ជាតិ
សង្គមជាតិ
ភ្នំពេញ៖ គិតត្រឹមឆ្នាំ ២០១៥ កម្ពុជាមានប្រព័ន្ធផ្សព្វផ្សាយព័ត៌មានគ្រប់ប្រភេទជាង១ពាន់រួមមាន ទាំងវិទ្យុ ទូរទស្សន៍ កាសែត ទស្សនាវដ្តី និងគេហទំព័រជាដើម។ ប៉ុន្តែមន្ត្រីអង្គការក្រៅរដ្ឋាភិបាលខ្លះបានរិះគន់ថា ប្រព័ន្ធផ្សព្វផ្សាយភាគច្រើនមិនទាន់បានអនុវត្តការងារសារព័ត៌មានប្រកបដោយវិជ្ជាជីវៈនៅឡើយទេ។
ប្រសិនបើមតិនានារិះគន់កម្ពុជាអំពីការរឹតត្បិតផ្នែកសេរីភាពសារព័ត៌មាន មន្ត្រីរដ្ឋាភិបាលនៃប្រទេសនឹងច្រានចោលការរិះគន់នេះភ្លាម តាមរយៈការបង្ហាញតារាងឈ្មោះអង្គភាពសារព័ត៌មានជាង១០០០ ដែលត្រូវបានទទួលស្គាល់ដោយក្រសួងព័ត៌មាន។ ក្នុងចំណោមបណ្តាញផ្សព្វផ្សាយទាំងនេះ ក៏មានទាំងភាសាអង់គ្លេស និងភាសាខ្មែរ។
យោងតាមតួលេខដែលបង្ហាញដោយលោក មាស សុភ័ណ្ឌ អនុរដ្ឋលេខាធិការក្រសួងព័ត៌មាន គិតត្រឹមឆ្នាំ២០១៥នេះ កម្ពុជាមានសមាគមសារព័ត៌មានចំនួន៣៨ ទូរទស្សន៍ផ្សាយផ្ទាល់នៅរាជធានី-ខេត្តមាន២៤ ទូរទស្សន៍ផ្សាយបន្តចំនួន៦៩ ។ មានវិទ្យុផ្សាយផ្ទាល់រាជធានីខេត្តចំនួន១៧៥ប៉ុស្តិ៍ និងវិទ្យុផ្សាយបន្តមាន៧២ ខណៈ កាសែតជាតិមានរហូតដល់៤៥៦ និងកាសែតអន្តរជាតិ៤២ ។ និយាយអំពីទស្សនាវដី្តវិញ ទស្សនាវដ្តីជាតិមាន២៤០ និងទស្សនាវដ្តីភាសាអន្តរជាតិចំនួន៥៩ ព្រមទាំងព្រឹត្តិប័ត្រព័ត៌មានចំនួន៤១ និងគេហទំព័រព័ត៌មានចំនួន៤៤ ។
ចំនួនស្ថាប័នព័ត៌មាននៅកម្ពុជា ត្រូវបានបង្ហាញនៅក្នុងពិធីផ្សព្វផ្សាយសៀវភៅស្តីពី សេរីភាពសារព័ត៌មាន និងបទប្បញ្ញត្តិប្រព័ន្ធផ្សព្វផ្សាយនៅកម្ពុជា ដែលរៀបចំឡើងដោយមូលនិធិខុនរ៉ាដ អាដិនណៅអែរប្រចាំកម្ពុជា នៅថ្ងៃទី៥ ខែមេសានេះ។
អនុរដ្ឋលេខាធិការក្រសួងព័ត៌មានដដែលពន្យល់ថា៖« នេះគឺជាការបង្ហាញឲ្យឃើញពីការអភិវឌ្ឍសំបូរបែបក្នុងវិស័យព័ត៌មាននៅកម្ពុជា ដែលជំរុញសិទ្ធិសេរីភាពបញ្ចេញមតិឲ្យមានការកើនឡើងជាបន្តបន្ទាប់»។
ប៉ុន្តែនៅក្នុងពិធីដែលមានការចូលរួមពីសំណាក់តំណាងរាស្ត្រមកពី គណបក្សសង្គ្រោះជាតិ តំណាងរដ្ឋាភិបាល អង្គការក្រៅរដ្ឋាភិបាលរួមទាំងអ្នក សារព័ត៌មានជាតិ និងអន្តរជាតិជាង ១០០នាក់នោះ ប្រធានលេខាធិការដ្ឋាននៃគណៈកម្មាធិការប្រព្រឹត្តិកម្មនៃអង្គការសមាគមការពារសិទ្ធិមនុស្សកម្ពុជា(CHRAC) លោក សួន ប៊ុនស័ក្តិ បានចាត់ទុកថា ប្រព័ន្ធផ្សព្វផ្សាយមួយចំនួន មិនបានផ្សព្វផ្សាយឲ្យមានតម្លាភាពនៅឡើយ។ លោកនិយាយថា ស្ថាប័នទាំងនោះ ហាក់បីដូចជាស្ថិតនៅក្រោមគំនាមពីភាគីណាមួយ ហើយម្យ៉ាងទៀតអាចថា ស្ថាប័នទាំងនោះ មិនបញ្ចេញព័ត៌មានគ្រប់ជ្រុងជ្រោយទេ។
«ទូរទស្សន៍ វិទ្យុ កាសែតមួយចំនួន មិនសូវផ្សាយពីការកាប់បំផ្លាញព្រៃឈើ ការជីករ៉ែ និងបទល្មើសផ្សេងនានា ដែលបង្កឲ្យអន្តរាយជាតិនោះទេ ភាគច្រើនពួកគេផ្សាយតែព័ត៌មានពិធីការ ជាពិសេសទូរទស្សន៍ជាតិតែម្តង គួរតែផ្សាយព័ត៌មានដែលជាបទល្មើសទាំងអស់នេះដល់ពលរដ្ឋ។ នេះទើបមានតម្លាភាព»។ នេះការរិះគន់របស់លោក សួន ប៊ុនស័ក្តិ៕
ប្រសិនបើមតិនានារិះគន់កម្ពុជាអំពីការរឹតត្បិតផ្នែកសេរីភាពសារព័ត៌មាន មន្ត្រីរដ្ឋាភិបាលនៃប្រទេសនឹងច្រានចោលការរិះគន់នេះភ្លាម តាមរយៈការបង្ហាញតារាងឈ្មោះអង្គភាពសារព័ត៌មានជាង១០០០ ដែលត្រូវបានទទួលស្គាល់ដោយក្រសួងព័ត៌មាន។ ក្នុងចំណោមបណ្តាញផ្សព្វផ្សាយទាំងនេះ ក៏មានទាំងភាសាអង់គ្លេស និងភាសាខ្មែរ។
យោងតាមតួលេខដែលបង្ហាញដោយលោក មាស សុភ័ណ្ឌ អនុរដ្ឋលេខាធិការក្រសួងព័ត៌មាន គិតត្រឹមឆ្នាំ២០១៥នេះ កម្ពុជាមានសមាគមសារព័ត៌មានចំនួន៣៨ ទូរទស្សន៍ផ្សាយផ្ទាល់នៅរាជធានី-ខេត្តមាន២៤ ទូរទស្សន៍ផ្សាយបន្តចំនួន៦៩ ។ មានវិទ្យុផ្សាយផ្ទាល់រាជធានីខេត្តចំនួន១៧៥ប៉ុស្តិ៍ និងវិទ្យុផ្សាយបន្តមាន៧២ ខណៈ កាសែតជាតិមានរហូតដល់៤៥៦ និងកាសែតអន្តរជាតិ៤២ ។ និយាយអំពីទស្សនាវដី្តវិញ ទស្សនាវដ្តីជាតិមាន២៤០ និងទស្សនាវដ្តីភាសាអន្តរជាតិចំនួន៥៩ ព្រមទាំងព្រឹត្តិប័ត្រព័ត៌មានចំនួន៤១ និងគេហទំព័រព័ត៌មានចំនួន៤៤ ។
ចំនួនស្ថាប័នព័ត៌មាននៅកម្ពុជា ត្រូវបានបង្ហាញនៅក្នុងពិធីផ្សព្វផ្សាយសៀវភៅស្តីពី សេរីភាពសារព័ត៌មាន និងបទប្បញ្ញត្តិប្រព័ន្ធផ្សព្វផ្សាយនៅកម្ពុជា ដែលរៀបចំឡើងដោយមូលនិធិខុនរ៉ាដ អាដិនណៅអែរប្រចាំកម្ពុជា នៅថ្ងៃទី៥ ខែមេសានេះ។
អនុរដ្ឋលេខាធិការក្រសួងព័ត៌មានដដែលពន្យល់ថា៖« នេះគឺជាការបង្ហាញឲ្យឃើញពីការអភិវឌ្ឍសំបូរបែបក្នុងវិស័យព័ត៌មាននៅកម្ពុជា ដែលជំរុញសិទ្ធិសេរីភាពបញ្ចេញមតិឲ្យមានការកើនឡើងជាបន្តបន្ទាប់»។
ប៉ុន្តែនៅក្នុងពិធីដែលមានការចូលរួមពីសំណាក់តំណាងរាស្ត្រមកពី គណបក្សសង្គ្រោះជាតិ តំណាងរដ្ឋាភិបាល អង្គការក្រៅរដ្ឋាភិបាលរួមទាំងអ្នក សារព័ត៌មានជាតិ និងអន្តរជាតិជាង ១០០នាក់នោះ ប្រធានលេខាធិការដ្ឋាននៃគណៈកម្មាធិការប្រព្រឹត្តិកម្មនៃអង្គការសមាគមការពារសិទ្ធិមនុស្សកម្ពុជា(CHRAC) លោក សួន ប៊ុនស័ក្តិ បានចាត់ទុកថា ប្រព័ន្ធផ្សព្វផ្សាយមួយចំនួន មិនបានផ្សព្វផ្សាយឲ្យមានតម្លាភាពនៅឡើយ។ លោកនិយាយថា ស្ថាប័នទាំងនោះ ហាក់បីដូចជាស្ថិតនៅក្រោមគំនាមពីភាគីណាមួយ ហើយម្យ៉ាងទៀតអាចថា ស្ថាប័នទាំងនោះ មិនបញ្ចេញព័ត៌មានគ្រប់ជ្រុងជ្រោយទេ។
«ទូរទស្សន៍ វិទ្យុ កាសែតមួយចំនួន មិនសូវផ្សាយពីការកាប់បំផ្លាញព្រៃឈើ ការជីករ៉ែ និងបទល្មើសផ្សេងនានា ដែលបង្កឲ្យអន្តរាយជាតិនោះទេ ភាគច្រើនពួកគេផ្សាយតែព័ត៌មានពិធីការ ជាពិសេសទូរទស្សន៍ជាតិតែម្តង គួរតែផ្សាយព័ត៌មានដែលជាបទល្មើសទាំងអស់នេះដល់ពលរដ្ឋ។ នេះទើបមានតម្លាភាព»។ នេះការរិះគន់របស់លោក សួន ប៊ុនស័ក្តិ៕
© រក្សាសិទ្ធិដោយ thmeythmey.com
