ពីនេះ ពីនោះ
កំណាព្យ៖ ដុល្លារប្រហារចិត្តស្មោះ
× កំណាព្យ
ដុល្លារប្រហារចិត្តស្មោះ
បទៈ ពាក្យ៨
សាយ័ណ្ហទោចយំជើងភ្នំវត្ដស្រែ ទុក្ខខ្ញុំឥតល្ហែព្រោះស្នេហ៍ឃ្លាតឆ្ងាយ
ក៏ព្រោះតែគេផ្ដាច់ចិត្ដផ្ដាច់កាយ ឱ្យខ្ញុំឃ្លាតឆ្ងាយៗពីរូបស្រី។
ថ្ងៃអូនរៀបការថ្ងៃសង្សារយំ ភ្លេចការប្រគំបងយំនឹកស្រី
ថ្ងៃអូនញញឹមសាងជីវិតថ្មី ថ្ងៃបងលាស្រីទាំងក្ដីស្រណោះ។
ឱ!ទឹកភ្នែកអើយឈប់ហូរទៀតទៅក្ដីស្នេហ៍អាស្រូវទុក្ខនៅនឹងប្រុស
អូនការគូថ្មីគាប់ម្ដាយស្រីចុះ បងអោបក្ដីស្មោះយំសោកខ្លោចផ្សា។
ធ្វើម្ដេចជាតិនេះបងគ្មាននិស្ស័យ បានត្រឹមស្គាល់ស្រីក្នុងនាមសង្សារ
រូបបងក្រទ្រព្យម្ដាយអូនផ្ដាច់ការ ឃើញប្រាក់ដុល្លារប្រហារចិត្ដស្មោះ៕
រឿងពិតរបស់បុរសម្នាក់ រស់នៅភូមិស្រែថ្មី ឃុំតាស្តា ស្រុកសំពៅលូន ខេត្តបាត់ដំបង
និពន្ធដោយ៖វិឆ័យ សុភី
© រក្សាសិទ្ធិដោយ thmeythmey.com