ពីនេះ ពីនោះ
«មេដឹកនាំល្អ» គួរតែជាមនុស្សប្រភេទណា?
×
ទី១) មានគំនិតច្នៃប្រឌិត៖ ជាមនុស្សដែលគិតបែបវិជ្ជាមាន និងមានគំនិតថ្មីៗ ហើយយកគំនិតច្នៃប្រឌិតទាំងនោះទៅអនុវត្តន៍ឲ្យទទួលបានជោគជ័យ។
ទី២) ការផ្តួចផ្តើគំនិត៖ ជាមនុស្សដែលលើកពីគោលគំនិតធំៗ ដើម្បីឲ្យសមាជិក្រុមជជែកពិភាក្សា និងវិភាគឲ្យបានលម្អិតល្អន់និងស៊ីជម្រៅ រួចយកមករៀបចំជាផែនការយុទ្ធសាស្ត្រ ដើម្បីអនុវត្តន៍ឲ្យចេញជាលទ្ធិផល។
ទី៣) ពង្រឹងសម្ថភាពក្រុម៖ ជាមនុស្សដែលផ្តល់វគ្គបណ្តុះបណ្តាល ផ្តល់ចំណេះដឹងថ្មីៗ និងពង្រឹងស្មារតីដល់សមាជិកក្រុម។
ទី៤) ការលើកទឹកចិត្ត៖ ជាមនុស្សដែលចូលចិត្តលើកទឹកចិត្តតាមរយៈការសរសើរ ការយកចិត្តទុកដាក់ សួរសុខទុក្ខ និងឲ្យតម្លៃលើសមាជិកក្រុម។
ទី៥) បង្កើនភាពស្និតស្នាល៖ ជាមនុស្សដែលមិនប្រកាន់ឋាន តួនាទីរវាងមេ និងកូនចៅឡើយ។ ផ្ទុយមកវិញ ជាមេដឹកនាំដែលដាក់ខ្លួនស្មើរនឹងកូនចៅ យកចិត្តទុកដាក់ និងមានទំនាក់ទំនងល្អជាមួយកូនចៅ។
ទី៦) ជឿជាក់លើខ្លួនឯង និងក្រុម៖ ជាមនុស្សដែលមានទំនុកចិត្តលើខ្លួនឯងចំពោះការបំពេញការ និងទុកចិត្តលើសមត្ថភាពរបស់សមាជិកក្រុម។
ទី៧) ការទទួលខុសត្រូវ៖ ជាមនុស្សដែលមានទំនួលខុសត្រូវខ្ពស់ក្នុងការបំពេញការងារ និងការសម្រេចចិត្ត។ មិនមែនមានបញ្ហាទំលាក់កំហុសដាក់កូនចៅ ឬរត់គេចពីបញ្ហាទេ ហើយក៏មិនយកលេសថា មកពីហេតុនេះ ឬហេតុផលនោះដែរ។
ទី៨) មានភាពស្មោះត្រង់៖ ជាមនុស្សដែលគោរពតាមគោលការណ៍ តាមច្បាប់របស់ស្ថាប័ន មិនពុករលួយ និងមិនប្រកាន់បក្សពួកនិយមឡើយ។
ទី៩) ធ្វើការសកម្មជាងអ្នកដទៃ៖ ជាមនុស្សដែលចេញមុខធ្វើសកម្មភាពមុនគេ បើទោះជាការងារនោះលំបាកយ៉ាងណាក្តី មានហានីភ័យយ៉ាងណាក្តី ក៏នៅតែចេញមុខធ្វើការងារនោះមុនគេរហូត។
ទី១០) ការវិនិច្ឆ័យ៖ ជាមនុស្សដែលមានការវិនិច្ឆ័យទៅតាមគោលការណ៍ តាមលក្ខខណ្ឌរបស់ស្ថាប័ន និងយោងទៅតាមហេតុផល និងភ័ស្តុតាងច្បាស់លាស់។ ល៕
© រក្សាសិទ្ធិដោយ thmeythmey.com