ជាតិ
តុលាការនឹងបើកសវនាការឪពុកម្តាយលោក ថោង សារ៉ាត់ នៅថ្ងៃទី២០ ឧសភាខាងមុខ
×
ភ្នំពេញ៖ សំណុំរឿងលោក ថោង សារ៉ាត់ ដែលជាប់ចោទថាជាមេខ្លោងក្នុងករណីឃាតកម្មបាញ់ឧកញ៉ា អ៊ឹង ម៉េងជឺ ដ៏អាថ៌កំបាំង ហើយនៅថ្ងៃទី២០ ខែឧសភា ខាងមុខនេះ តុលាការក្រុងភ្នំពេញនឹងបើកសវនាការជាផ្លូវការ លើសំណុំរឿងកាន់កាប់អាវុធខុសច្បាប់របស់ឪពុកម្តាយលោក ថោង សារ៉ាត់ ផងដែរ។
លោក លឹម វណ្ណាមេធាវីការពារក្តីឪពុកម្តាយឧកញ៉ា ថោង សារ៉ាត់ បានឲ្យសារព័ត៌មានថ្មីៗដឹងថា កូនក្តីលោកនឹងត្រូវក្រុមប្រឹក្សាជំនុំជម្រះនៃសាលាដំបូងរាជធានីភ្នំពេញកោះហៅឡើងសវនាការ នៅ ទី២០ ឧសភា ខាងមុខនេះ។
លោកបញ្ជាក់ថា៖«ក្រឡាបញ្ជីបានប្រាប់ខ្ញុំឲ្យទៅយកដីកាបើកសវនាការ។ គាត់ប្រាប់ថា សវនាការនឹងត្រូវបើកជាផ្លូវការ នៅថ្ងៃទី២០ ខែឧសភានេះ»។
© រក្សាសិទ្ធិដោយ thmeythmey.com