ពីនេះ ពីនោះ
ពេលខ្លះ មាន«លុយច្រើន» បំផ្លាញសុភមង្គលក្នុងគ្រួសារទៅវិញ!
× មនុស្សមួយចំនួនគិតថា មាន«លុយច្រើន»គឺមានសេចក្តីសុខ។ ដូចច្នេះពួកគេខិតខំធ្វើការងារគ្មានពេល សម្រាក ស្ទើរតែគ្មានពេលជួបជុំក្រុមគ្រួសារផងដែរ។ អ្នកខ្លះឈានដល់ការប្រព្រឹត្តិអំពើរពុករលួយ ដើម្បីធ្វើយ៉ាងណាអោយខ្លួនមានទ្រព្យសម្បិត្តច្រើនហូរហ៊ាចាយមិនអស់។
មានពេលខ្លះ«លុយ» ជាឧបសគ្គកាត់ផ្តាច់ទំនាក់ទំនងនៅក្នុងក្រុមគ្រួសារទៅវិញ។ អ្នក«មាន»មួយ ចំនួន ពួកគេគ្មានសេចក្តីសុខនៅក្នុងក្រុមគ្រួសារនោះទេ នៅពេលមាន «លុយច្រើន» ពួកគេរវល់ តែនឹងដើរចាយវាយរៀងៗខ្លួន មិនសូវបានជួបជុំគ្នានោះឡើយ។ «ប្តី» វក់វីដើរសប្បាយពេលរាត្រី ស្ទើរតែគ្មានពេលនៅក្បែរប្រពន្ធ។ «ប្រពន្ធ» រវល់ជួបជុំមិត្តភក្តិបង្អួតទ្រព្យសម្បត្តិគ្នាគ្មានពេលនៅក្បែរ កូន។ «កូន» ភ្លើតភ្លើនភ្លេចខ្លួនដើរលេងសប្បាយ ចាយវាយ គេចសាលា គេចផ្ទះ ស្ទើរតែគ្មានពេល ជួបជុំឪពុកម្តាយ។
ផ្ទុយទៅវិញ ក្រុមគ្រួសារមួយចំនួនផ្សេងទៀត ពួកគេមិនប្រាថ្នា មាសប្រាក់ ទ្រព្យសម្បត្តិច្រើនហូរហ៊ា នោះទេ។ ពួកគេប្រាថ្នាចង់បានត្រឹងមានទ្រព្យសមល្មន មានការងារសមរម្យ តែបាននៅក្បែរក្រុមគ្រួ សារជួបជុំ ប្រពន្ធ ប្តី និងកូន រៀងរាល់ថ្ងៃ។
លោក Epicurus អ្នកប្រាជ្ញទស្សនវិជ្ជា បានពោលថា៖
«ដេកលើពូកចំបើងតែរួចចាកផុតពីការភ័យខ្លាច វាប្រសើរជាងការមានគ្រែមាស និងតុដែលសំបូរ ដោយអាហារ តែពោរពេញទៅដោយទុក្ខព្រួយ»។
«It is better for you to be free of fear lying upon a pallet, than to have a golden couch and rich table and be full of trouble».
© រក្សាសិទ្ធិដោយ thmeythmey.com