ជាតិ
នយោបាយជាតិ
×![]()
ដោយ: ធឿន បញ្ញាឬទិ្ធ
លោកឧបនាយករដ្ឋមន្ត្រី ហោ ណាំហុង រដ្ឋមន្ត្រីក្រសួងការបរទេសកម្ពុជា បានក្រើនរំលឹកទៅកាន់ទីភ្នាក់ងារអង្គការសហប្រជាជាតិប្រចាំកម្ពុជា ឲ្យមានការគោរពតាមច្បាប់ធម្មនុញ្ញរបស់UN ទៅតាមមាត្រា២ កថាខណ្ឌទី៧ ដើម្បីពង្រឹងការអនុវត្តតួនាទីរបស់ខ្លួននៅកម្ពុជា ឲ្យបានត្រឹមត្រូវឡើងវិញ ។ការក្រើនរំលឹករបស់លោក ហោ ណាំហុង ធ្វើឡើងនៅក្នុងជំនួបជាមួយ មន្ត្រីតំណាងអង្គការសហប្រជាជាតិប្រចាំកម្ពុជា នៅថ្ងៃទី២១ឧសភា នៅទីស្តីការក្រសួងការបរទេស។ 
រដ្ឋមន្ត្រីការបរទេសកម្ពុជា លោក ហោ ណាំហុង បានបញ្ជាក់ថា មូលហេតុដែលរូបលោក កោះហៅតំណាងអង្គការសហប្រជាជាតិមកពិភាក្សានេះ គឺដោយសារកន្លងមក មន្ត្រីអង្គការអន្តរជាតិចំនួន៤ បានសរសេររិះគន់រាជរដ្ឋាភិបាលកម្ពុជា អំពីសេចក្តីព្រៀងច្បាប់ស្តី ពីសមាគម និងអង្គការមិនមែនរដ្ឋាភិបាល ដែលបានផ្សាយដោយកាសែតភ្នំពេញប៉ុស្តិ៍ កាលពីថ្ងៃទី១២ ខែឧសភា ឆ្នាំ២០១៥កន្លងទៅ។ ហើយការរិះគន់នេះគឺផ្ទុយពីធម្មនុញ្ញរបស់អង្គការសហប្រជាជាតិ។
ប្រមុខការបរទេសរូបនេះ ក៏បានរំលឹកឲ្យតំណាងអង្គការសហប្រជាជាតិទាំងនោះ គោរពនិងអនុវត្តធម្មនុញ្ញត្រង់ចំណុចមាត្រាទី២ កថាខណ្ឌទី៧របស់ខ្លួនឡើងវិញ ដែលចែងថា គ្មានអ្វីដែលអនុញ្ញាតឲ្យអង្គការសហប្រជាជាតិជ្រៀតជ្រែកចូលកិច្ចការ ដែលជាសារាវ័ន្ដ ជាកិច្ចការផ្ទៃក្នុងរបស់រដ្ឋនីមួយៗឡើយ។ លោក ហោ ណាំហុង បន្ថែមថា មុនពេលរូបលោកទទួលអ្នកតំណាងអង្គការសហប្រជាជាតិទាំងនោះ ឲ្យចូលមកប្រទេសកម្ពុជា លោកបានអានលិខិតរបស់ប្រធានអង្គការសហប្រជាជាតិជាច្រើនលើកច្រើនសារ គ្មានពាក្យណាមួយដែលអនុញ្ញាតឲ្យពួកគេ ទិតៀនរដ្ឋាភិបាលកម្ពុជា ក្នុងវិស័យមួយក្រៅពីអាណត្តិរបស់ពួកគេនោះទេ។
លោក ហោ ណាំហុង ក៏បានបញ្ជាក់ថា សេចក្ដីព្រៀងច្បាប់ស្តី ពីសមាគម និងអង្គការមិនមែនរដ្ឋាភិបាល ដែលតំណាងអង្គការសហប្រជាជាតិរិះគន់នេះ គឺរដ្ឋាភិបាលមិនមែនបង្កើតឡើង ដើម្បីប្រឆាំងសង្គមស៊ីវិលនោះទេ ពោលគឺដើម្បីបង្កើនកិច្ចសហប្រតិបត្តិការជាមួយគ្នាបន្ថែមទៀតប៉ុណ្ណោះ។
តំណាងអង្គការសហប្រជាជាតិទាំងនោះ រួមមាន លោកស្រី វ៉ាន់-ហ៊ីលី (Wan-Hea Lee)តំណាងការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា លោកស្រី រ៉ាណា ហ្ល័វឺរស៍ (Rana Flowers) តំណាងមូលនិធិអង្គការសហប្រជាជាតិ ដើម្បីកុមារ (UNICEF) លោក ម៉ារឃ៍ ឌឺវឺអ៊ីវ (Marc Derveeuw) តំណាងមូលនិធិអង្គការសហប្រជាជាតិ សម្រាប់ប្រជាជន (UNFPA) និងលោកស្រី វែ ននី គូស៊ូម៉ា (Wenny Kusuma) តំណាងទីភ្នាក់ងារអង្គការសហប្រជាជាតិទទួលបន្ទុកសមភាពយ៉េនឌ័រ និងការផ្តល់អំណាចឲ្យស្ត្រី (UN Women) ។
ជាមួយគ្នានេះលិខិតរបស់ក្រសួងការបរទេសកម្ពុជា នៅថ្ងៃទី ១៨ ខែឧសភា ផ្ញើទៅកាន់ស្ថាប័នទាំង ៤ របស់មន្ត្រីអ.ស.ប ទាំងនោះ ដែលផ្សព្វផ្សាយនៅថ្ងៃនេះ បានចោទអ្នកទាំងនោះថា ធ្វើផ្ទុយពីធម្មនុញ្ញអង្គការសហប្រជាជាតិ។លិខិតដដែលបានបញ្ជាក់ដូច្នេះថា ៖« ក្នុងនាមជាតំណាងភ្នាក់ងារអង្គការសហប្រជាជាតិ ដូចជា ការិយាល័យឧត្តមស្នងការ ទទួលបន្ទុកសិទ្ធិមនុស្ស អង្គការយូនីសេហ្វ អង្គការ UNFPA និងអង្គការ UN Women លោក លោកស្រី ត្រូវបំពេញតួនាទីរបស់ខ្លួន ដោយគោរពតាមធម្មនុញ្ញរបស់អង្គការសហប្រជាជាតិ និងកាតព្វកិច្ចរបស់ខ្លួន។ មាត្រា ២ កថាខណ្ឌទី ៧ នៃធម្មនុញ្ញអង្គការសហប្រជាជាតិចែងថា ពុំមានពាក្យណាមួយនៅក្នុងធម្មធនុញ្ញ អ.ស.ប អនុញ្ញាតឲ្យអ.ស.ប ធ្វើអន្តរាគមន៍លើកិច្ចការដែលស្ថិតនៅក្រោមច្បាប់នៃរដ្ឋណាមួយឡើយ។ ហេតុនេះ យោបល់របស់លោក លោកស្រី ក្នុងនាមជាតំណាងភ្នាក់ងារ អ.ស.ប គឺជាទង្វើខុសពីធម្មនុញ្ញអ.ស.ប» ។
ក្រសួងការបរទេសកម្ពុជា បន្តលើកឡើងពីលិខិតតែងតាំងមន្ត្រីអ.ស.ប ទាំងនោះថា ពុំមានពាក្យណាមួយអនុញ្ញាតឲ្យអ្នកទាំងនោះ ផ្តល់យោបល់និងទិតៀនរាជរដ្ឋាភិបាលអំពើសេចក្តីព្រាងច្បាប់ ដែលមិនស្ថិតនៅក្រោមកាតព្វកិច្ចរបស់ខ្លួនឡើយ ។ ក្រសួងការបរទេស បន្ថែមថា មន្ត្រីទាំងនោះ អាចផ្តល់គំនិតទៅស្ថាប័នជាតិដែលពាក់ព័ន្ធ ដើម្បីពិចារណា និងសហប្រតិបត្តិការ តែមិនមែនចុះផ្សាយយោបល់ទិតៀនរបស់ពួកខ្លួន ក្នុងប្រព័ន្ធសារព័ត៌មាននោះទេ៕
សូមចូលមើលអត្ថបទទាក់ទង៖ www.thmeythmey.com/
រដ្ឋមន្ត្រីការបរទេសកម្ពុជា លោក ហោ ណាំហុង បានបញ្ជាក់ថា មូលហេតុដែលរូបលោក កោះហៅតំណាងអង្គការសហប្រជាជាតិមកពិភាក្សានេះ គឺដោយសារកន្លងមក មន្ត្រីអង្គការអន្តរជាតិចំនួន៤ បានសរសេររិះគន់រាជរដ្ឋាភិបាលកម្ពុជា អំពីសេចក្តីព្រៀងច្បាប់ស្តី ពីសមាគម និងអង្គការមិនមែនរដ្ឋាភិបាល ដែលបានផ្សាយដោយកាសែតភ្នំពេញប៉ុស្តិ៍ កាលពីថ្ងៃទី១២ ខែឧសភា ឆ្នាំ២០១៥កន្លងទៅ។ ហើយការរិះគន់នេះគឺផ្ទុយពីធម្មនុញ្ញរបស់អង្គការសហប្រជាជាតិ។
ប្រមុខការបរទេសរូបនេះ ក៏បានរំលឹកឲ្យតំណាងអង្គការសហប្រជាជាតិទាំងនោះ គោរពនិងអនុវត្តធម្មនុញ្ញត្រង់ចំណុចមាត្រាទី២ កថាខណ្ឌទី៧របស់ខ្លួនឡើងវិញ ដែលចែងថា គ្មានអ្វីដែលអនុញ្ញាតឲ្យអង្គការសហប្រជាជាតិជ្រៀតជ្រែកចូលកិច្ចការ ដែលជាសារាវ័ន្ដ ជាកិច្ចការផ្ទៃក្នុងរបស់រដ្ឋនីមួយៗឡើយ។ លោក ហោ ណាំហុង បន្ថែមថា មុនពេលរូបលោកទទួលអ្នកតំណាងអង្គការសហប្រជាជាតិទាំងនោះ ឲ្យចូលមកប្រទេសកម្ពុជា លោកបានអានលិខិតរបស់ប្រធានអង្គការសហប្រជាជាតិជាច្រើនលើកច្រើនសារ គ្មានពាក្យណាមួយដែលអនុញ្ញាតឲ្យពួកគេ ទិតៀនរដ្ឋាភិបាលកម្ពុជា ក្នុងវិស័យមួយក្រៅពីអាណត្តិរបស់ពួកគេនោះទេ។
លោក ហោ ណាំហុង ក៏បានបញ្ជាក់ថា សេចក្ដីព្រៀងច្បាប់ស្តី ពីសមាគម និងអង្គការមិនមែនរដ្ឋាភិបាល ដែលតំណាងអង្គការសហប្រជាជាតិរិះគន់នេះ គឺរដ្ឋាភិបាលមិនមែនបង្កើតឡើង ដើម្បីប្រឆាំងសង្គមស៊ីវិលនោះទេ ពោលគឺដើម្បីបង្កើនកិច្ចសហប្រតិបត្តិការជាមួយគ្នាបន្ថែមទៀតប៉ុណ្ណោះ។
តំណាងអង្គការសហប្រជាជាតិទាំងនោះ រួមមាន លោកស្រី វ៉ាន់-ហ៊ីលី (Wan-Hea Lee)តំណាងការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជា លោកស្រី រ៉ាណា ហ្ល័វឺរស៍ (Rana Flowers) តំណាងមូលនិធិអង្គការសហប្រជាជាតិ ដើម្បីកុមារ (UNICEF) លោក ម៉ារឃ៍ ឌឺវឺអ៊ីវ (Marc Derveeuw) តំណាងមូលនិធិអង្គការសហប្រជាជាតិ សម្រាប់ប្រជាជន (UNFPA) និងលោកស្រី វែ ននី គូស៊ូម៉ា (Wenny Kusuma) តំណាងទីភ្នាក់ងារអង្គការសហប្រជាជាតិទទួលបន្ទុកសមភាពយ៉េនឌ័រ និងការផ្តល់អំណាចឲ្យស្ត្រី (UN Women) ។
ជាមួយគ្នានេះលិខិតរបស់ក្រសួងការបរទេសកម្ពុជា នៅថ្ងៃទី ១៨ ខែឧសភា ផ្ញើទៅកាន់ស្ថាប័នទាំង ៤ របស់មន្ត្រីអ.ស.ប ទាំងនោះ ដែលផ្សព្វផ្សាយនៅថ្ងៃនេះ បានចោទអ្នកទាំងនោះថា ធ្វើផ្ទុយពីធម្មនុញ្ញអង្គការសហប្រជាជាតិ។លិខិតដដែលបានបញ្ជាក់ដូច្នេះថា ៖« ក្នុងនាមជាតំណាងភ្នាក់ងារអង្គការសហប្រជាជាតិ ដូចជា ការិយាល័យឧត្តមស្នងការ ទទួលបន្ទុកសិទ្ធិមនុស្ស អង្គការយូនីសេហ្វ អង្គការ UNFPA និងអង្គការ UN Women លោក លោកស្រី ត្រូវបំពេញតួនាទីរបស់ខ្លួន ដោយគោរពតាមធម្មនុញ្ញរបស់អង្គការសហប្រជាជាតិ និងកាតព្វកិច្ចរបស់ខ្លួន។ មាត្រា ២ កថាខណ្ឌទី ៧ នៃធម្មនុញ្ញអង្គការសហប្រជាជាតិចែងថា ពុំមានពាក្យណាមួយនៅក្នុងធម្មធនុញ្ញ អ.ស.ប អនុញ្ញាតឲ្យអ.ស.ប ធ្វើអន្តរាគមន៍លើកិច្ចការដែលស្ថិតនៅក្រោមច្បាប់នៃរដ្ឋណាមួយឡើយ។ ហេតុនេះ យោបល់របស់លោក លោកស្រី ក្នុងនាមជាតំណាងភ្នាក់ងារ អ.ស.ប គឺជាទង្វើខុសពីធម្មនុញ្ញអ.ស.ប» ។
ក្រសួងការបរទេសកម្ពុជា បន្តលើកឡើងពីលិខិតតែងតាំងមន្ត្រីអ.ស.ប ទាំងនោះថា ពុំមានពាក្យណាមួយអនុញ្ញាតឲ្យអ្នកទាំងនោះ ផ្តល់យោបល់និងទិតៀនរាជរដ្ឋាភិបាលអំពើសេចក្តីព្រាងច្បាប់ ដែលមិនស្ថិតនៅក្រោមកាតព្វកិច្ចរបស់ខ្លួនឡើយ ។ ក្រសួងការបរទេស បន្ថែមថា មន្ត្រីទាំងនោះ អាចផ្តល់គំនិតទៅស្ថាប័នជាតិដែលពាក់ព័ន្ធ ដើម្បីពិចារណា និងសហប្រតិបត្តិការ តែមិនមែនចុះផ្សាយយោបល់ទិតៀនរបស់ពួកខ្លួន ក្នុងប្រព័ន្ធសារព័ត៌មាននោះទេ៕
សូមចូលមើលអត្ថបទទាក់ទង៖ www.thmeythmey.com/
© រក្សាសិទ្ធិដោយ thmeythmey.com
