ពីនេះ ពីនោះ
តើពាក្យ «ក្រឡេក, ក្រលេក» មួយណាត្រូវ?
×
មនុស្សភាគមួយចំនួនប្រើពាក្យទាំងពីរនេះដោយមិនដឹងថាពាក្យមួយណាត្រឹមត្រូវនោះទេ។ អ្នកខ្លះថា ពាក្យនេះសរសេរ«ក្រឡេក» អ្នកខ្លះទៀតថា សរសេរជា«ក្រលេក» ហើយក៏មានមនុស្សមួយចំនួនទៀតដែរ ថាពាក្យនេះអាចសរសេរបានទាំងពីរ គឺសរសរជា«ក្រឡេក» ឬ «ក្រលេក» ក៏បាន។ បើតាមវចនានុក្រមខ្មែររបស់សម្តេចព្រះសង្ឃរាជ ជួន ណាត បានបញ្ជាក់ថាពាក្យដែលត្រឹមត្រូវ គឺសរសេរជា«ក្រឡេក» ជាកិរិយាសព្ទ មានន័យថា មើលចំហៀងភ្នែកដោយរហ័ស គឺមើលភ្លាម ងាកមកវិញភ្លាម។ ម្យ៉ាងទៀត មានន័យថា «ចាក់ក្រឡេក» គឺយកដៃទៅចាក់ ឬ ចុចត្រង់កន្លែងដែលរសើបឲ្យភ្ញាក់, តែកាលណាភ្ញាក់ តោងងាកយ៉ាងរហ័ស៕
[ដកស្រង់ពីវចនានុក្រមខ្មែរ សម្តេចព្រះសង្ឃរាជ ជួន ណាត (Version 2.0)]
© រក្សាសិទ្ធិដោយ thmeythmey.com