ជាតិ
សមត្ថកិច្ច ដុតកំទេចកញ្ឆាខុសច្បាប់៧,៦៣៧ដើម
× សមត្ថកិច្ចនគរបាលស្រុកភ្នំក្រវ៉ាញ បានចុះបង្ក្រាបការដាំដុះកញ្ឆាខុសច្បាប់ ចំនួន ៥,០១៨គុម្ព ស្មើនិង ៧,៦៣៧ដើម ដាំលើផ្ទៃដីចំនួន ៦,០០០ម៉ែត្រការេ កាលពីថ្ងៃទី៤ ឧសភា នៅក្នុងភូមិសាស្ត្រត្រង់ចំណុចម៉ឺនមាស ក្នុងភូមិវាលវង់ ឃុំរកាត ស្រុកភ្នំក្រវ៉ាញ ខេត្តពោធិ៍សាត់ ។
យោងតាមការចុះផ្សាយរបស់អគ្គស្នងការដ្ឋាននរគបាលជាតិ លោក សារុន ចាន់ធី ស្នងការនគរបាលខេត្ត ចាត់វិធានការជាបន្ទាន់ ចុះបង្ក្រាបការចម្ការកញ្ឆា ដោយកាប់និងដុតកំទេចចោលទាំងស្រុង ក្រោយពីទទួលបានព័ត៌មានពី ម្ចាស់ដី ឈ្មោះ សួន សេង ភេទ ប្រុស អាយុ ៥២ឆ្នាំ។
ចំណែកជនសង្ស័យឈ្មោះ អ៊ុង អេង ជាអ្នកដាំកញ្ឆាខុសច្បាប់ ដែលជួលដីឈ្មោះ សួន អេងបានរត់គេចខ្លួន៕
© រក្សាសិទ្ធិដោយ thmeythmey.com