កីឡាជាតិ
×![]()
លោក មាស ចាន់ណា គ្រូបង្វឹកក្រុមបាល់ទាត់ក្លិបណាហ្គាវើល និង ជាគ្រូកីឡាប្រចាំវិទ្យាល័យព្រះយុគន្ធ បានជួយឱ្យក្រុមវិទ្យាល័យរបស់លោកជាប់លេខ ១ លើវិញ្ញាសាកីឡាបាល់ទាត់បុរស ក្នុងព្រឹត្តិការណ៍កីឡាសិស្សមធ្យមសិក្សាជើងឯកជាតិឆ្នាំ២០១៥ ដែលរៀបចំនៅខេត្តបាត់ដំបង កាលពីពេលថ្មី។
ក្រុមលោក ចាន់ណា ដែលតំណាងឱ្យវិទ្យាល័យប្រចាំរាជធានីភ្នំពេញ បានយកឈ្នះក្រុមតំណាងឱ្យខេត្តស្ទឹងត្រែង ដោយលទ្ធផល ៧ ទល់ ១ នៅវគ្គផ្ដាច់ព្រ័ត្រ រហូតដណ្ដើមបានមេដាយមាស តែម្ដង។
លោកបានលើកឡើងពីដំណើរទៅប្រកួតកម្រិតថ្នាក់ជាតិរបស់ក្រុមលោកថា៖ «តាមពិតកីឡាករគ្នាមិនសូវបានសម្រាកនោះទេ ដោយកម្មវិធីដាក់ឱ្យប្រកួតរាល់ថ្ងៃជាប់ៗគ្នា។ ប៉ុន្ដែខាងក្រុមយើងចេះប្រមូលកម្លាំងឡើងវិញ ទាំងញាំ និង សម្រាក បានគ្រប់គ្រាន់ ហើយធ្វើម៉ាស្សាទើបកីឡាករឆាប់មានកម្លាំងប្រកួតពីមួយថ្ងៃទៅមួយថ្ងៃរហូតដល់វគ្គផ្ដាច់ព្រ័ត្រ»។
លោកថាសម្រាប់កូនក្រុមលោកដែលមានមូលដ្ឋានត្រឹមត្រូវអាចប្រកួតបានរាល់ថ្ងៃជាប់គ្នា ណាមួយលោកផ្លាស់ប្ដូរកីឡាករទាំងអស់ឱ្យលេងឆ្លាស់គ្នាមួយថ្ងៃម្នាក់ដើម្បីរក្សាកម្លាំងក្រុមសម្រាប់ប្រកួត។ ប៉ុន្ដែក្រុមមួយចំនួនមិនបានគិតត្រង់ចំណុចនេះទេ ទើបកម្លាំងក្រុមធ្លាក់ចុះលឿន។ លោក ចាន់ណា បានថ្លែងអំណរគុណដល់លោកនាយកសាលាវិទ្យាល័យព្រះយុគន្ធ ដែលតែងតែទំនុកបម្រុងដល់កីឡាករតាមការស្នើរសុំរបស់លោក។
ការទៅដឹកនាំក្រុមវិទ្យាល័យនេះមិនប៉ះពាល់នឹងក្លិបរបស់លោកនោះទេ ព្រោះមិនមានកម្មវិធីប្រកួតលីក ឬ ពានរង្វាន់អ្វីផ្សេងទេ តែលោកបានដាក់កម្មវិធីហ្វឹកហាត់ឱ្យក្រុមគ្រូជំនួយជួយដោះស្រាយបានត្រឹមត្រូវ។
ឆ្លងកាត់ការដឹកនាំក្រុមទៅចូលរួមក្នុងពានរង្វាន់បែបយុវជននេះលោ មាស ចាន់ណា សម្លឹងឃើញពីកីឡាករល្អៗមួយចំនួនមកពីតាមខេត្តនានា ដែលក្លិបបាល់ទាត់អាជីពនៅកម្ពុជាអាចយកមកបណ្ដុះបណ្ដាលសមត្ថភាពបន្ថែមធ្វើជាជំនាន់ក្រោយខ្លួនបាន។
ទន្ទឹងនឹងផងវិជ្ជមាននេះលោកក៏សម្លឹងឃើញពីកត្តាមួយដែលស្នើសុំឱ្យខាងក្រសួងអប់រំយុវជននិងកីឡា ជួយកែសម្រួល គឺរឿងម្ហូបអាហារដោយមានអនាម័យ និង ទីកន្លែងស្នាក់នៅរបស់កីឡាករឱ្យមានរបៀបផង។ លោកដឹងថាអ្នកចូលរួមខ្ទង់ពាន់នាក់ តែគ្រប់គ្នាត្រូវស្នាក់នៅក្នុងសាលាទាំងអស់គ្នា ហើយបន្ទប់ទឹកក៏ពិបាកប្រើ ជាពិសេសសម្រាប់សិស្សស្រី។
លោក មាស ចាន់ណា ធ្លាប់ដឹកនាំក្រុមវិទ្យាល័យព្រះយុគន្ធរឈ្នះជើងឯកប្រចាំរាជធានីភ្នំពេញ ចំនួន ៦ លើកជាប់ៗគ្នាគិតតាំងពីឆ្នាំ ២០០៩ មក ហើយធ្លាប់ដឹកនាំក្រុមនេះឈ្នះជើងឯកទូទាំងប្រទេសចំនួន ៤ លើកដែរ ពោកគឺ ២០១០ – ២០១១ នៅខេត្តកំពង់ធំ ឆ្នាំ ២០១១ – ២០១២ នៅខេត្តកំពត (ឆ្នាំ ២០១២ – ២០១៣ ជើងឯករង នៅខេត្តកំពង់ចាម) ឆ្នាំ ២០១៣ – ២០១៤ នៅខេត្តកំពង់ឆ្នាំង និង ឆ្នាំ ២០១៤ – ២០១៤ នៅបាត់ដំបង នេះ។
ព្រឹត្តិការណ៍កីឡាសិស្សមធ្យមសិក្សាជើងឯកជាតិឆ្នាំ២០១៥ រៀបចំឡើងនៅខេត្តបាត់ដំបូង ពីថ្ងៃទី ៤ ដល់ ១២ ឧសភា ឆ្នាំ ២០១៥ ដោយមានវិញ្ញាសា៤ គឺ បាល់ទាត់ បាល់បោះ បាល់ទះ និង អត្តពលកម្ម៕
ក្រុមលោក ចាន់ណា ដែលតំណាងឱ្យវិទ្យាល័យប្រចាំរាជធានីភ្នំពេញ បានយកឈ្នះក្រុមតំណាងឱ្យខេត្តស្ទឹងត្រែង ដោយលទ្ធផល ៧ ទល់ ១ នៅវគ្គផ្ដាច់ព្រ័ត្រ រហូតដណ្ដើមបានមេដាយមាស តែម្ដង។
លោកបានលើកឡើងពីដំណើរទៅប្រកួតកម្រិតថ្នាក់ជាតិរបស់ក្រុមលោកថា៖ «តាមពិតកីឡាករគ្នាមិនសូវបានសម្រាកនោះទេ ដោយកម្មវិធីដាក់ឱ្យប្រកួតរាល់ថ្ងៃជាប់ៗគ្នា។ ប៉ុន្ដែខាងក្រុមយើងចេះប្រមូលកម្លាំងឡើងវិញ ទាំងញាំ និង សម្រាក បានគ្រប់គ្រាន់ ហើយធ្វើម៉ាស្សាទើបកីឡាករឆាប់មានកម្លាំងប្រកួតពីមួយថ្ងៃទៅមួយថ្ងៃរហូតដល់វគ្គផ្ដាច់ព្រ័ត្រ»។
លោកថាសម្រាប់កូនក្រុមលោកដែលមានមូលដ្ឋានត្រឹមត្រូវអាចប្រកួតបានរាល់ថ្ងៃជាប់គ្នា ណាមួយលោកផ្លាស់ប្ដូរកីឡាករទាំងអស់ឱ្យលេងឆ្លាស់គ្នាមួយថ្ងៃម្នាក់ដើម្បីរក្សាកម្លាំងក្រុមសម្រាប់ប្រកួត។ ប៉ុន្ដែក្រុមមួយចំនួនមិនបានគិតត្រង់ចំណុចនេះទេ ទើបកម្លាំងក្រុមធ្លាក់ចុះលឿន។ លោក ចាន់ណា បានថ្លែងអំណរគុណដល់លោកនាយកសាលាវិទ្យាល័យព្រះយុគន្ធ ដែលតែងតែទំនុកបម្រុងដល់កីឡាករតាមការស្នើរសុំរបស់លោក។
ការទៅដឹកនាំក្រុមវិទ្យាល័យនេះមិនប៉ះពាល់នឹងក្លិបរបស់លោកនោះទេ ព្រោះមិនមានកម្មវិធីប្រកួតលីក ឬ ពានរង្វាន់អ្វីផ្សេងទេ តែលោកបានដាក់កម្មវិធីហ្វឹកហាត់ឱ្យក្រុមគ្រូជំនួយជួយដោះស្រាយបានត្រឹមត្រូវ។
ឆ្លងកាត់ការដឹកនាំក្រុមទៅចូលរួមក្នុងពានរង្វាន់បែបយុវជននេះលោ មាស ចាន់ណា សម្លឹងឃើញពីកីឡាករល្អៗមួយចំនួនមកពីតាមខេត្តនានា ដែលក្លិបបាល់ទាត់អាជីពនៅកម្ពុជាអាចយកមកបណ្ដុះបណ្ដាលសមត្ថភាពបន្ថែមធ្វើជាជំនាន់ក្រោយខ្លួនបាន។
ទន្ទឹងនឹងផងវិជ្ជមាននេះលោកក៏សម្លឹងឃើញពីកត្តាមួយដែលស្នើសុំឱ្យខាងក្រសួងអប់រំយុវជននិងកីឡា ជួយកែសម្រួល គឺរឿងម្ហូបអាហារដោយមានអនាម័យ និង ទីកន្លែងស្នាក់នៅរបស់កីឡាករឱ្យមានរបៀបផង។ លោកដឹងថាអ្នកចូលរួមខ្ទង់ពាន់នាក់ តែគ្រប់គ្នាត្រូវស្នាក់នៅក្នុងសាលាទាំងអស់គ្នា ហើយបន្ទប់ទឹកក៏ពិបាកប្រើ ជាពិសេសសម្រាប់សិស្សស្រី។
លោក មាស ចាន់ណា ធ្លាប់ដឹកនាំក្រុមវិទ្យាល័យព្រះយុគន្ធរឈ្នះជើងឯកប្រចាំរាជធានីភ្នំពេញ ចំនួន ៦ លើកជាប់ៗគ្នាគិតតាំងពីឆ្នាំ ២០០៩ មក ហើយធ្លាប់ដឹកនាំក្រុមនេះឈ្នះជើងឯកទូទាំងប្រទេសចំនួន ៤ លើកដែរ ពោកគឺ ២០១០ – ២០១១ នៅខេត្តកំពង់ធំ ឆ្នាំ ២០១១ – ២០១២ នៅខេត្តកំពត (ឆ្នាំ ២០១២ – ២០១៣ ជើងឯករង នៅខេត្តកំពង់ចាម) ឆ្នាំ ២០១៣ – ២០១៤ នៅខេត្តកំពង់ឆ្នាំង និង ឆ្នាំ ២០១៤ – ២០១៤ នៅបាត់ដំបង នេះ។
ព្រឹត្តិការណ៍កីឡាសិស្សមធ្យមសិក្សាជើងឯកជាតិឆ្នាំ២០១៥ រៀបចំឡើងនៅខេត្តបាត់ដំបូង ពីថ្ងៃទី ៤ ដល់ ១២ ឧសភា ឆ្នាំ ២០១៥ ដោយមានវិញ្ញាសា៤ គឺ បាល់ទាត់ បាល់បោះ បាល់ទះ និង អត្តពលកម្ម៕
© រក្សាសិទ្ធិដោយ thmeythmey.com
