×![]()
ភ្នំពេញ៖ តារាម៉ូដែលវ័យក្មេងកញ្ញា គៀង សូនីតា បាននិយាយឲ្យដឹងថា សព្វថ្ងៃ បេះដូងនាងនៅមិនទាន់មានពាក់ព័ន្ធនឹងរឿងស្នេហាឡើយបើអ្វីដែលធម្មជាតិបានតាក់តែងមកហើយនោះ រឿងគូស្រករ គឺសម្រេចលើព្រហ្មលិខិតប៉ុណ្ណោះ។
ទោះយ៉ាងណាក៏ដោយ តារាម៉ូដែលវ័យក្មេងរូបនេះ បង្ហើបប្រាប់ឲ្យដឹងថា ប្រសិនបើទៅថ្ងៃក្រោយត្រូវជ្រើសរើសគូស្រករនោះ នាងនឹងមិនសម្រេចយកបុរសដែលនៅក្មេងវ័យពេកទេ ប៉ុន្តែត្រូវយកបុរសដែលមានវ័យច្រើនបន្តិចដែរ។ នាងបញ្ជាក់ជុំវិញការសម្រេចចិត្តជ្រើសយកបុរសវ័យចំណាស់នេះយ៉ាងដូច្នេះថា បុរសដែលមានតួនាទីជាមេគ្រួសារ គឺសំខាន់មានគំនិតចាស់ទុំ មានចិត្តអំណត់ក្នុងគ្រួសារ ចេះស្រលាញ់ ថ្នាក់ថ្នម និងយល់ទុក្ខធុរៈរបស់ភរិយា។ អ្វីដែលសំខាន់នោះ នាងអះអាងថា បុរសនោះត្រូវចេះស្រលាញ់ក្រុមគ្រួសារនាងជាធំផងដែរ។
បើទោះបីជាអ្វីទាំងអស់នេះ វានៅត្រឹមតែជាវត្ថុបំណងក្តី ប៉ុន្តែ គៀង សូនីតា លើកឡើងថា មិនដឹងថាអ្វីដែលនាងចង់បាននោះ វាអាចសមតាមបំណងរបស់នាងប៉ុន្មានភាគរយនោះទេ។ ទន្ទឹមនឹងនេះ សូនីតា ក៏បានគិតទៅដល់រឿងវាសនាផងដែរថា បើអ្វីដែលធម្មជាតិបានតាក់តែងមកហើយនោះ រឿងគូព្រេងយ៉ាងណានោះ គឺសម្រេចលើព្រហ្មលិខិតប៉ុណ្ណោះ។
បើទោះបីជាក្នុងចំណោមបងប្អូនទាំងអស់ គ្មានអ្នកណាម្នាក់ មាននិស្ស័យសិល្បៈដូចនាង ប៉ុន្តែ គៀង សូនីតា ប្រាប់ឲ្យដឹងថា ដោយសារម្តាយនាងក៏ជាអ្នកសម្តែងល្ខោន យីកេ ដែរនោះ ទើបក្រុមគ្រួសារជំរុញ និងលើកទឹកចិត្តនាងឲ្យចូលសិល្បៈតាមបំណងដែលនាងចង់តាំងតែពីនៅវ័យក្មេងនោះ៕
© រក្សាសិទ្ធិដោយ thmeythmey.com
