិយោជក ។
សេចក្តីប្រកាសព័ត៌មានដែលចេញផ្សាយដោយក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី២២ ខែ មេសា ឆ្នាំ២០១៥ បានបញ្ជាក់ថា ការរៀបចំកម្មវិធីនេះនឹងមានការចូលរួមពីបណ្តាតំណាងភាគីពាក់ព័ន្ឋជាច្រើនដូចជា៖ តំណាងក្រសួង-ស្ថាប័នពាក់ព័ន្ឋ អង្គការវិជ្ជាជីវៈកម្មករនិយោជិក-និយោជក អង្គការការងារអន្តរជាតិ និងអង្គការសង្គមស៊ីវិលផ្សេងៗទៀត។
ភ្ជាប់ជាមួយកម្មវិធីនេះផងដែរ ក្រសួងការងារ និងបណ្តុះបណ្តាលវិជ្ជាជីវៈ ក៏នឹងធ្វើការជ្រើសរើសកម្មការិនីតាមបណ្តារោងចក្រ ដើម្បីចូលរួមក្នុងកម្មវិធី«វប្បធម៌ការប្រឡងជ្រើសរើសកម្មការិនីសម្រស់ឯក»ជាការលើកទឹកចិត្ត៕
© រក្សាសិទ្ធិដោយ thmeythmey.com